Рет қаралды 3,067
قصيدة آه يا الهادي
نظم الشيخ عيسى الغواطي رحمه الله
حبك نارو اڨدات في صميم اكبادي اه يالهادي
في جوفي طالقا الهيب
من صهد احطامها بالشوق النادي اه يالهادي
ما صبت لحرها اطبيب
الخماسة:
انا بالله و الشرع تحضر عندي اه يالهادي
كي ننده بيك ما انخيب سيدي محمد الحبيب
ريال
كي ننده بيك غيثني يا تاج الانبياء الكرام
انتهلا لا اتجوزني في يوم الضيق و الزحام
تبعت ابليس غرني افعلت العيب و الحرام
من صهد النار فكني خايف الا ندخل الحطام
بيت
خوفي من ليلة القبر فعلي رادي اه يالهادي
ظلمة من وحشها انهيب
قالو في الاخيرة اهل العلم اسيادي اه يالهادي
ولداني شاشرة اتشيب
اسمعنا قول في اكتاب الاسنادي اه يالهادي
من يعمل شي غدا ايصيب سيدي محمد الحبيب
ريال
من يعمل شر يلتقاه في يوم الوعد و الوعيد
جهنم تحرقلو اجساه فيها ايجرع الصديد
من دار الخير في احياه يدخل بنيانها اسعيد
يسكن في جنة الالاه في اقصور امنازلها ابعيد
بيت
اقصور من الذهب و الفضة تقدي اه يالهادي
وفايق بنيانها اعجيب
انواع من الطعام صنع الجوادي اه يالهادي
من تحت اقصور اسكيب
الماء و الخمر دفقا كم من وادي اه يالهادي
لا نار ابحرها ايهيب سيدي محمد الحبيب
ريال
هذا الشيء للي ايتوب بلغت واصفات نيتو
اقراء و اتعلم الكتوب و اعرف ربي و قدرتو
اندم و ابكا على الذنوب و اترك شهوات دنيتو
محمد راحة القلوب من دار احجاب لامتو
بيت
برملي في اهواك يتسقم سعدي اه يالهادي
و انضر في حالة الغريب
اذا حن الحنين و اعطاني سعدي اه يالهادي
نضحى في ساحتو اقريب
راني مداح في الدجا بيك امصادي اه يالهادي
و النية صافية احليب سيدي محمد الحبيب
ريال
راني مداح غير بيك انعرني بالمصطفى
قابض في خالقي او فيك و الاولياء اهل الصفا
من عاشر ايعيش لن ايجيك هذا المشعال ينطفا
انمجد صيغتي اعليك عند الكعبة المشرفة
بيت
لو صبت الزاد نرتحل الشورك غادي اه يالهادي
مع المكتوب و النصيب
نركب صايل اهشيش بالسيرة بادي اه يالهادي
شيهان امسرد اسبيب
انوادع خاوتي و اهلي و اولادي اه يالهادي
في طاعة صاحب القطيب سيدي محمد الحبيب
ريال
كان اكتب ربنا و راد ذا الشيء في الدهر نلحقو
سبحانو خالق اعباد كم من مخلوق نطقو
صفي قلبك من الفساد لشفيع الخلق يرزقو
كي نمدحو يذهب النكاد جند الشيطان انفارقو
بيت
قطعت اجوارحي و مزقت اكبادي اه يالهادي
في جسدي كل شيء اعطيب
حشمتك بالالاه رب الجوادي اه يالهادي
بشرني اقبل الا انغيب
خلي مارة و دير طبعك في جسدي اه يالهادي
بيها يتضمن القليب سيدي محمد الحبيب
ريال
يا من جاك البعير حق و اضمنتو ما ايشوف هول
اتضرع و اشتكا ليك انطق قال انسميت يالرسول
و الماء من كفك انهرق شربت الابطال و الخيول
نورك للانبياء اسبق بالحسنى و غايت القبول
بيت
من اطلب صلب يتقل شورك غادي اه يالهادي
انت اخذاك ربنا احبيب
لولا انت ما اتكون جنة لخلودي اه يالهادي
فيها كل شيء اعجيب
لولا انت ولا اتكون تلضا تقدي اه يالهادي
لللكفار ابحرها ايهيب سيدي محمد الحبيب
ريال
لولا انت يا شفيعنا لا ارض و لا اسماء ايكون
لا بدر اضياه فوقنا لا شمس ابحرها اسخون
لا مجالس علم بيننا لا فرض لاصلاة لا سنون
اصلاتك في اقلوبنا بيها امر الصعبة اتهون
بيت
من لا صلى اعليك ضالم متعدي اه يالهادي
في الجنة ما ايلو انصيب
جسد ابلا راس ما ايجيب و لا يدي اه يالهادي
و ايكون اقبيح فيه عيب
الحيط بلا الساس في الارض ايندي اه يالهادي
بنيانو كولتو ايريب سيدي محمد الحبيب
ريال
الجنة جنة الخلود للي سعدو ايامهم
ايراو سهرو و احنا لا ارقود لا رحة في ارقادهم
ما يتعدوش الحدود حرر ربي اعضامهم
الله يا خلقي جود و اكتبنا في ازمامهم
بيت
غرتني دنيتي و تبعت المرمادي اه يالهادي
واعصيت مليك الرقيب
باضياه من خاص و لجمت اجوادي اه يالهادي
اقبل الا نتوفل عيب
الخو و الجار و الي اقريب عندي اه يالهادي
في السان نغتبو اغتيب
ريال
عيني من زلتي ابكات بكي اغريب على الرضيع
ادعيولي ساعة المامات باللسان يالخاوة اجميع
اغفرلي في ما امضى و فات ربي برحمتو الشفيع
نختم بالحمد و الصلاة ذالنظم الفايق البديع
بيت
الخير ادواه ارجال الزهادي اه يالهادي
و من فضلك عمرو انصيب
ما درى في الغير الا مول الزادي اه يالهادي
عاشو في الارض بالنصيب
بامحبة ربنا املاو الاجسادي اه يالهادي
ما فاح النور ابكول طيب سيدي محمد الحبيب
ريال
قصر يا صاحب الكلوف من فعلك تبع الحلال
ميز في دنيتك او شوف عن دينك يا امشوم سال
قوم اتصلي مع الصفوف تغنم ما غنمت الرجال
للوهاب ارفع الكفوف و سال في رغبتك اتنال
بيت
عيسى نضم اعليك هذا الانشادي اه يالهادي
طامع و الضن ما ايخيب
حشمتك بالباتول ميرت لغيادي اه يالهادي
احليمة بنت بن ادويب
عمر و علي بوبكر زهو اتمادي اه يالهادي
عثمان الكيس البيب
و ارغبلي يا خالقي نبلغ مورادي اه يالهادي
انا كنت للداعي اقريب
تغفر للولدين والي حاضر عندي اه يالهادي
و اهل الاسلام ما اتخيب
الخماسة:
انا بالله و الشرع تحضر عندي اه يالهادي
كي ننده بيك ما انخيب سيدي محمد الحبيب