Рет қаралды 1,563
അഗസ്ത്യാർകൂടം ട്രെക്കിംഗ് - ഒരു സാഹസികാനുഭവം - Agasthyarkoodam Trekking
എന്റെ സുഹൃത്ത് PT ചാക്കോയുടെ ഒരു ഫോൺവിളിയിലാണ് തുടക്കം. മുഖവുരയില്ലാതെ, അഗസ്ത്യാർകൂടം ട്രെക്കിംഗിന് വരുന്നോ എന്ന ചോദ്യത്തിന് മുൻപിൻ നോക്കാതെ ആ നിമിഷം തന്നെ ഞാൻ യെസ് പറഞ്ഞു. അത് കഴിഞ്ഞാണ്, ഞാൻ എന്റെ സുഹൃത്തും അയൽവാസിയും AGs ഓഫീസ് ജീവനക്കാരനുമായ TD മാതൃവും അദ്ദേഹത്തിന്റെ രണ്ട് AGs സുഹൃത്തുക്കളുമായി 2016 ലോ 2017 ലോ അഗസ്ത്യാർകൂടത്തിന് പോയ ആനന്ദകരവും അതേസമയം ദുഷ്ക്കരവുമായ ആ സാഹസികയാത്ര ഞാനൊന്ന് റീവൈൻഡ് ചെയ്തു നോക്കിയത്.
അതൊരു അനുഭവമോ അനുഭൂതിയോ ഒക്കെ ആയിരുന്നെങ്കിലും യാത്രയുടെ കാഠിന്യം ഓർത്തപ്പോൾ ഉള്ളൊന്നു കാളി! ഈ 62 ആം വയസിൽ ഇനിയും ഇതൊന്നു കൂടി വേണോ? പക്ഷെ എന്നിലെ അവശേഷിക്കുന്ന യുവത്വം സംശയലേശമന്യേ പറഞ്ഞു "പോകണം!"
forest.kerala.gov.in
forest.kerala.... › ...
Agasthyarkoodam Trekking - 2023 - Kerala Forest Department
forest.kerala.....
മുകളിൽ കാണുന്ന ഈ സൈറ്റ് വഴിയാണ് യാത്ര ബുക്ക് ചെയ്യേണ്ടത്. അതിലൂടെ ഒന്ന് കണ്ണോടിച്ചാൽ അഗസ്ത്യാർകൂടം സന്ദർശിക്കാനാഗ്രഹിക്കുന്നവർക്കുളള അത്യാവശ്യ വിവരങ്ങൾ ലഭിക്കുന്നതാണ്.
("1868 മീറ്റർ ഉയരമുള്ള അഗസ്ത്യാർകൂടം എന്ന അഗസ്ത്യമല പശ്ചിമഘട്ടത്തിന്റെ ഭാഗമായ ഒരു കൊടുമുടിയാണ്. കേരളത്തിൽ സ്ഥിതി ചെയുന്ന ഈ കൊടുമുടി, തമിഴ്നാടുമായി അതിർത്തി പങ്കിടുന്നു. തമിഴ്നാട്ടിലെ തിരുനെൽവേലി, കന്യാകുമാരി എന്നീ ജില്ലകളിലും, കേരളത്തിലെ തിരുവനന്തപുരം, കൊല്ലം, പത്തനംതിട്ട എന്നീ ജില്ലകളിലുമായാണ് അഗസ്ത്യമലനിരകൾ സ്ഥിതി ചെയ്യുന്നത്. കുറ്റിച്ചൽ പഞ്ചായത്തിൽ ആണ് അഗസ്ത്യാർകൂടം. പക്ഷെ, 2,695 മീറ്റർ ഉയരമുള്ള ആനമുടിയാണ് തെക്കേ ഇന്ത്യയിലെ ഏറ്റവും ഉയരമുള്ള കൊടുമുടി. ഇരവികുളം ദേശീയോദ്യാനത്തിന് തെക്കുഭാഗത്താണ് ആനമുടി സ്ഥിതിചെയ്യുന്നത്. കേരളത്തിലെ ഇടുക്കി ജില്ലയിലാണ് ആനമുടി.)"
(കടപ്പാട് ഗൂഗിൾ)
രാവിലെ 6 മണിക്ക് തന്നെ കേശവദാസപുരത്ത് നിന്ന് എന്റെ വീട്ടിലെത്തിയ ചാക്കോച്ചന്റെ ബ്രസ്സയുടെ ഡ്രൈവിംഗ് സീറ്റ്, ഡ്രൈവിംഗ് പ്രാന്തനായ ഞാൻ ഉടനടി കൈക്കലാക്കി. 8 മണിയാണ് റിപ്പോർട്ടിംഗ് സമയമെങ്കിലും O730 മണി കഴിഞ്ഞപ്പോൾ ബോണക്കാട് ഫോറസ്റ്റ് പിക്കറ്റ് സ്റ്റേഷനിൽ എത്തി. പോകാനുള്ള ഭൂരിഭാഗം യാത്രികരും അപ്പോൾത്തന്നെ അവിടെ എത്തിക്കഴിഞ്ഞിരുന്നു.
