أمريكا تتعرض لخيانة أهم حلفاءها

الفترة اللى فاتت.. حصلت خناقة جامده جدا بين مسؤولين فى وزارة الخارجية الأمريكية.. ومسؤولين تانيين فى وزارة الخارجية الاسرائيلية.. خير يا جماعه؟.. اتضح ان اسرائيل بتتعاون مع الصين فى مجال التكنولوجيا العسكرية.. وحاجه تانيه مهمه اسمها الابتكارات الناشئة..
سيدى المواطن لو مش مدرك اللى سمعته فخلينى أقولك بالبلدى كده ان أمريكا واسرائيل بيصنعوا سلاح مع بعض.. وخصوصا الذكاء الاصطناعى اللى بيستخدموه فى أنظمة تشغيل السلاح زى الطيارات المقاتلة والسفن الحربية وغيرها.. إضافة إلى اشتراكهم برده فى تصنيع الطيارات الدرونز اللى هى بدون طيار..
فاللى بيحصل دلوقتى ان الصين اللى عماله تستفز فى أمريكا هناك فى المحيط الهادى.. هى هى الصين اللى سابت أمريكا مشغوله بالمناورات العسكرية هناك.. ولفت راحت لاسرائيل علشان يتعاونوا مع بعض فى مجال التكنولوجيا العسكرية.. التكنولوجيا العسكرية اللى شغاله عليها اسرائيل مع أمريكا.. يعنى الصين لو امتلكت التكنولوجيا العسكرية دى تبقى امتلكت نفس التكنولوجيا العسكرية اللى أمريكا بتطورها.. يعنى لو قامت حرب الصبح بين أمريكا والصين.. الصين هتبقى عارفه سلاح أمريكا شكله ايه وازاى تنفذ ضربات استباقية لتدميره..
وياريتها جت على اد كده.. حضرتك تقولى ثوانى بس قبل ما تكمل.. هى مش الصين خلصت مناوراتها عند تايوان والأمور بدأت تهدا.. ولا حصلت حاجه جديدة اليومين اللى فاتو ؟.. وايه علاقة تصريح الرئيس السيسي بخصوص الصين وتايوان اللى قال فيه ان مصر بتدعم مبدأ الصين الموحدة؟.. هقولك سيدى المواطن.. هقولك..
فى حلقة مصر وحرب تايوان - للى اتفرج عليها من حضراتكم - قولتلكم إن الصين لو اتغابت وقررت انها تدخل فى حرب جديدة مع أمريكا فى المحيط الهادى.. بجانب الحرب اللى بتخوضها روسيا فى أوكرانيا.. فحال أى مواطن بلده مش بتنتج احتياجاتها بنفسها هيكون حاله زى الراجل الطيب ده..
فحال أى مواطن بلده مش بتنتج احتياجاتها بنفسها هيعيش أيام صعبه..
والنهاردة اسمحلى أقولك ان غالبا الصين هتعملها وهتتغابى.. ليه؟.. هقولك.. فى دولة اسمها جزر سليمان موجودة فى جنوب المحيط الهادى.. أيوه يعنى فين بالظبط جنوب المحيط الهادى؟.. جنب استراليا سيدى المواطن.. جنب استراليا.. ده علمها.. وده شعارها.. وده مكانها على كوكب الأرض.. الدولة دى.. أو مجموعة الجزر دى.. عدد سكانها ميكملش مليون نسمه.. لكن فيها مشاكل كتير..
أهمها محاولة الشعب المستمرة للثورة على النظام.. ظروف العيشه صعبه والناس مش مرتاحين.. فكل شوية يحاولوا يقوموا ضد النظام بثورة.. حضرتك تقولى طيب وبعدين؟.. هقولك.. النظام فى دولة جزر سليمان دى لما تعب من المظاهرات راح لأقرب جيرانه.. استراليا.. الحقينى يا استراليا.. فاستراليا تدخلت فعلا وعملوا مع بعض اتفاقية أمنية وبعتت قوات علشان تحافظ على استقرار البلد.. أو بمعنى أصح علشان تحمى النظام الحاكم من مظاهرات الناس.. لكن بعد شوية وقت الحكومة الاسترالية بدأت تتدخل فى نظام حكم جزر سليمان.. انت كده وضعك مش ديمقراطى.. انت كده بتظلم الناس.. انت كده عندك شبهات فساد.. فالنظام الحاكم فى جزر سليمان قالك مش ناقصه وجع دماغ.. وقام طالع على مين سيدى المواطن؟.. على الصين.. يا صين.. مش انتى بتتخانقى مع أمريكا؟.. واستراليا وأمريكا عاملين اتفاقية أمنية ضدك اسمها أوكوس.. وأمريكا هتدى استراليا غواصات نووية علشان تطوقك فى المحيط الهادى؟.. فالصين قالتلها مظبوط.. خير عايزه ايه؟.. جزر سليمان قالتلها أنا هعمل معاكى الصح..
أنا هعمل معاكى اتفاقية أمنية تسمحلك تبنى على أرضى قواعد عسكرية.. ومش بس كده.. ده احنا هنسمحلك تبعتى السفن الحربية بتاعتك لشواطئنا علشان تعيد تسليحها.. مش بس كده.. ده احنا هنسمحلك تستخدمى أراضينا كمنصات صواريخ.. وبكده بعد ما كانت استراليا هى اللى هتطوقك فى المحيط الهادى.. انتى اللى هتطوقيها جوه أرضها.. عاوزه حاجه تانيه يا صين؟.. قالتلها ده كده فل أوى.. تشكرى.. فجزر سليمان قالتلها كل اللى محتاجاه منك انك تبعتى قوات تحفظ لنا استقرار البلد وتحمى النظام من المظاهرات.. فالصين قالتلها بس كده.. ده انتى تؤمرى.. أنا محبش فى حياتى غير حفظ الأمن والاستقرار..
هل تكتفى الصين بكده؟.. الإجابة طبعا لأ.. الصين راحت على مكان فى جنوب المحيط الهادئ برده اسمه جمهورية كيريباتى.. ودى برده مجموعة جزر.. هيعملوا معاها ايه جمهورية كيريباتى دى؟.. هيعملوا عندهم قواعد جوية.. سلاح الطيران الصينى هيتمركز هناك.. وبالتالى استراليا اللى كانت فى حالها لحد ما قررت انها تدخل فى تحالف أمنى مع أمريكا.. النهاردة الصين حطتها فى دماغها وبتحاصرها بالقوات الجوية والبحرية..
حضرتك تقولى طيب يا أبوحميد هو وجود القوات الجوية والبحرية الصينية حوالين استراليا خطر يعنى؟.. أقولك تخيل انت معايا نفس المناورات الحربية اللى نفذتها الصين فى مضيق تايوان.. بتتنفذ هناك على سواحل استراليا.. استراليا اللى اشترت غواصات نووية مخصوص علشان تحارب بيها الصين.. فى نفس الوقت اللى فيه حاملات طائرات أمريكية موجودة فى وسطهم.. كل القوات دى موجودة دلوقتى فى المحيط الهادى مستنيين أى حد غبى يضرب طلقة واحده.. طلقة واحده سيدى المواطن كفيله بإن المحيط الهادى يتعصب.. تخيلت؟.. اتخيل تانى.. خفت؟.. كفايه كده..
من المصادر
bit.ly/3SQb0j9
bit.ly/3A0dbb5
bit.ly/3SREQUf
on.wsj.com/3An...
bit.ly/3bPOPZX
#المواطن_ سعيد #الصين_تايوان

