ومضات 26 || البلانكو أفضل بديل للمحارة التقليدية

للاشتراك في كورسات الخرسانات والتشطيبات للمهندس/عبد الرحمن الشرنوبي
bit.ly/3Dk7x6v برجاء الضغط على الرابط التالي
--------------------------------------------------
#مهندس_تنفيذ #مهندس_موقع
#احترف_التنفيذ #عبد_الرحمن_الشرنوبي
-----------------------------------------------------------------
سلام عليكم يا باشمهنجزين,
مشاكل المحارة التقليدية كتيرة جدا وليها عيوب كبيرة بتظهرالمدي الطويل بعد التشطيب النهائي للمسطحات
عشان كده ظهر بديل في السنوات الاخيرة للمحارة التقليدية حل معظم مشاكلها وقدر يتغلب علي معظم العيوب اللي بتظهر في البياض ويقلل زمن تنفيذ البند بفارق زمني كبير.
مونة البلانكو تعتبر من أنجح الوسائل في حل مشاكل المحارة, حيث من الممكن جدا انها تتحط علي أي نوع من الأسطح خرسانة مباني او حتي محارة قديمة.
ليها مميزات كتيرة اوي, من أهمها انها مش بتحتاج مرحلة الطرطشة اللي بتسبق البطانة لا, ممكن بعد ما ترض الطوب بالمياة علي طول تخش بالملو مباشرة وتعمل عملية لياسة كاملة في زمن قياسي.
ده غير كمان انها مش بتحتاج لرمل عشان تخمرها , بتجيب برميل وتملاه 65 % من مياة نظيفة صالحة للشرب وبعد كده بتفضي شيكارة البلانكو عليها وتقلبها لحد ما تحصل علي قوام متجانس.
وغيرها من المميزات الكتيرة أوي اللي لازم كمهندس تنفيذ تكون علي دراية كبيرة بيها
لو عاوزين تعرفوا كل المعلومات الضرورية عن مونة البلانكو تابعوا معانا الحلقة
متنسوش تعملوا لايك وشير ,subscribe للقناة ولو عجبتكم الحلقة ساهموا في نشرها علي أوسع نطاق عشان تفيدوا غيركم من مهندسي المواقع,
انا عبد الرحمن الشرنوبي مهندس مدني ومحاضر, شرف لي أن اتواصل معكم
وسلام عليكم يا باشمهنجزين
---------------------------------------------------------------------------------------------
لمتابعة الحلقات علي القناة أسبوعيا الرجاء عمل subscribe:
/ abdalrahmanalsharnouby...
لمتابعة القناة علي Facebook الرجاء الدخول علي الرابط:
/ abdelrahmnalsharnouby
لمتابعة القناة علي Twitter الرجاء الدخول علي الرابط:
/ abdlrahamns
لمتابعة القناة علي linked-In الرجاء الدخول علي الرابط:
/ abd-al-rahman-al-sharn...
لمتابعة القناة علي Instagram الرجاء الدخول علي الرابط:
/ abdalrahmanalsharnouby

[@alsharnouby]

للاشتراك في كورسات المهندس / الشرنوبي برجاء الضغط على اللينك التالي: benaa-academy.com/reff/508517

[@adelkarabawy9438]

ؤينا يجازيك خير يا بشمهنجز............. لو حصلتها مياه بعد ما تشك الشك النهائي بتحصل فيها مشاكل و لا عادى و شكرا جدا ع المعلومات القيمة دى

[@walidsaleh5309]

شكراً يا هندسة بس ياريت تعرفنا عيوبها وسعر الطن عامل كام؟

[@ananors6540]

ربنا يكرمك ياهندسه يارب وللافضل دايما باذن الله (Y)

[@سعداحمدالاحمرالاحمر]

سلام عليكم عايزين حلقه عن الدهانات واسرارها وتصليحها واسلمها وعيوب الاسقف الجبس وتطلع في الدهان وشكرا وكل عام وانتم بخير

[@THK_88]

بديل ممتاز للمحارة التقليدية تقلل الحرارة بشكل ملحوظ والرطوبة وكمان اخف خصوصا مع الادوار العليا ووزن المبني

[@Nmahe75]

سؤال - هل يمكن استغلالها كعازل للمطر والحرارة لأرضية الرووف ؟

[@صبحىجزر]

وللى اسقف حلوه

[@MohamedAfifi]

