Рет қаралды 183,579
قالوا في الأمثال و الحكم من قديم الأزل.. لا تعطني سمكة.. و لكن علمني الصيد و النبي ياحمد.. ايه الحكمة الزفرة دي؟.. ماتاخد السمكة و تقول شكرا و تبوس ايدك وش و ضهر! طب.. و بعد ما السمكة تخلص.. هاتعمل ايه؟.. هاتفضل مذلول لأي حد يديك أي حاجة تاكلها طول عمرك؟.. ولا تتعلم ازاي تلقط رزقك بنفسك من غير ماتتذل لحد؟
الحكمة دي ببساطة بتلخصلك إجابة سؤال.. "انت ليه فقير؟".. و ده سؤال لازم نفهم اجابته كويس جدا قبل ما نبدأ نتكلم عن ازاي الشريعة قسمت الموارد و الخيرات اللي خلقها ربنا للبشر يرتزقوا منها.. و ازاي تغيير التقسيمة دي أدى للوضع اللي احنا عايشينه النهاردة.. .. ان الفقر بقى سجن بيتورث من جيل لجيل.. و بيفضل كل جيل يحلم انه يخرج منه في يوم.. .. .. كله بيفضل باصص لل١٪ من المجتمع اللي عايشين مرتاحين و غرقانين في الفلوس.. و بيتمنوا يكونوا منهم في يوم من الأيام..
أكيد الناس دول أغنيا عشان شقيوا و تعبوا كتير في حياتهم.. فوصلوا للنتيجة دي في الآخر.. يبقى أنا لازم اعمل كده.. من هنا و رايح مش هاضيع لحظة في يومي من غير شغل.. مش هاعمل حاجة في حياتي غير اني ابقى زي الثور اللي مربوط في ساقية.. اشتغل.. و انام .. و اصحى اشتغل.. و انام.. و هكذا.. لغاي ما احقق حلمي.. .. بنسمع الحدوتة دي كتير.. مش كد؟.. و بيغنوا بيها علينا في الإعلام من يوم ما وعينا على الدنيا.. فبتتبرمج.. على ان انت لو فقير.. فده ذنبك.. انت السبب في ده.. انت اللي عمبت في نفسك كده.. عشان كسلان و بكرش و مابتصحاش تشتغل من ٥ الفجر زي سيادة الريس اللي مابينامش الليل من كتر الشغل..
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com