[@Ahmed_Said]

⛔️ عاجل.. الصين بدأت مناورات جديدة ضد تايوان منذ ساعات..

[@karemhadeda2163]

ايه يا مواطن سعيد بعد اذنك رد علي انت ليه الحلقه اللي فاتت كنت حاسك بتطبل يا حلف الناتوا واوكرانيين عايز افهم يعني وجهه نظرك بعد اذنك

[@abdullahk800]

المشكلة هتحصل في سلاسل الامدادات واي صناعة هتغلى في العالم لان الصين هي اللي بتصنع كل حاجة لكن النفط سعره هيقل لان امريكا هتفرض عقوبات على اي حد يصدر نفط للصين او يستورد منها اي حاجة ثانيا انخفاض الجنيه قدام باقي العملات مش الدولار بس بيدل ان المشكلة مش في الحرب المشكلة ان احنا بنحاول نقف في النص علشان البنك الدولي يدينا قرض بس البنك الدولي عايز الدولار يوصل 30 جنيه علشان نبقي اقتصاد جاذب للاستثمار لان ده هيقلل تكلفة الانتاج على المستثمر الاجنبي لكن الحكومة المصرية رافضة ثالثا حجم التبادل التجاري بين الصين وامريكا 560 مليار دولار يعني 56 ضعف اسرائيل مع الصين

[@maikelosama6789]