تسلم يا باشمهندس كلامك كله صح انا عملت محارة بيتي بالكامل من البلانكو من الخارج و الداخل و الكلام ده تقريبا من 2013 و فعلا البلانكو عازل واضح للحرارة و بينجز مع الصنايعي و كان النوع ده لسه جديد في محافظة الشرقية و قررت استخدمه و زي الفل حتى الان حتى انى الواجهة الخارجية تركته زي ما هو لونه ابيض و رائع و اخيرا ربنا يبارك فيك و في علمك

[@alsharnouby]

شكرا ليك يا فندم...كلك ذوق

[@medonasser1292]

لو سمحت كنت عاوز اعرف طريق تشطيبه هل زي المونه العادية ولا اي

[@medonasser1292]

لو سمحت كنت عاوز اعرف طريقه تشطيبه هل زي المونه العادية ولا اي

[@hamadawaheed1955]

طيب حضرتك انا ليه كومنت فوق فيه اسئلة كتير استأذنك تجاوبنى عليها بما انك ليك تجربة عملية وانا مش عارف انسخ الكومنت أو اعملك تاج ليه

[@محمداحمد-ذ2ب8خ]

حضرتك ذكرت المميزات فما هى العيوب

[@علاءعبدالرازق-ث5ل]

يا مهندس الهندسه انا معجب جدا بشرح والاسلوب روعه مشاء الله عليك ملحوظه المحاره السوده فى حالة تربية الاجناب طبعا هتكون على مراحل وليكن كل مرحله يوم طب فى كل مرحله ادق شبك ولا مش مهم

[@ليلىمصطفي-غ8و]

تسلم يا باش مهندس

[@elsayedrezk9689]

عوداً حميداً ي هندسة بارك الله ف عمرك

[@aboseef8132]

الله ينور عليك ياهندسه

[@alsharnouby]

الله يكرمك يا باشمهندس كلك ذوق ❤

[@hamadawaheed1955]

​@@alsharnouby فيه سؤال 9 اسئلة سألتهم لحضرتك في كومنت استأذن حضرتك مهتم تجاوبنى عليهم واكون شاكر ليك

[@AhmedMohamed-ex2fr]

الحمد لله.

[@O.Ri94]

جزاك الله خير مهندس عبد الرحمن عندي سؤال .. هل بيحصل فيها شروخ أو تشققات ، وإذا حصل هل بتكون معالجتها بنفس المادة ولا لها مواد خاصة ؟ السؤال الثاني .. هل بتحتاج تخشين للأسطح الخرسانية ؟ السؤال الثالث .. ما مدى فاعليتها للاستخدام في لياسة الطوب خفيف الوزن (AAC Blocks) ؟ السؤال الرابع .. ايه الفرق - اقتصاديا - بينها وبين المونة الجاهزة (Spray Plaster) السؤال الخامس .. هل يمكن استخدامها للياسة الأسقف أم لا ؟ وشكرا على وقتك

[@hanybasseem389]

بارك الله فيك

[@mohamedyoussef2758]

ربنا يجازيك عنا خير ويبارك لك يا باشمهندس

[@vertkamal1553]

هل يمكن استخدام مونة البلانكو في اعمال الترميمات الخاصة بالدور الارضي؟ وما هو مدي تاثرها بالرطوبة المتواجدة دائما بالدور الارضي؟ وشكرا

[@only4hamada133]

انا شايف ان لونها مطفي هل في حاجة تخلي لونها لامع

[@MahmoudAnwarDev]

تسلم يا هندسه ابدعت والله ومعلومات فى وقتها .. ربنا يجعله فى ميزان حسناتك شكرا يا باشمهندس

[@Ali-lf2hl]

مرحبا ياباشمهندس عندنا في العراق اساسا منذ القدم لانمحر بالاسمنت بل بالجبس الابيض

[@semsho1071]

اهم حاجة تفاديت كل عيوب المحارة العادية خلال الشغل من تشوين و خامات و قرف صنايعية و عيوب السطح و عيوب نقاشة و عيوب دهان.. صداع راح من عليا بالبلانكو

[@eidahmed3022]

جزاكم ألله خير

[@mahmoudzidan5098]

بعد اذنك يا باشمهندس اتابع كل جديد في التشطيبات اذاي

[@kallaf1956]

