«Абай және оның ортасы» республикалық онлайн форсайт-форумы

Рет қаралды 364

А.С. Пушкин атындағы ШҚО кітапханасы

2 ай бұрын

14 ақпан күні А.С. Пушкин атындағы Шығыс Қазақстан облыстық кітапханасының ұйымдастыруымен Zoom платформасында «Абай және оның ортасы онлайн форсайт-форумы өтті.
Форум 2024 жылы аталып өтілетін және еске алынатын күндер аясында, ұлы қазақ ақыны, ойшыл, аудармашы, қазақ жазба әдебиетінің негізін қалаушы Абай Құнанбайұлының өмірі мен қызметіне байланысты атаулы күндерді қамтыды:
- Абайдың әкесі, қазақтың көрнекті қоғам қайраткері Құнанбай Өскенбайұлына (1804-1886) 220 жыл;
- Абайдың інісі, әскери қайраткер, ақын, аудармашы Халиолла Өскенбаевқа (1849-1870) 175 жыл;
- ақын, ағартушы, Абайдың шәкірті, Алаш қозғалысының жанашыры Көкбай Жанатайұлына (1864-1925) 160 жыл;
- Халық ақыны, Абайдың шәкірті Төлеу Көбдіковке (1874-1954) 150 жыл;
- Абай Құнанбайұлының қайтыс болғанына 120 жыл (1845-1904);
- Санкт-Петербургте И.Бораганский баспасынан немере інісі Кәкітай Ысқақұлы мен ұлы Тұрағұлдың қолынан шыққан Абайдың тұңғыш кітабына 115 жыл (1909).
Онлайн форсайт-форумға белгілі қазақстандық абайтанушылар, ғалымдар, оқытушылар, сонымен қатар Абай шығармашылығын зерттеп жүрген мамандар қатысты.

Пікірлер: 4

@bagilasaylaubayeva4232 2 ай бұрын

"Сегіз аяқ" жазылған уақытта Халиолла бар ма еді?! "Атадан алтаудың" сыры сонда шығар!

@pushkinlibrary_kz 2 ай бұрын

«Сегізаяқ 1889 жылы жазылған, Абайдың ағартушы ұстаз ретінде кемеліне келген кезі. Жанына жас достары, олардан бөлек өзінің інілері мен балалары үйірілген кез. Атадан алтаумыз деп сол қасында жүрген ет жақын туыстарын айтып отыр. Жалпы шежірені түгендеп отырған жоқ. Құнанбайдан туған Құдайберді мен Халиолла бұл кездерде өмірде жоқ. Тағы айтайын, Абай қасында тірі жүргендерді ғана атап отыр. Құдайбердінің орнын басып Шәкәрім жүр. Сөйтіп, алтаудың ішінде ол бар. Ал Халиолла ұрпақсыз, өзі де, ұрпағы да жоқ кісіні қосу қисынсыз. Ағайын көп, айтамын ептеп деп Абай тірі жүргендерге сөзі өтпегенін айтқан. Құнанбай ұрпағын түгендеп отырған жоқ. Жалпы Абайды түзетем деуден жаман әуре жоқ...» Абайтанушы ғалым Асан Омаров

@bagilasaylaubayeva4232 2 ай бұрын

@@pushkinlibrary_kz "алтаудың" деректік негізі туралы сұрақ қой жай ғана. Бұл жерде, тіпті, түзету деп қабылдағанның өзінде, сұрақ Абай емес, Абайға қатысты дерек туралы ғой. Негізі бұл мәселе абайтануда ежелден айтылып талданған, теорема емес аксиома жайлар ғой. Кейінгі зерттеулерде ашылған жаңа сөз бар ма екен деп білмек болу ғана. Ревизия жасаушы Зәре Батаева сияқтылар.

@bagilasaylaubayeva4232 2 ай бұрын

Зәуре Батаева