@@abdullahk800 مافيش حرب بتقوم و تلاقي معاها سعر النفط بيقل ، لأن امدادات النفط بتكون للطرفين ، و حتي لو افترضنا و اتمنعت الامدادات عن طرف من الطرفين ده هيخلي سعر النفط يغلي اكتر و اكتر (زي ما حصل وقت حرب اكتوبر و وقفت دول الخليج مع مصر في تصدير النفط) و ده أكيد مش هيبقي في مصلحة اي طرف ان تكلفة الحرب تغلا عليه اكتر (مع العلم ان الصين هتبقي ضامنة امدادات الطاقة من روسيا اصلا)

[@mohamed_comp1ahmed371]

لو تكرمت طلب فى نهايه الحلقه ياريت تقول كلمه تختم بيها مثال مثلا تقول كداا انتهت حلقه اليوم او سلام عليكم او سوال وعايز اجابه

[@abdullahk800]

@@maikelosama6789 لو اتفرضت عقوبات اقتصادية عالصين من امريكا واروبا مصانع كتير هتقفل فالصين وبالتالي استهلاك الطاقة هيقل ومعاه اسعار النفط زي ما روسيا مش لاقية زبون فبتبيغ باقل من السعر العالمي علشان عندهم انتاج ضخم

[@ashrafashraf2926]

اللهم اضرب الظالمين بالظالمين وخرجنا منهم سالمين غانمين اللهم احفظ مصر 🇪🇬 وجيشها وشعبها تحيا مصر 🇪🇬 رغم انف كل حاقد وحاسد

[@omarabolubdeh8382]

قمة الابداء في نقل الخبر كل الحب ❤❤

[@ahmedmokrani914]

رب يحفظ تونس و مصر و جميع الدول العربية 🇹🇳🇹🇳🇹🇳

[@amir-7604]

و تحيا تونس و ربي يحرسها هي و شعبها الحبيب❤️

[@محمدعلي-ل6و3خ]

حفظ، الله الشعبين وأدام الله الاستقرار والاخوه فكل بلدنا العربيه🇪🇬🇪🇬🇪🇬🇪🇬🇪🇬

[@ahmetali78]

يااخي انا من الولادة بحب مصر بلفطرة بس بعد ماشفت المواطن سعيد حبيتا بزيادة تحيا مصر من اخوك السوري 🇪🇬❤️🇸🇾

[@Labodd]

نتمنى منكم متابعة قناة لابد ان تعلم التي نقدم لكم من خلالها العديد من المواضيع المتنوعة والتثقيفية التي ستنال اعجابكم، شكراً لكم

[@حسامفايد22]

يارب العالمين فك كرب سوريا حبيبه قلبي المصريين

[@وليدخطاب-س4خ]

يا اخي الحبيب أعلم أن مصر وباقي الدول العربيه هم دوله واحد يفصل بينهم حدود اصتنعها الاحتلال فإذا قلت انك تحب مصر فأنت تحب بلدك بالفعل ليست بلد اخوانك الأشقاء كلنا كيان واحد دوله واحده. ونحب اخواننا العرب في كل مكان وزمان

[@ahmetali78]

@@وليدخطاب-س4خ عراسي طيب بس رح كون مبسوط اكتر اذا كتبتلي بلهجة المصرية 👑

[@amaalelsokary3170]

اللهم احفظ سوريا

[@magdatolba5769]

يسعدنا كثيرا شعور أمريكا بالقلق وتحيه لأي دوله تجعل أمريكا تقلق🇾🇪❤️🇾🇪

[@محمدمرزوق-ض8ك]

اليهود ماسكين امريكا اصلا

[@heroquin50]

الله يحفظ العراق و مصر وكل الدول العربية و الاسلامية

[@user-yq4pb4io8p]

بحب كل المصريين ومصر وكل شي بيتعلق بمصر بحبكم من لبنان 🥺🥺♥️

[@sherenatia2431]

اللهم على شأن مصر واحفظها وانصرها وارزقها وأهلها وجيشها وسماءها وارضها وصل الله وسلم على سيدنا محمد وعلى آله وصحبه أجمعين

[@hassanmustafa6552]

هذه الأزمات وكلما ازدادت تعقيدا سوف تضغط على العرب وتدفعهم إلى الاعتماد على أنفسهم وستكون لنا نعمة أن شاء الله تعالى ،شكرا أخونا مواطن سعيد

[@fares_walid2006]

يعتمدوا علي نفسيهم ازاي و اصلا معظم الدول العربية مفهاش فلوس من الإفلاس بسبب الأزمات اللي زي دي ده غير الدول الخربانة زي سوريا و العراق و اليمن و ليبيا بص يا باشا احنا الحرب تبدأ و نعمل زي كوريا الشمالية و كلوا يبقي شغال في الجيش و علي الله حكايتنا بقا