اعمل دراسة جدوى مقارنة .... أفضل : فى السعر والمعاملات الأخرى لتحديد الفرق . طريقة شراء المنتج وهكذا ....الخ

[@elbannamedia8976]

مادة تيراكوت استندر من شركة تيراكو افضل المواد في تشطيب الواجهات علي الاطلاق بتتحمل الاحتكاك و الحرارة و التمدد و الانكماش و ضد العوامل الجوية و تغيير اللون ومعتمدة من هيئة المجتمعات العمرانية الجديدة و المركز القومي للبحوث ياريت تتكلم عنها يا هندسة لأني شغال بيها بقالي 10 سنين و مفيش فيها اي مشاكل بتواجهني

[@alsharnouby]

شكرا لاقتراحك ياباشمهندس

[@فضليحي-ث5ك]

السلام عليكم كم سعرها وهل هي نفس البلانكو التي تحدث عنها في الفيديو .؟؟؟

[@nadyaayad6608]

راك

[@مصعبالحريري-ل2ب]

الله يجزيك الخير مهندس هل في مواقع المهندس يتابعها ويشوف شو الجديد بكل مجال بالهندسة قواك الله 💜

[@مصعبالحريري-ل2ب]

@@alsharnouby ممكن روابط او أسماء لهيك صفحات او مواقع معتمدة

[@abdelrahmanelkhatib339]

شرح رائع يا هندسه ياريت بس الصوت بيقى أعلى شويه و عايزين كدا منك شرح الايبوكسيات

[@ibrahimshamash7866]

كمان موفرة في مرحلة المعجون للحرائط و بند المصيص للاسقف

[@mahamadkorany5869]

بس انا جربتها بديل للمصيص . حسبت تكلفتها أغلي من الجبس شيكارة الجبس 30 جنيه تفرد 12 متر مصيص شيكارة البلانكو 50 جنيه فردت معايا 8 متر بس يعني البلانكو اغلي 3 أضعاف تقريبا

[@ibrahimshamash7866]

@@mahamadkorany5869 بس حضرتك لو هتقارن الصلابة بالسعر لا تقارن الجبس صلابتة ضعيفة واي خبطة هتعلم فية حتي لو بزعافة لكن البلانكو صلابة عالية جدا

[@elmoshmohands9329]

السلام عليكم الله ينور يا هندسه اقل سمك للبلانكو على الحائط كام!؟ وطبعا هيا مش اسمنت ابيض زى ما المعظم بيروج فى الكومنتات وبيخلط بينها وبين الضهارة وسؤال اخير معلش هو ازاى المحارة لو مطبله احط عليها بلانكو تبقي تمام!؟ المفروض اى حاجه هتتحط على شئ ضعيف هتبقي ضعيفة وتطبل ايضا وايه عيوب المادة دى يا هندسه

[@Nmahe75]

جزاك الله خيرا - انا المحارة في شقتي مكنتش عجباني - وبطريقة حضرتك راح اعالجها بالبلانكو - وكما انا في الدور الأخير - يعني عازل حراري للحوائط - - استأذنك لو تعلمنا كيف استلم من الصنيعي. الشغل . بطريقة عمليه ان امكن م جزيل الشكر

[@maryfaragalla3394]

متابع

[@ahmedabd-elrady7172]

جزاك الله كل خير يا بشمهندس... وربنا يجعله ف ميزان حسناتك 😍

[@طارقكعوان-ص8و]

باش مهندس هل هيا عزلة للرطوبة وهل يمكن استعمله مع السقف لي عزله من التسريب والرطوبة وشكرا ع الشرح

[@nogasakr9960]

@@alsharnouby تنفع مع السقف ال حديده ظاهر

[@عمرمحمد-ذ3ج5ف]

متنساش يا هندسة وعدك ليا حلقة عن تفريد حديد التكسيح فى الكمرات وبلاطات ال solid slap يدوى يا هندسة ع الزاويتين الله يكرمك

[@عمرمحمد-ذ3ج5ف]

ان شاء الله يا بشمهندس

[@حمادهعشو]

ممكن رقم حضرتك

[@محمدرمضانأحمدابراهيم]

الأسمنت الأبيض +الرمال +ادبند 65+صلبه اكتر من الأسمنت الأسود بنفسه طريقه اللياسه القديمه مع البوج والأوتار وممكن كمان ترسم أشكال مربعه او مستطيل او شكل موهتمن

[@mohamed3gamy583]

اية عيوب البلانكو في المحارة؟!