തിരുവനന്തപുരം - പൊന്മുടി റൂട്ടിൽ തേവിയോട് ജംഗ്ഷനിൽ നിന്നാണ് ബോണക്കാട് ഫോറസ്റ്റ് പിക്കറ്റ് സ്റ്റേഷനിലേക്ക് തിരിയേണ്ടത്. ഈ ജംഗ്ഷനിൽ നിന്ന് 8 കിലോമീറ്റർ ദൂരെയുള്ള കാണിത്തടം ചെക്ക് പോസ്റ്റിൽ എല്ലാ വാഹനങ്ങളും റിപ്പോർട്ട് ചെയ്യണം. കാണിത്തടം ചെക്ക് പോസ്റ്റിൽ നിന്നും ബോണക്കാട് ഫോറസ്റ്റ് പിക്കറ്റ് സ്റ്റേഷനിലേക്ക് പിന്നെയും 13 കി.മീ. ദൂരം കൂടിയുണ്ട്.
പിക്കറ്റ് സ്റ്റേഷനിൽ കുറേയേറെ ഫോർമാലിറ്റികളുണ്ട്. സന്ദർശകരുടെ ബാഗുകൾ മൊത്തം തുറന്ന് പരിശോധിക്കും. ആൽക്കഹോൾ, മെഴുകുതിരി, തീപ്പെട്ടി, ലൈറ്റർ, കത്തി, തുടങ്ങിയവക്കൊന്നും ഇനി മുന്നോട്ട് പ്രവേശനമില്ല. ഫുഡ് പാക്കറ്റുകളിലെ കൊണ്ടുപോകാൻ അനുവദിക്കുന്ന എല്ലാ പ്ലാസ്റ്റിക്ക് പീസുകൾക്കും ഒരു ചെറിയ തുക ഡപ്പോസിറ്റ് ചെയ്യണം. തിരിച്ചു വന്ന് ആ പ്ലാസ്റ്റിക്ക് പീസുകൾ മടക്കിയേൽപ്പിച്ചാൽ മാത്രമേ ഡപ്പോസിറ്റ് തിരികെ കിട്ടുകയുള്ളു.
യാത്രയ്ക്ക് മൂന്നാംകാലായി ഒരു വടിയോ വോക്കിംഗ് സ്റ്റിക്കോ ഉപയോഗിക്കുന്നത് യാത്രയുടെ കാഠിന്യം ഏറെ ലഘൂകരിക്കും. 15 രൂപ കൊടുത്താൽ പിക്കറ്റ് പോസ്റ്റിൽ നിന്ന് കാട്ടുവടികൾ അനൗദ്യോഗികമായി ലഭിക്കും. അതുപോലെ തന്നെ പ്രഭാത ഭക്ഷണവും ഉച്ചഭക്ഷണവും അനൗദ്യോഗികമായി പാഴ്സലായി ലഭിക്കും. കൊണ്ടുപോകുന്ന ആഹാരം വഴിയിൽ അടിയ്ക്കടി കാണാനാവുന്ന നീർച്ചാലുകൾക്കിടയിലിരുന്ന് കഴിക്കാം. ആഹാരത്തോടൊപ്പം ലഭിക്കുന്ന കറികളെടുക്കുന്ന ചെറിയ പ്ലാസ്റ്റിക്ക് ബോട്ടിലുകൾക്കും ചെറിയൊരു ഡപ്പോസിറ്റ് ഉണ്ട്. പ്ലാസ്റ്റിക്ക് ബോട്ടിലുകൾ മടക്കിക്കൊടുക്കുമ്പോൾ ഈ ഡപ്പോസിറ്റും മടക്കിക്കിട്ടും. ഇത്തരത്തിലുള്ള കർശനനിയന്ത്രണങ്ങൾ കൊണ്ടാണ് യാത്രാവഴികളിലോ മലമുകളിലോ യാതൊരു തരത്തിലുമുള്ള പ്ലാസ്റ്റിക്ക് അവശിഷ്ടങ്ങളും കാണാതിരുന്നത് എന്ന് വ്യക്തമായത് അപ്പോഴാണ്.
12.02.2023 ഞായറാഴ്ച രാവിലെ 945 ന് നടപടിക്രമങ്ങൾ പൂർത്തിയാക്കി സന്ദർശകർ ബേസ് ക്യാമ്പിലേക്കുള്ള യാത്ര ആരംഭിച്ചു. വിവിധ ഭാഷക്കാരായ ചെറുപ്പക്കാർ, വയസ്സൻമാരായ ഞങ്ങളെ മറികടന്ന് മലമുകളിലേക്ക് കുതിക്കുന്നത് നിർന്നിമേഷരായി ഞങ്ങൾ നോക്കി നിന്നു. ആ കുതിപ്പ് ഞങ്ങളെയും ആവേശഭരിതരാക്കി.
Facebook Link :: / joseph.sartho.3
#mountainclimbing,#kerala,#forest,#mountain,#agasthyarkoodam,#touristplace,#hillview ,#agasthyamuni,#trekking,#agasthyar,#keralaforest,#trekking2023,#agasthyarkoodamtrekking,#thiruvananthapuram,#അഗസ്ത്യാർകൂടം ട്രെക്കിംഗ്,#അഗസ്ത്യാർകൂടം,#Agasthyamala Biosphere Reserve,#Agasthyamala,#BiosphereReserve,#Agasthyamala Biosphere,#Agastyaarkoodam,#peak,#Bonacaud,#medicinal plants,#Saptarishi