[@mahmoudabdulmaksoud7075]

لا يمكن أن نوفر كميه الثلثان من الغذاء فقط

[@deadly_weapons50]

أمنية حياتي اشوف أمريكا بتقضى علي الكيان الصهيوني او العكس ربنا يضرب الظالمين بالظالمين وأخرج منهم سالمين ورد الينا الأقصى رداً جميلاً عاجلا غير اجلا اللهم امين

[@myomar4442]

بالدعاء ولا بالعمل

[@zaghloulibrahim780]

ربنا يحفظ مصر وينصرنا علي من يعادينا تحيا مصر والخزي والعار لاعداء مصر في الداخل والخارج

[@ابوعليماهر-ل7ل]

شكرا لك اخي العزيز على هذا المجهود الرائع كان شرحك الوافي وتوضيحك للامور ملامس للحقيقه والواقع عاشق تراب مصر من اليمن السعيد ثغرها الباسم عدن

[@salwawaly7964]

طريقتك رائعه ومفهومه شكرا

[@othmanalaoui7235]

سيدي المواطن سعيد انت شخص رائع ....مشكور على سلاسة الموضوع وتحليلك المنطقي والسهل و المشوق ...دائما اتمنى ان تطول الحلقة

[@فيصلشبيط]

من اروع ماشاهدت... الف تحيه وشكر من اليمن السعيد... سابقا

[@hajarjarjar4869]

دائما تختار احسن المواضيع مع تحري الحياد في اغلب الحلقات

[@nourbarrak]

حياد مين مشبح للسيسي للعضم

[@hudagawiesh1168]

حضرة المواطن تمنياتى لك بالتوفيق

[@Mim-1]

يوم سعيد بوجود حلقة من المواطن سعيد

[@hishamelgendi5384]

اشكرك على مجهودك الرائع والمميز وتحيا مصر تحيا مصر تحيا مصر

[@مصطفىعلي-ظ6م2ث]

حلقة مميزة كالعادة اشكرك على الموضوع والله يحفظ مصر دائما

[@algawoodgate1471]

أحسنت كلام واقعي جداً👍👍👍

[@amrsalama2566]

تحيا مصر وان شاء الله تكتفي ذاتيا وتطور نفسها أكتر واكتر وتبقى دولة عظمى

[@layann0]

يارب آمين

[@lite_school]

😂😂😂😂👌

[@Ho_SSam]

في وجود السيسي اخرك تحلم بس وتصحي معيط

[@hassansalh2716]

@@Ho_SSam ممكن اسألك سؤال بسيط انت لو مكان السيسي ورئيس لمصر هتعمل ايه؟

[@fallrise2393]

للاسف مصر الأسوأ مع إلى بيحكموا حاليا ! انت عارف ديون مصر أصبحت كام مع السيسى ؟ عارف كمية الغلاء و الضرائب و يعنى ايه ديون دولة ؟

[@mohammedjaber1165]

سلم.يارب.سلم مصري.وافتخر تحيامصر الله.اكبر

[@medsbebeto2010]

انا بجد بحيي حضرتك على محتواك المميز تقريبا اتفرجت على اكتر من 90% من الفيديوهات تحياتي لشخصكم الكريم

[@omaymaelshfey997]

ربنا يهزم الظالم بي الظالم وتحيا مصر

[@sayedhamed8093]

مبروووووووووووووووووووووك النصف مليون مشترك معاليك تستاهل واكتر

[@احمدفارس-ر1ي]

مبروك مقدما ان شاء الله ع 500.000

[@Samatarbarkhad]

تحيا مصر احلي تحية من ارض الصومال

[@sezarashiti6436]

تحياتي على هذه الثقافة شكرا لمقدم البرنامج

[@mohamedragab8053]

تحيا مصر الكنانه العضى الأبيه 🇹🇯🇹🇯🇹🇯

[@beneathmask]

من ابتغي العزة، فإن العزة لله جميعا

[@محمدمرزوق-ض8ك]

احنا عاملين زي الطلاب الغلابة الهادية اللي بتبقي قاعده في الفصل ساكته و في كام طالب مشاغب عاملين زيطة و احنا قاعدين خايفين ل المدرس يسمع الزيطه و ييجا يضرب يضرب الفصل كله

[@احمدسالم-ف4ك7ب]

شكرا ..يعجبني تفكيرك

[@ذَهبِيَّاتالأدبالعربي]

تحليل من الطراز الأول، الله يوفقك

[@mohmoudemad2177]

(( صلي على الحبيب سيدنا محمد ❤️ أذكروا اللَّه ❤️ )).

