Ахбори Точикистон Имруз - 06.09.2024 | novosti tajikistana

Соли 2026 дар шаҳри Душанбе дар ҳошияи Конференсияи байналмилалии сатҳи баланд доир ба татбиқи Даҳсолаи байналмилалии амал «Об барои рушди устувор, солҳои 2018-2028» «Форуми байналмилалӣ доир ба амнияти озуқаворӣ ва Ҳадафҳои Рушди Устувор барои кишварҳое, ки ба баҳр дастрасӣ надоранд» баргузор мегардад. Ин пешниҳод 5 сентябр зимни баргузории чунин форум дар Ҷумҳурии Узбекистон баён гардид.
Тавре дар Вазорати кишоварзии Ҷумҳурии Тоҷикистон ба АМИТ «Ховар» иттилоъ доданд, зимни форум дар шаҳри Тошканд Вазири кишоварзии Тоҷикистон Қурбон Ҳакимзода доир ба тақвият ва пешбурди ташаббусҳо ба хотири беҳтар намудани низоми агроозуқаворӣ барои кишварҳое, ки ба баҳр дастрасӣ надоранд, муттаҳид намудани кӯшиши давлатҳои Осиёи Марказӣ барои паси сар намудани хавфҳои баъдӣ дар самти таъмини агроозуқаворӣ дар минтақа ва дигар мавзуъҳо сухан гуфт.
Инчунин дар форум аз ташаббуси навбатии Асосгузории сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба ҳимояи пиряхҳо дар сайёра, ки яке аз пешниҳодҳои беназир барои истифодаҳои оқилонаи захираҳои обӣ дар ҷаҳон буда, аз ҷониби Созмони Милали Муттаҳид дастгирӣ ёфт, ёдоварӣ карда шуд.

[@NameNxjanwf]

Иллохо ободи бисёршавад хамин пеши домимохорам асвалткунанд бехтаринмешуд

[@darion6530]

Рохи нохияи Ашт ва Худжанд ам тамир мекардан

[@садирчон]

Салом