Adnan Karim (Live Concert)من برۆی پەیوەست & سۆزی دڵ

Рет қаралды 172,543

Күн бұрын

مەقام
ئاواز: محەمەد ساڵح دیلان (1927-1990)
دووبارە ووتنەوەی:عەدنان کەریم
پێنج خشتەکی “دیلان” لەسەر شیعرێکی “سالم”
من بـــــرۆی پەیوەستی ئەو نازدارە شیر و تیرمە
پرچـــــــــی لوول و زولفی ئاڵۆز، کۆتە و زنجیرمە
ســـــــوجده‌ بردن بۆ نیگایه‌ک کرده‌وه‌و ته‌فکیرمه‌
قوژبنی مه‌یخــــــانه‌ دایـــــــم گۆشه‌ی ته‌دبیرمه‌
شێخی ئەو پیر و موسینە، مــن جوانــــێك پیرمە
نەکەی هەرگیز نەمامی گوڵ ببێتە سێبەر و سایەت
بە نینۆک گەر بژاری کەی بە پووڵی بەرهەم و مایەت
ئەوێ بۆنی وەفا و عەهدە بە هیچ جۆرێ لە گوڵ نایەت
هەتا ماوم ئەچێنم تۆی هەر خارێ لە دڵ شایەت
کە بێی بۆ سەر مەزارم دامنت بگرن ئەگەر مردم
(بەستە)
ئاواز و ووتنی:عەدنان کەریم
شعر:ئەخۆل (1911-1988)
دڵم هەر ئەو دڵەی جارانە ئێستاکەش ئەناڵێنێ
هەناسەی ساردی ناکامی لە سینەمدا ئەتاسێنێ
ئەگەر جوانیت سەرنجم ڕابکێشێ، مەگرە لێم چونکە
جەماڵت پەیکەری ڤینۆسی خوای جوانیش ئەجووڵێنێ
پەچەت لادە ببینم ڕووت ئەمن خۆ سەیری تۆ ناکەم
لە ڕووی تۆ تێدەگەم یەزدان چلۆن نەخشی ئەنەخشێنێ
کە تیشکی ڕۆژ ئەدا زاخاوی پرچی زەردی زێڕینت
لەلام قەوس و قەزەح هیچ ڕەونەق و شەوقێکی نامێنێ
تەمەن ڕوو بۆ خەزان ئەڕوا کەچی گەردوون ئەوا تازە
لە وێرانەی دڵا تۆوی گوڵی دڵداری ئەڕوێنێ
بە چەشنێ خۆشەویستیی تۆ لە سینە و کەللەما چەسپە
مەگەر جامی ئەجەل ئەو تین و تاوەی لێ هەڵێنجێنێ