[@nagyasalib8510]

هل فكرت في ان اسرائيل ممكن تكون بتضحك علي الصين لصالح امريكا ؟

[@aboyousefemam1942]

انا بقول انهم بينسقو مع بعض ضد الصين في الخباثه

[@ninanino891]

ربي يمهل ولايهمل. باذن الله يطوروا الاسلحة الذكية ويدمروا بها أنفسهم و يأكلون بعضهم البعض

[@MohamedSalama-ze9lo]

يا أستاذ اليهودي مالوش صاحب اليهود بيخونوا بعض

[@Gggggggg-ux6dn]

صلو على النبي عليه الف صلاه وسلام

[@Abo_malek457]

افضل من حلل سياسه سمعته فى حياتى تحياتى لحضرتك يا استاذ احمد المحترم

[@samir9616]

تحيا مصر💖💖💖✌✌✌👊👊👊

[@mohamedsamy5252]

لاڤ من غير ما اشوف❤️

[@شاهينشاهين-ت1ظ]

بكل اختصار تستحق المتابعه 👌👏🌹 برااااافو عليك

[@fares_walid2006]

بجد احنا لو عدينا الخمس سنين الجيين دول علي خير تبقي معجزة من عند ربنا

[@محمدالصاوي-ذ8م]

اسلوب راقي وتحليل قيم أستمر سيدي المواطن من أفضل الناس ال بستمع لهم

[@mmaka6287]

والله انت عالمي 👍 ومحتوي محترم جدا ❤️ عاش يا بطل استمر 👍💪

[@باسمربيع-ج6ر]

: وَلَوِ ٱتَّبَعَ ٱلْحَقُّ أَهْوَآءَهُمْ لَفَسَدَتِ ٱلسَّمَٰوَٰتُ وَٱلْأَرْضُ وَمَن فِيهِنَّ ۚ بَلْ أَتَيْنَٰهُم بِذِكْرِهِمْ فَهُمْ عَن ذِكْرِهِم مُّعْرِضُونَ

[@sherifhussein6604]

يا فندم ياريت حضرتك تنزل فيديوهات يومية انا ما بتابعش اي حاجة في التلفزيون او اليوتيوب او راديو او اي حاجة غير فيديوهاتك.... حضرتك انسان محترم وتعجبني تحليلاتك واسلوبك في الالقاء فا يريت حضرتك تتوسع وتتكلم في اي حاجة حتي لوحاجات علمية.... الله ينور عليك...حضرتك محترم ويشرفني اني اتابع حضرتك....

[@talalessam9023]

انا زيك 70%

[@سمح1357]

فالله خيرا حافظاً وهو أرحم الراحمين

[@FAHADALFADIL]

السلام عليك سيدي المواطن السعيد وأسأل الله أن يجعلك دومًا (سعيد) حضورك لا يضاهى، وهو فاخرٌ لا يليق إلا بك لغة واضحة .. أسلوب سلس .. ولابد من الإشادة بالإعداد (متعوب عليه) أنا كذلك مواطن سعيد؛ إذ شرفت بمتابعتك، ولي كل الفخر دمت طيبًا شامخًا سعيدا وكل من يقرأ هذه السطور احترام جم سيداتي وسادتي و؛ وُدْ 🇸🇦💚❤️

[@talalmorad5672]

تميزكم في تميزكــــــــــــــــــــــــمَ المحتوووى الاسلوب ابداع دقه روعــــــــــــــــــــــــــــــــــه استمــــــــــــ

[@refaatelmoalem273]

شكرا جدا يا استاذ احمد علي سلاسة الشرح مستنين الحلقات الجديدة دايما ❤️😍

[@AhmedHamde-j8s]

اللهم اضرب الظالمين بالظالمين واخرجنا منهم سالمين

[@daliashaker7120]

اكتر من رائع في شرح الواقف السء اللي العالم فيه ....تحياتي

[@yournephrologist429]

افضل محلل سياسي على الإطلاق .. استمر

[@TWINTURBO1327]

اول مره اخالفك الرأي في وجه نظرك في الحلقه التعاون ما بين الصين وإسرائيل. اعتقد مدروس وممنهج من قبل الامريكان حتي الخناقه اعتقد انها مسرحيه👌

[@محمدرمضان-ي8خ3ي]

مسرحية 🙄😂😂 طب سقف لهم على الاداء الرائع 😂😂😂

[@elizabethmikhail3255]

👍👍👍👍👍✅✅✅✅✅✅

[@TB023]

بطل ، ماشاء الله عليك ، ربى يحفظك.

