"အာဏာရှင်ဆန်သမျှ ဆန့်ကျင်ကြ၊ လူထုတိုက်ပွဲအရှိန်မြှင့်ကြ" လောင်းလုံသပိတ်

"အာဏာရှင်ဆန်သမျှ ဆန့်ကျင်ကြ၊ လူထုတိုက်ပွဲအရှိန်မြှင့်ကြ" လောင်းလုံသပိတ် | MAWKUN

Рет қаралды 171

2 ай бұрын

"အာဏာရှင်ဆန်သမျှ ဆန့်ကျင်ကြ၊ လူထုတိုက်ပွဲအရှိန်မြှင့်ကြ" လောင်းလုံသပိတ်
လောင်းလုံ - ၂၀၂၄ မေ ၃ (မော်ကွန်း)
တနင်္သာရီတိုင်း၊ ထားဝယ်ခရိုင် ဒီမိုကရေစီအရေး လှုပ်ရှားမှုသပိတ်ကော်မတီကနေ ဦးဆောင်ပြီး လောင်းလုံးမြို့နယ်မှာ ဒီကနေ့ "အာဏာရှင်ဆန်သမျှ ဆန့်ကျင်ကြ၊ လူထုတိုက်ပွဲအရှိန်မြှင့်ကြ" ခေါင်းစဥ်နဲ့ အာဏာရှင်စနစ်ဆန့်ကျင်ရေး လူထုသပိတ်လှုပ်ရှားမှု ပြုလုပ်ခဲ့ကြပါတယ်။
"အခုလို သုံးနှစ်ကျော်အချိန်ကို ရောက်လာတဲ့ အခုကာလအထိ ကျနော်တို့ဟာ ပြည်သူလူထုနဲ့ လက်တွဲပြီး အာဏာရှင်စနစ်ပြုတ်ကျဖို့အတွက် အာဏာသိမ်းစစ်ကောင်စီတပ်ကို လူထုသပိတ်တိုက်ပွဲ နည်းနာတွေနဲ့ တော်လှန်ပုန်ကန်ဆဲဖြစ်တယ်ဆိုတာ အားလုံးအသိဖြစ်ပါတယ်" လို့ သပိတ်ကကြေညာပါတယ်။
တော်လှန်ရေးကာလ သုံးနှစ်ကျော်ရောက်လာချိန်မှာတော့ လူ့အခွင့်အရေး၊ လွတ်လပ်ခွင့် စတဲ့ ဒီမိုကရေစီစံနှုန်းတွေကို မသွေမဖယ် လိုက်နာရမယ့် တော်လှန်ရေးအင်အားစုတချို့ကိုယ်တိုင်မလေးစား၊ မလိုက်နာတာမျိုးတွေ ရှိလာနေတယ်လို့ သပိတ်က သတိပေးပါတယ်။
ပြည်သူတွေရဲ့ လွတ်လပ်ခွင့်ကို ပိတ်ပင်တားဆီးတာ၊ ပြည်သူတွေကို ဝန်ထုပ်ဝန်ပိုးဖြစ်စေမယ့် လုပ်ရပ်တွေကို တကိုယ်ကောင်းဆန်ဆန်ပြုလုပ်တာ၊ တော်လှန်ရေးအင်အားစုအချင်းချင်း အနိုင်ကျင့် ဗိုလ်ကျတဲ့လုပ်ရပ်မျိုးတွေကျူးလွန်တာ စတဲ့လုပ်ရပ်တွေဟာ အာဏာရှင်တွေရဲ့ စရိုက်ဆိုးတွေဖြစ်တယ်လို့ သပိတ်ကဆိုပါတယ်။
သပိတ်အနေနဲ့ အာဏာရှင်စစ်တပ်အပါအဝင် ဘယ်အာဏာရှင်မျိုးကိုမဆို ပြည်သူလူထု၊ တခြားခံယူချက်တူ တော်လှန်ရေးအင်အားစုတွေနဲ့အတူ လက်တွဲတိုက်ထုတ်နေဆဲဖြစ်သလို ဆက်၍လည်း တိုက်ထုတ်သွားမှာဖြစ်တယ်လို့ ဆိုပါတယ်။
ရုပ်သံ - DDMSC