Рет қаралды 1,074,710
အရပ်သား အစိုးရသစ်က BPLA ကို မလိုတော့ဘူးဆိုရင် လက်နက်ဖြုတ်သိမ်းပြီး ပြန်ဖို့ပဲရှိပါတယ် (ရုပ်/သံ)
ဧရာဝတီ၊ မေ ၂၇၊ ၂၀၂၃
စစ်အာဏာရှင် တော်လှန်ရေးပြီးလို့ ပေါ်ပေါက်လာမယ့် အရပ်သား အစိုးရက မလိုအပ်တော့ဘူးလို့ ပြောလာရင် လက်နက်ဖြုတ်သိမ်းပြီး အိမ်ပြန်ကြမှာဖြစ်တယ်လို့ ဗမာပြည်သူ့လွတ်မြောက်ရေး တပ်တော် (BPLA) ကွပ်ကဲရေးမှူး မောင်ဆောင်းခ က ပြောဆိုပါတယ်။
BPLA ဟာ ၂၀၂၁ နှစ် စစ်အာဏာသိမ်းမှုဖြစ်ပွားပြီးတဲ့နောက် ပေါ်ပေါက်လာတဲ့ လက်နက်ကိုင် အဖွဲ့အစည်းတခုဖြစ်ပြီး တိုင်းရင်းသား လက်နက်ကိုင် အဖွဲ့အစည်း တချို့နဲ့ အာဏာသိမ်း စစ်တပ်အကြားဖြစ်ပွားနေတဲ့ တိုက်ပွဲတွေမှာ ပါဝင်တိုက်ခိုက်နေတဲ့ အဖွဲ့တခုလည်းဖြစ်ပါတယ်။
BPLA စတင်ပေါ်ပေါက်လာပုံ အပါအဝင် ရည်ရွယ်ချက်၊ ရည်မှန်းချက်တွေနဲ့ ရင်ဆိုင်ကြုံတွေ့နေရတဲ့ စိန်ခေါ်မှုတွေအကြောင်း အဖွဲ့ရဲ့ ကွပ်ကဲရေးမှူးဖြစ်တဲ့ မောင်ဆောင်းခ ကို ဧရာဝတီက သွားရောက် တွေ့ဆုံမေးမြန်းထားတာဖြစ်ပါတယ်။