[@BM.W325]

أنا أرى أن إسرائيل لا تستطيع أبدا خيانه امها أمريكا وأن هذه الحركه قد تكون خدعه مشتركه بين إسرائيل وامريكا فحضراتكم تعرفون دهاء المخابرات الأمريكية فقد يثبت الزمن هذا أو خلاف هذا

[@ezz_ye]

العكس اسرائيل ام امريكا

[@BM.W325]

@@ezz_ye من اوجد من ؟

[@محمدابوانس-ر1ف]

ربنا يحفظ مصر 🇪🇬

[@عبدالقادراحمدمحمود]

يلا يا ريس خلينا نرتاح خليها تولع⁦🔥😅

[@mohamedazab925]

شكرا..... اخ سعيد المحترم ❤

[@ساميمحمد-غ2ب]

نشكرك على ادائك الممتاز والمتميز وعن الصين وامريكا وإسرائيل وعلى فكرة ياجماعه اكيد أمريكا عارفه إسرائيل كويس بتتعامل مع مين بالظبط بس عامله نفسها انها ببتصدم علشان النوايا الخبيثه إلى بينهم وربنا يحفظ قائدنا الرئيس السيسى وربنا ينصرة وربنا يحفظ جيشنا العظيم وربنا ينصرة رغم أنف الأعداء وربنا يحفظ بلدنا مصر ودايما قويه يامصر ونشكر الاستاذ الكبير احمد سعيد ونشكر القناة

[@abanoubmelad2919]

لا ويجي واحد يقولك اللهم اضرب الظالميين بالظالميين واخرجنا منها سالميبن 😂

[@أنتمسلمإذاأنتاخي]

نعم / ولا انت تريد ان تظربك امريكا او الصين او روسيا ههههه / خلي يتضاربو في بعضهم البعض افضل / رغم اننا سنقاتل سنقاتل بعضنا البعض لكن على الاقل القتال يكون متوازن قليلا

[@hisam5122]

يا إلي عرض امك و اختك اكبر من عرض المستطيل

[@hisam5122]

يلا يا إلي كصومك احمر طرابيشي جيت انفخو مرضيشي

[@abanoubmelad2919]

@@hisam5122 كوصمااك يامعرض كنت بجيبه متشرد

[@abanoubmelad2919]

@@hisam5122 كصوماك برتقاني عشان كان بيدخل جواه هاني

[@باسمربيع-ج6ر]

إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا (56) اللهم صل وسلم وبارك على سيدنا محمد وعلى اله وصحبه اجمعين

[@Fahad-rm4hc]

الوضع الآن بالضبط هو إن الصين وكوريا الشمالية وروسيا متحضرين وجاهزين بس مستنيين ان امريكا تغلط غلطه وحدة بس علشان تبدأ الحرب عليها .. حرب العالمية الثالثه وامريكا عارفه كده ومخنوقه من انها حاسه انها اصبحت ضعيفه قدام الشعوب وانها مش مسيطره على العالم زي الأول ..

[@Youssef_Elmahdii]

كل دا صح بس مينفعش نتغر بضعف امريكا دلوقتي ، لان امريكا برضوا مش هتقع وحدها ، وميغركش شويه الحركات اللي بيعملها جو بايدن انا واثق تماما ان هما اللي عاملين كدا عشان يبينوا للعالم ان دولتهم ضعيفه

[@BilelBilel-de4rr]

شكرا سيدي المواطن يا محترم

[@asyedasyed4503]

العالم فى حالة حرب عالميه

[@ahmedfawzy5448]

اعد بقي ساكت بقي 🤣 انت بطمنا

[@radminote9youcef813]

معلومات ممتازه إن كانت حقيقية صدمتني أسمعها لأول مرة

[@magd_alarobh]

خيانة إسرائيل لأمريكا شي متوقع.. لأنها تبحث دائما عن مصلحتها حتى لو كان بالتحالف مع الشيطان نفسه أيوه أمريكا دللتها ومنحتها امتيازات قوية وعظيمة.. لكن هل ذا كافي لكسب ولاءها التام لها؟! لو فكرت الإدارة شوية لعرفوا إن اليهود ما يعترفوا بشي اسمه عهد وميثاق بالعربي.. لو تقوم حرب وتحس إسرائيل إنها راح تستفيد من ضرب أمريكا ولو 1% فقط.. هتضربها دون تردد لأن بالنهاية.. ولاءها لمصالحها فحسب.. حتى لو كان في فناء الأم التي أوجدتها