[@mohammedegyptian2527]

الله ينور عليك يا بشمهندس ربنا يزيدك من علمه

[@depo1928]

شكرا جزيلا

[@رمضانابوالشيخ-ع4ج]

في تشطيب الدهان علئ البلانكو هل بيكون نفس الدهان على المحاره

[@alsharnouby]

اه يا هندسة

[@nivinsabri6306]

هل غلط ان مونة البلانكو تلامس الحديد مباشرة او بتفصل ن الحديد للاسقف

[@ahmedtharwat4133]

الافضل تغطية الحديد بالاسمنت بالطرطشه على الأقل

[@fossil9984]

اشكرك على شرحك وايضاحاتك المميزه ، اتمنى ان تكون ان تكون من المقيمين في السعودية بجده حتى تتابع لي عمارتي واشكرك مره اخرى

[@fossil9984]

@@alsharnouby 🌹

[@abrahimsaleh8316]

مرحبا

[@luaiattallah2181]

الله يجزيك الخير يا هندسة دايما بتتحفنا بمعلوماتك القيمة ، بس لو سمحت تعطيني وجهة نظرك في هذه الإستفسارات : - هل مونة البلانكو تنفع تكون للأرضيات مثل الأرضيات الخرسانية وتتساوى بعدها أو تكون مثل الخرسانة المطبوعة وتاخد طبقة حماية إيبوكسي مثلاً أو سيلر للعزل المائي والإحتكاك؟ - وهل محارة البلانكو تستقبل الدهانات البلاستيك والأساس المائي مباشرة بدون حاجة للمعجون في حال سنفرناها بشكل سليم ؟ - وهل تنفع أستخدمها للأسقف بنفس جودتها على الجدران ؟ - وهل لها تطبيقات للإستخدامات الديكورية الخارجية والداخلية ، مثل صبها بقوالب كبديل للجبس في الداخل أو بديل للجي آر سي في الخارج؟ - وهل لها خصائص مقاومة العفونة والرطوبة والمطر وفروقات درجات الحرارة أفضل من الإسمنت الأسمر ؟ - وهل معامل التمدد والتقلص لها أقل من الإسمنت الأسمر بحيث تقل فيها الشروخ أكثر؟

[@سعيدالمهدي-ر9ص]

تسلمه ياباش مهندس هل هو موجود وبيتباع فين هل ممكن شركة الكميات الحديثة وشكرا لحضرتك

[@elraikmonam9209]

وفيها نوعين نوع يسمي معجون نفس الماده ولكن ناعمه جدا

[@alsharnouby]

مزبوط يا هندسة

[@emanmohammed990]

ربنا يبارك ف علمك وعملك يا هندسة ويزيدك من فضله لكن فين الصنايعية اللى بشتغلوا المادة دى؟ وهل لها اى عيوب؟ وله مش منتشرة بكثرة؟

[@alsharnouby]

نفس الصنايعية اللي بيشتغلوا في المونة السوداء ممكن يشتغلوا فيها عادي جدا بنفس عدتهم, مش منتشرة عشان مفيش حد في مصر بيسوق ليها كويس ولا بيظهر مميزاتها, زلكن الفترة الأخيرة بدأت بعض الشركات الكبيرة وشركات التطوير العقاري يستخدموها

[@emanmohammed990]

@@alsharnouby متشكرة اوى على اهتمامك يا هندسة

[@alsharnouby]

العفو يا باشمهندسة

[@seyadaghazawy7543]

@@emanmohammed990 هل حضرتك اشتغلي بيها؟ و هل تصلح للأسقف؟ و هل بياضها ابيض ناصع؟

[@engessam8843]

السلام عليكم هل هناك علاج لحل مشكلة الرطوبه في الجدران القائمة والمنفذه لمباني عمرها ٣٠ سنه؟

[@ahmedwassel6758]

من فضلك يا بشمهندي مقاول المحارة عمل محارة السقف مثل الجدران بالمونة السمراء وعمل بها خطوط وسوف يضع بعدها مونة البلانكوا ف السقف فقط هل هذا صحيح ارجوا الرد لانة بيشتغل وشكرا جزيلا

[@alsharnouby]

هو طالما عمل السقف محارة مونة سوداء ليه يستخدم البلانكو ؟

[@ahmedwassel6758]

