Рет қаралды 1,145
“Mariyam” (@mariyam_fund) қайырымдылық қоры - экстракорпоралды ұрықтандыру (ЭКО) әдісімен бала тууға арналған «Аңсаған сәби» мемлекеттік квотасына ілікпей қалған отбасыларға көмек көрсетеді.
Былтыр ЭКОмед орталығының қолдауы, демеушілердің көмегімен бірнеше жанұяға қол ұшын созды. Пациенттердің барлығы ата-ана атанды.
Биыл бұл ізгі іс “Ана болғым келеді...” деген атаумен жалғасын тауып, “Жібек жолы” арнасынан көрсетілетін үлкен телевизиялық жобаға ұласты. Осы уақытқа дейін келген хаттардың ішінен қамқоршылық кеңестің шешімімен тағы 15 хат іріктелді. Олардың ішіндегі алты отбасыға демеушілердің көмегімен ЭКО жасалуда. Ал қалған 9 әйелді ЭКОмед орталығының репродуктолог-дәрігерлерінің бақылауында.
“Mariyam” қоры белгілі тележүргізуші, журналист, Астана қаласы мәслихатының депутаты - Ләйлә Сұлтанқызының бастамасымен құрылған.