Рет қаралды 42,801
Ауыл әкіміне көңіліміз толмайды. Осылай деген Жетісай ауданы Қазыбек би ауылдық округі Жамбыл ауылы тұрғындарының ауыл әкіміне деген өкпелері қара қазандай. Амалы таусылған азаматтар мән-жайды айтып арнамызға шағымданды. Ауыл азаматтарының сөзінше, әкім елдімекендегі қордаланған мәселелерге жүрдім-бардым қарағанын былай қойғанда, тұрғындарға дөрекі сөйлеп, мінез көрсетеді екен. Бұған әріптестеріміз де көз жеткізіп келді. Халық пен журналистердің кездесуіне кешігіп келген әкім «журналистерді кім шақыртты» деп тұрғындарға дүрсе қоя берген.