[@abumuhepmuhep9359]

كلامك صح ميه لميه

[@General_mostafa]

احلي قناة واحلي اشعار واقوي تحليل ...مساء الورد يا احمد بيه 🇪🇬❤🇪🇬

[@مولر-ر2ن]

حلقه ممتازه .. شكرا لحضرتك

[@محمدشريف-ي3ه]

عايزين حلقه عن النصب والاحتيال في الاثار

[@foxel-naggar443]

والله الوحد بيستناك يستمع ليك ♥️

[@حسنفهمي-ذ2ب]

برغم ما تفعله امريكا لتايوان لم تعترف بها كدولة مستقله الي الان

[@chenadimene7534]

اللهم اغفر المؤمنين و المؤمنات و المسلمين و المسلمات الاحياء منهم و الاموات

[@tahermessaadi2873]

شكراااا ،،تحليل اكثر من راءع

[@maxbasem6482]

احنا الغلطانين... كان المفروض احنا اللي عندنا كل التكنولوجيا

[@AbdelatyMohamed-o2r]

شرحك الوافي جميل وبسيط

[@emmaasmrworld]

احلي قناة انت والدحيح الحقيقه وبس كده

[@MM48_T3C]

يعني الطبلجية والمطبعين

[@emmaasmrworld]

@@MM48_T3C وداخل قنواتهم ليه

[@mahmodabdelrazek4729]

المحترم. الأستاذ احمد. اسأل الله لك التوفيق ولبقية العاملين معك إحترامي

[@ahmedkamal-rq9zh]

حل المعادله بالنسبة لينا اننا نفوق و نتعلم نعيش باللي موجود و ان رجال الصناعة و الاعمال يحترموا نفسهم.

[@sheekaa698]

التعليق باللهجة المصريه .. جميييييييل ومناسب جداً .. فى هذه الاجواء .

[@Moustanyr]

القوة هي تفصل بين الدول،اما القانون الدولي فهو حبر على ورق.

[@gamy9680]

@@AHMED-ob1ew السد لسه ماخلصش

[@محمدرمضان-ي8خ3ي]

@@AHMED-ob1ew ده انت الى نايم فى مياه الخرى 🙄😏

[@محمدرمضان-ي8خ3ي]

القانون الدولي ده للدول الصغيرة والمتوسطة 😂

[@AHMED-ob1ew]

@@محمدرمضان-ي8خ3ي شكرا يا محترم

[@محمدرمضان-ي8خ3ي]

@@AHMED-ob1ew ماهو عشان انت مابتشوفش اصلا يا اعمى ايه رايك مش لاقي تشرب اكيد وفتحت الحنفية لم تلاقي مياه صح يا .....مصرى 🙄😏

[@راحتعليك-ط6ظ]

أفضل الأعمال الصلاة على محمد وآل محمد الطيبين الطاهرين وعجل الله فرجهم ياكريم 🌹🌹🌹 أول مشاهدة وتعليق

[@عبدالله-ب7ظ3ي]

تحياتي لك ياستاذ سعيد ❤️❤️ اخوك من السعودية 🇸🇦

[@flovarbashity4099]

👍👏🌹طريقة مبدعة وجديدة الى الامام

[@محمدرمضان-ي8خ3ي]

اعتقد ده ليه علاقه بوفاه السفير الصينى فى تل ابيب من فترة 😉

[@hassanali9610]

والله انتا أسطورة بجد و اسلوبك اكثر من رائع فى السرد و توصيل المعلومه بأبسط مما يمكن . تحياتى ليك يا محتررم و تحياتى مصر

[@tamerahmed2302]

سؤال معلش استاذ سعيد ليه حضرتك بتلزق صوره السيسي على كل فيديوهاتك رغم إن فيه كتير فيديوهات ملهاش علاقه تماماً بيه ورغم كده بتحط صورته بردو,؟

[@gamy9680]

سؤال كويس

[@mohammedibra6654]

مطبلاتي

[@Alshami2810]

اللهم اضرب الظالمين بالظالمين واخرجنا من بينهم سالمين

[@hapota1]

يا ريت تتكلم عن الاقتصاد المصري وهل احنا ماشيين في الطريق الصحيح في ظل حجم المشاريع الحالية وغلاء الاسعار

[@myomar4442]

ابشرك احنا رايحين فى داهيه

[@ESLAM_V.I.P]

و هي المشاريع ديه حاجه وحشه

[@hapota1]

@@ESLAM_V.I.P لا بالعكس انا شايفها حاجه كويسه ومتفائل بيها خير عكس بعض الناس المتشائمة واللي مش عاجبها اي حاجه