لانة خربش السقف واية الصح من فضلك

[@efmrf]

الله ينور يا هندسه انا مورد ومنفذ مونة بلانكو . عادي وميكانيكي

[@abrahimsaleh8316]

ممكن رقمك للتواصل

[@naturalBeauty-jt4qr]

ممكن رقمك

[@efmrf]

01115751114

[@sarajaber7779]

بكام الطن يا فندم

[@efmrf]

1500ج والكميات الكبيره ارخص@@sarajaber7779

[@alibugnah9643]

رائع

[@alsharnouby]

شكرا ليك ياباشمهندس علي...كلك ذوق

[@hamadaahmadc]

من لي إليك بمثل شرحك المُسَهَّلِ تمشي الهوينا وتجي في الأولِ

[@hamadaahmadc]

@@alsharnouby جزاك الله خيرا يا هندسة انا منذ زمن وانا ابحث عن البلانكو ومعظم المصادر التي وصلت اليها مصادر دعائية يصعب الاعتماد عليها حلقة جميلة ومجهود طيب

[@hamadaahmadc]

@@alsharnouby سؤال ما مدى كفاءة البلانكو في العزل الحراري مقارنة مع العزل باستخدام جدارين بينهما عازل؟ ايهما افضل في العزل ؟

[@hamadaahmadc]

@@alsharnouby انا شاكر جدا لرد سيادتك يا باشمهندش عبد الرحمن بارك الله لك في ذريتك ومالك

[@sayedelqemany1332]

جميل

[@alsharnouby]

شكرا ليك يا فندم...كلك ذوق

[@saberyoussef6288]

جزآك آلله خيرا يا باشمهندس عبد الرحمن .. عندي سؤال عن موضوع اللياسة لو تكرمت ... ما هى جدوى إستخدام ماكينة رش المحارة الاوتوماتيكية المستخدمة بالدول المتقدمة ؟

[@hemaahmed7647]

بالنسبة الاكسسوارات نفس الطريقة بنستخدمها و لا مش محتاجينها مع البلانكو

[@kareemsalem9793]

هل بيركب عليها كرانيش الجبس ولا لا اتمني الرد ي هندسه ضرووري

[@mohammedelsayed3730]

جزاك الله خيرا يا هندسه ربنا يزيدك وينفع بيك يارب طب يا هندسه طالما البلانكو ليها كل المميزات اللي حضرتك ذكرتها ليه مش منتشره على نطاق واسع ف مصر

[@mansourawheda4679]

اقتصادية جدآ وتصديقا للبش مهندس اشتعلت بها في إيطاليا علي نطاق واسع من ٨سنوات ،،، لا تحتاج إلى الكثير من الدهان إذا كان لون الحائط أبيض اللون

[@badrbadr2885]

ل

[@sosoothman3279]

هى مونه بلانكو بتتباع فين وهل المورد اللى ببيعها له فرع فى حلوان ارجو الرد سريعا

[@mohamedabd_e3462]

بتباع فين في القاهرة

[@abdallaabdalla2053]

ممكن تتفرد علي السطح تعمل كعزل حراري ومائي وهل ليها تأثير على الخرسانه

[@abdallaabdalla2053]

@@alsharnouby جزاك الله خيرا

[@rabelmagd9077]

هل هذه المحاره تصلح لسقف الحمامات و المطابخ ام لا وهل تتجانس مع دهان السقف بالبلاستيك أم لا؟

[@maysasaeed7964]

لا

[@mahmoudzaki1388]

كمان يا هندسه من مميزاتها اني بوفر طبقة المعجون الابيض اللي بتتم بعد المحارة بالمونة السودا

[@redaaly1000]

النسبة اثناء الخلط ضعف المياه بدرة ودي طريقة اسهل للصنايعي والعامل افضل من الارقام والنسب الارقام والنسب بتكون افضل فى الشغل المميكن

[@ahmedkhalifa3517]

هل البلانكو لها اضرار ف التشطيب بعد كده

[@mrmemoo4483]

الكيمازيت افضل ولاالبلانكو لوهنزود قيمه سم اواقل لمحاره خلصانه جدران او سقف؟ ومين بيعمله

[@seyadaghazawy7543]

هل محارة البلانكو تصلح للأسقف لتعطي لو ابيض ناصع؟

[@ahmedtharwat4133]

