Рет қаралды 52
Сыбайлас жемқорлыққа қарсы көркем фильм
35 минтуттық қысқаметражды фильмнің басты кейіпкері Айгүл Арыс қаласындағы балалар үйінің тәрбиеленушісі. Айгүлдің екі інісі болады. Бірі боксшы, екіншісі балалар үйінде. Кіші інісін өз қамқорлығына алу үшін Айгүлдің баспанасы болуы керек. Алайда жауапты шенеунік тиісті құжатқа қол қоймай, бұларға бөлінген пәтерді басқа біруге береді. Сөйтіп тағдыр теперішін көрген жетім балалар, пәтерді босатуға мәжбүр болады.
Дегенмен жауапты қызметкердің жымысқы әрекеті ұзаққа бармай әшкере болады. Сыбайлас жемқорлыққа қарсы іс қимыл агенттігінің жедел желісіне қоңырау соғылып, арнайы қызмет өкілдері парақор шенеунікті құрықтайды. Әділет орнайды. Баспанасыз қалған жетім баларға үш бөлмелі пәтердің кілті табысталады. Бұл жағдай өзгелерге ой салары анық.
Фильмде кәсіби актерлар жоқ. Дегенмен рольді сомдағандар барынша шынайы ойнағаны сезіледі. Арыстағы балалар үйінің ұжымы мен сыбайлас жемқорлыққа іс-қимыл агенттігінің қызметкерлері бүгінгі күннің шындығын көрсете білген. Тұсаукесер рәсімінде осы туындыны шығаруда жұмыла еңбек еткендер сый-сияпаттармен марапатталды.