Рет қаралды 116,534
Шу кунларда халқаро жамоатчиликнинг эътибори Кобулдаги Толибон ҳукуматига қаратиларкан, Бирлашган Миллатлар Ташкилоти Афғонистонда юзага келаётган гуманитар инқироздан огоҳлантирмоқда.
БМТнинг гуманитар ва қочқинларга ёрдам агентликлари Кобулга борди.
Афғонистондаги инқироздан олдин ҳам минтақада озиқ овқат таъминоти билан боғлиқ хавотирлар мавжуд эди. Марказий Осиё давлатлари, хусусан Ўзбекистон ҳам бу йил қурғоқчиликдан қаттиқ зарар кўрди. Буғдой, чорва ва бошқа зарур қишлик маҳсулотлар заҳирасида етишмовчилик бор.
Келаётган қиш минтақа учун оғир кечиши кутилмоқда. Аммо, ҳокимият Толиблар қўлига ўтган Афғонистон учун бу қиш фалокатли бўлиши мумкин.
Тахминий ҳисоб-китобларга кўра, мамлакатда 3 ярим миллиондан ортиқ одам уйини ташлаб, бошқа минтақаларга қочган. Буларнинг аксари аёллар ва болалардир.
Қурғоқчилик, нотинчлик ва гуманитар ёрдамнинг кесилиши, мамлакат жанубидаги айрим ҳудудларда ҳозирнинг ўзидаёқ очарчилик бошланишига сабаб бўлди.
***
Shu kunlarda xalqaro jamoatchilikning e’tibori Kobuldagi Tolibon hukumatiga qaratilarkan, Birlashgan Millatlar Tashkiloti Afg‘onistonda yuzaga kelayotgan gumanitar inqirozdan ogohlantirmoqda.
BMTning gumanitar va qochqinlarga yordam agentliklari Kobulga bordi.
Afg‘onistondagi inqirozdan oldin ham mintaqada oziq ovqat ta’minoti bilan bog‘liq xavotirlar mavjud edi. Markaziy Osiyo davlatlari, xususan O‘zbekiston ham bu yil qurg‘oqchilikdan qattiq zarar ko‘rdi. Bug‘doy, chorva va boshqa zarur qishlik mahsulotlar zahirasida etishmovchilik bor.
Kelayotgan qish mintaqa uchun og‘ir kechishi kutilmoqda. Ammo, hokimiyat Toliblar qo‘liga o‘tgan Afg‘oniston uchun bu qish falokatli bo‘lishi mumkin.
Taxminiy hisob-kitoblarga ko‘ra, mamlakatda 3 yarim milliondan ortiq odam uyini tashlab, boshqa mintaqalarga qochgan. Bularning aksari ayollar va bolalardir.
Qurg‘oqchilik, notinchlik va gumanitar yordamning kesilishi, mamlakat janubidagi ayrim hududlarda hozirning o‘zidayoq ocharchilik boshlanishiga sabab bo‘ldi.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#Ozodlik #Afghanistan #Mirziyoyev