طبعا

[@3isa604]

ياهندسه البلانكو في السقف لازم لياسه؟

[@amgadfathy5150]

صباح الفل يا هندسه ممكن اشتغل بيها علي سقف متكسر والحديد باين ولا لا

[@omheba7852]

نفس السؤال هل ممكن للسقف شقة دور اخير ،،

[@MohamedReda-zh1ji]

نفس السؤال؟

[@فخريراضي]

جزاك. الله خير هل ممكن وضع لون على البلانكو

[@alsharnouby]

اه ممكن يا هندسة

[@amor2010amor]

السلام عليكم سوال لو سمحت ينفع اخلى المادة دى للصق الشسراميك على الحوائط والا ما ينفعش

[@alsharnouby]

الشركة المصنعة للمادة مش بتقول ان المادة ده تنفع الزق بها سيراميك مش من ضمن تطبيقاتها

[@محمودالجمل-ث9ظ]

لو سمحت يابشمهندس عايز اعرف التكلفه بالكميات المطلوبة لغرفه 4×4 سقف وحيطان بين محاره سمره والبلانكو

[@كلام.ميديا]

لاصلاح عيوب المحارة القديمة يستخدم اي نوع من مونة البلانكو الفيل ولا التوب ...??

[@jo-on2iv]

سؤال مهم عايز اجابته ماهى تكلفة المتر المسطح من البلانكو مونة واجرة

[@elmoshmohands9329]

طيب ازاى فى تماسك بدون طرطشه يا هندسه

[@elmoshmohands9329]

هل هيا لازم تكون محببه يا هندسه!؟

[@محمدالجزيري-ظ9ص]

أيهما أفضل للسقف بعد المحارة البلانكو ام الكيمازيت

[@muhammadabutair5171]

سؤال يا بشمهندس ممكن مونة البلانكو تستخدم كاعازل خارجي المباني من الحرارة ؟

[@waleedasmar8789]

سمعت علي مادة اسمها (كيم ارت) منها محارة ومنها دهان ولها الوان كتير. هل هي مادة جيدة للمحارة الخارجية ؟

[@optimizewell9819]

السطح القاسى هيكون افضل عشان تحمل الوزن للمعلقات على الحائط

[@Mohammed.Salem.]

بارك الله فيك ، احسنت على المعلومات الممتازة

[@ebrahimhanifa9312]

بارك الله فيك يا اخي بس هل بتتأثر بالرطوبه

[@ossama0102]

جزاك الله خير يا هندسه ممكن أماكن بيع أو ارقام موزعين في القاهرة

[@ahmedbaatoush1543]

الله يباركلك يا بشمهندس أتذكر أن الكام حلقة الاخيرة دول اتفرجت عليهم على صفحة بناء على الفيس ؟

[@sobhyrashed2224]

هل فيه اشكال والوان للبلنكو وسعر المتر كام تقريبا

[@moodxp]

اقدر استعملها في الحمام ولزق السيراميك

[@منوعاتكوكىوملوكى-ث8ل]

طيب ينفع العكس اعمل المحارة السودا بعد البلانكو ارجوك الرد

[@ShabanSabry-p3z]

ينفع أفراد علي الخرسانة من فوق عشان الامطار

[@tehspecialist8986]

مشكور على مجهودك ولكن لي سؤال هل يمكن استخدام هذه المونة بالواجهات الخارجية وهل للشمس والأمطار تأثير عليها وثانياً نصيحه بسيطة ولكنها مهمة كثرة الكلام بدون دمج فديوهات لطريقة تنفيذها عملياً يصيب المتلقي بالملل

[@mamdm.s.a3635]

أسهبت في المميزات مشكورا،، يبقى السؤال ماهي السلبيات؟؟

[@mansourawheda4679]

لا يوجد سلبيات أبد المنتج ايطالي الصنع يوجد منه نوعين ناعم من الداخل وخشن للخارج في ايطاليا يسما الكولة الاسمنتية اللصق الاسمنتي ، ميزة أخري أنه أي عامل عامل لا معلم يستطيع أن يعطيك شغل ١٠/١٠ سهل الاستخدام جدا جدا

[@adanndiab2758]

احتاج اسمها العلمي او اسماء الخلطات التي تضاف اليها

[@rewansaad8921]

