Рет қаралды 3,817
2021-ci il avqustun 27-də Azərbaycan Həmkarlar İttifaqları Konfederasiyasının (AHİK) sədri, Milli Məclisin deputatı Səttar Möhbalıyev Xaçmaz rayonunun Nabran qəsəbəsində yerləşən istirahət mərkəzlərində vəziyyətlə tanış olub.
Möhbalıyev Azərbaycan Respublikası Turizm və Ekskursiyalar Şurasının “Xəzər” istirahət mərkəzinə, Dövlət İdarələri və İctimai Xidmət İşçiləri Həmkarlar İttifaqının “Ülfət” istirahət mərkəzinə və Azərbaycan Təhsil İşçiləri Azad Həmkarlar İttifaqının “Təhsil” istirahət mərkəzinə baş çəkib, istirahətə gələnlərin qaldığı korpus otaqlarını və kottecləri gəzib, onların dincəlməsi üçün yaradılmış şəraitlə yaxından tanış olub, yeməkxanaya baxış keçirib, ərazini gəzib. AHİK sədri həmçinin Nazirlər Kabineti yanında Operativ Qərargah tərəfindən qəbul edilmiş xüsusi karantin rejimi qaydalarına əməl olunma şəraiti ilə də maraqlanıb. AHİK sədri mərkəzdə istirahət edən insanlarla söhbətləşib, istirahətləri ilə maraqlanıb, fikirlərini və təkliflərini öyrənib.