[@hapota1]

@@myomar4442 تسلم بس طريقي غير طريقك

[@ahmadhosny8219]

@@hapota1 مش بالكلام ... و مش من الصح التفائل زيادة ولا التشائم المطلق ... لكن حقيقية الوضع (بكل أمانة و صدق مع النفس ) بيتجه لإننا أيامنا القادمة هتبقى صعبة ... (حرب خلصت ..حرب بدأت ... أياً كان اللي هيحصل) .. يا أستاذي الفاضل الوضع الإقتصادي صعب جداً و الدولة بدأت تبيع أصولها و حصص في شركات كسبانه و كبيرة علشان سد الفجوة التمويلية في ميزان المدفوعات .. و يا رب صندوق النقد يوافق على القرض المطلوب ( لن يحدث قبل إجراء إصلاحات هيكلية قاسية جداً و تعويم للعملة و سياسات تقشفية من الحكومة و المواطنين.. نوع التمويل اللي مصر بتطلبه بيتم على 4 سنين .. و مدى الإلتزام بتنفيذ الإصلاحات المطلوبة هيكون المقياس للحصول على الدعم من الصندوق و بره الصندوق ... و بسبب سيطرة القوات المسلحة على قطاعات كبيرة من الإقتصاد ( دي الحقيقة.. بدون تجميل أو نفاق أو تلاعب بالمسميات... دي أمر معروف للكل بما فيهم صندوق النقد نفسه اللي قال كده صراحةً ) الخيارات قدام الحكومة (الرئيس تحديداً) هتكون محدودة جداً خوفاً من خسارة تأييد القوات المسلحة ... ..... علشان كل ده الأستاذ كان رده إننا رايحين في داهيه... بالنسبالي لأ مش هقول كده ... بس هقول يا رب الحكومة تكون قادرة على التخطيط و التنفيذ السليم لخطة الخروج من الأزمة الإقتصادية الحالية ... بس للأسف برضو ... التعديل الوزاري الأخير لا يبشر بالخير.... و ربنا يستر

[@naglaazekry6983]

حضرتك احسنت الشرح والقول والتحليل استاذ احمد شكرًا لحضرتك 🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬🇪🇬

[@beshoyadel8833]

مش ممكن لما الفتوات يضربوا في بعض دي تكون فرصة للاعتماد علي النفس. حتي لو مش هنعيش في نفس المستوي اللي بيوفروا أستيرادنا من الخارج

[@محمدرمضان-ي8خ3ي]

غلبان انت الحفلة هتبقي عليك انت 🙄😂

[@Zlk6393]

لا احد مغفل ومعرض للخيانة كالعرب والله المستعان

[@pumpkinduke9616]

سبب قول مصر بأنها تدعم الصين الموحدة هو الديون مع فرض أن السبب الذى أعطيته أيضاً صحيح ولكن أرى أزمة الديون أيضاً كان لها عامل قوى خصوصاً التوقيت التى صرحت فيه مصر هذا التصريح

[@gamy9680]

ديون من ناحيه الصين علي اساس حوار بيع الأصول لا احنا مشاكلنا الاستدانيه مع البنك الدولي

[@pumpkinduke9616]

@@gamy9680 ؟! هل فهمت شىء من كلامى؟

[@gamy9680]

@@pumpkinduke9616 بتقول ديون و هوا دعم الصين و في هبد حالي ببيع مطارات و محتاجات للصين عشان سد ديون و مشاكلنا الفعليه مع البنك الدولي مش الصين إذا ايه مانا ممكن اكون مش فاهم كلامك أو كلام هوا اللي مش واضح

[@pumpkinduke9616]

@@gamy9680 مصر مديونة للصين و الصين تأخذ دينها على هيئة اصول استراتيجية وهى موانئ وهذا أمر حقيقى لا خلاف عليه فالصين تحجز على الموانئ المصرية فعلاً مع الأسف

[@pumpkinduke9616]

@@gamy9680 وهذا مع حقيقة ديون مصر للبنك الدولى أيضا فأين الإشكال فى كلامى؟

[@Helenzaid]

محتوي القناه جميل جداا

[@oteibialmalki]

طبيعة اليهود الخيانة

[@الحمدللهسبحانالله-ض2ي]

هل صليت على النبي اليوم

[@kfcdumoustafa8994]

لو راجل اتكلم عن ديون مصر

[@mohammedibra6654]

ياصاحي💙

[@mahdinasab5775]

اللهم اضرب الظالمين بالظالمين