Рет қаралды 164,809
عايزك تتخيل كده مصر بعد 100 سنة مثلا ، ده لو فلتت بمعجزة من السيسي . وفضلت لسه موجودة على الخريطة . وجه شاب مصري أسمر إبن حلال ، حب يقرا حاجة ، أو يعرف معلومات موثقة عن بلده . ويقرا تاريخ مصر في ال 100 سنة اللي فاتوا .. ويعمل بحث عن افضل ما أنجبت مصر ، من نخبة سياسية وثقافية. ويقوم واحد مرشح له الكتاب ده للمفكر والصحفي العظيم ، السيد محمد الباز ، الشهير بأبو البزابيز اللي هيجيب له الناهية ، في التوثيق الحيادي الموضوعي الوطني ، لسنة حكم محمد مرسي ، لحد ما انتصرت عليه ثورة شعب ميصر، اللي انحاز ليها جيش ميصر .. وييجي واحد تاني ، يقول له متتعبش نفسك ، انا اخترت لك الكنز الأدبي والوثائقي ده ..
للبروفيسور الخلوق نشأت الديهي ، الشهير بنشأت حنجرة، اقرا اللي فيه . ومتراجعش وراه عشان خلقه ضيق
وييجي واحد تالت ، يقول له بص بقى، خد مني حتة الألماظ دي ، لو عايز تعرف اكتر ، عن أفضل وأعظم بلحة ، قعدت على كرسي الحكم ..
خد اقرا الكتاب ده وادعيلي..ده للعلامة. وكبير مؤرخي الحقبة العرصية ، الاستاذ مصطفى بكري..
طبعا الكلام ده من كتر ما هو عبثي ، ممكن يخليك تضحك لمجرد تخيل الفكرة. وهتلاقي نفسك بتسأل ، بقى شوية النصابين دول وغيرهم . وشلة الطبالين اللي تدليسهم مفضوح. وانتماءهم ومصالحهم ، أغلب الشعب عارف، أنها مرتبطة بشكل كامل ، بمصلحة اي نظام مستبد ، معقولة ييجي يوم . والفئات دي تكون مرجعية تاريخية للأجيال اللي جاية ؟
وتلاقي نفسك بتسرح كده . وأنت بتقارن الناس دي ، بمؤرخ كبير ومعروف زي عبد الرحمن الجبرتي.. وهنا بقى خليني افاجئك بسؤال ، يبان أنه غريب شوية .. هو الجبرتي ، كواحد من أشهر وأعظم ممثلي نخبة مصر في زمنه.. هل فعلا الاختلاف بينه وبين النخبة الحالية كبير ؟ وهل التاريخ اللي سابه وراه ، كان حيادي وموضوعي؟و هل قلمه وهو بيكتب ، مكانش زي نخبة السيسي ، خالي من الأغراض. ومبيوجهش الناس لانحيازاته الشخصية والسياسية ؟
للدعم على Patreon :
/ ahmedbehiry
اشترك في القناة الرسمية على تليجرام:
t.me/ABehiry
الصفحة الرسمية لاحمد بحيري علي الفيسبوك
/ أحمد-بحيري-ahmed-behir...
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ
المصادر:
- أعلم أهل الأرض
www.قooقle.com