جزاك الله خير يا باشمهندس ممكن تعرفنى ازاى اوصل لصنايعى ليها والماده بتتباع فين لو سمحت بالله عليك ترد عليا بسرعه

[@alsharnouby]

شركة مصنعة ليها اسمها GYPROC تقدري تتواصلي معاهم دوري عليهم على جوجل هتلاقي بيانات الشركة

[@rewansaad8921]

الف شكر لحضرتك

[@alsharnouby]

العفو يا باشمهندسة بالتوفيق

[@younisibrahiem3383]

لو سمحت يا هندسة ينفع انفذ مونة البلانكو علي طرطشة الواجهات (أسمنت أبيض) وفي العموم مونة البلانكو كويسة في الوجهات ؟أم لا. وايه عيوبها ؟

[@younisibrahiem3383]

@@alsharnouby ألف شكر يا هندسه طيب ممكن ترشحلي افضل الشركات المنتجة للماده والاسعار لو سمحت؟

[@FreeKiLLuminati]

ما قلتش بستلمها ازاي يا بشمهندس وهل بيبقه في صعوبة نظرا لرفع المونة البلانكو عن المونة الاسمنتية

[@ابوعبداللهصابر-خ3ق]

تنفع هذه الماده في الأسقف السبيستون الطبوبي

[@haithammostafa7915]

لو سمحت سؤال هل الصفر الي ببدا منه الشغل هو الرصيف ولا وش البلاعه عشان اخد منه مثلا ١.٢٠ الي هو منسوب سقف البدروم وهاكمل عليه

[@aserharoon8616]

استخدام البلانكو ف ضهارة السقف . الشيكارة تفرد كام متر . علي بياض متشرط

[@wafaaabdwlmohsan5665]

السلام عليكم يالشمهدس انا لسه عماله محاره سوداء ظهر عند ذواىا الابواب والشبابيك شروخ هل ده عيب بالمحاره وكيفية علاجها انا لسه الصنايعيه عندي بيعملو السقف بلانكو ممكن الاغاده وجزاك الله كل الخير

[@alsharnouby]

وعليكم السلام ورحمة الله وبركاته, محتاج صور لشكل الشروخ دخ عشان احدد السبب

[@wesamelgabrouny8079]

ينفع بعد الإنتهاء من شد الجنب بالبلانكو اشتغل سافيتو

[@wesamelgabrouny8079]

@@alsharnouby شكرا لحضرتك

[@mahamadkorany5869]

تحياتي يا هندسه انت قولت البلانكو اوفر من المونه السودا لكن لو حسبتها هتلاقي مونة البلانكو ضعف التكلفه للخامات

[@ossama0102]

المفروض إذا تم استخدام كامل المونه يعني الفيل و المورتر و التوب كده كانك شطبت محاره و نقاشه مع بعض يبقي هي اوفر بكتير

[@ossama0102]

ممكن رقم المبيعات اذا سمحت

[@ossama0102]

@@elsayedsobh6091 رقم المبيعات اذا سمحت

[@aboalyism]

@@elsayedsobh6091 اخي الكريم سؤال لوسمحت بعد أخر وش من المونة بلانكو (توب) سمعت من الشركه انه من الممكن يغنيني عن الدهان وهل لو فعلت ذلك ايضا في الجدران الخارجية هل المطر له تأثير عليه لأني عايز استخدمه تلك المونه داخليا وخارجيا لاستراحه عندي وسط مزرعه ومش عاوز استخدم الاسمنت عشان له تأثير في ارتفاع درجه الحرارة عكس مونه بلانكو ارجو من حضرتك تفيدني في هذا الشأن تحياتي

[@محمدفاروقحره]

ب

[@خليل-ن6ي]

السلام عليكم بالنسبه للحديد المتعري ولو البياض القديم مدهون بلاستيك ينفع يتبيض عليه

[@ahmedsalim4125]

هل ينفع افرد على سطح الصاج ؟ ارجو الرد للاهميه

[@mohamedhegazey3507]

ممكن الفورملا بعد اذنك

[@sobhyrashed2224]

اسعار الالوان الخارجية والانوع

[@ronratsal9548]

لو سمحت ي هندسه انا في السعوديه وعايز مكنة فرد الخلطه ارجو الرد

[@xstar242]

هل ينفع استخدمها فى الارضيه يا باش مهندس فوق السطوح عشان اعكس اشعه الشمس