Рет қаралды 12,734
विधानसभा निवडणुकीचे वारे महाराष्ट्रातच काय, तर आपल्या नगर जिल्ह्यातही वाहू लागलेत. राज्यात महायुती विरुद्ध महाविकास आघाडी, असाच मुख्य सामना रंगणार आहे. तरीपण, तिसरी आघाडी किंवा थेट जरांगे पाटलांचे उमेदवार किंवा नाराज अपक्ष, अशी बहुरंगी लढत होण्याचीही शक्यता आहेच. सध्या महायुती आणि महाविकास आघाडीत जागा वाटपावरून घमासान सुरु आहे. महायुतीत 288 पैकी 168 जागांचे जागावाटप पूर्ण झाल्याचे खात्रीलायक वृत्त गुरुवारी अनेक मिडिया हाऊसने दिले. या 168 जागांवर कोणताही वाद नसल्याची माहिती स्वतः भाजपचे प्रदेशाध्यक्ष चंद्रशेखर बावनकुळे यांनी दिली. 168 मतदारसंघात महायुतीतील मित्र पक्षांपैकी फक्त एकाच पक्षाने दावा असल्याचे बावनकुळेंनी सांगितलं. यातील बहुतांश जागा 'सीटिंग-गेटिंग' फॉर्म्युल्यामुळे निकाली निघाल्या. आता हा 'सीटींग-गेटींग' फाँर्म्यूला म्हणजे काय..? तर, ज्या जागेवर ज्या पक्षाचा आमदार आहे त्या पक्षालाच ती जागा, किंवा 2019 ला ज्या जागेवर विरोधकांचा विजय झाला त्या जागेवरील महायुतीतील ज्या पक्षाचा उमेदवार गेल्यावेळी सेकंड रनरअप होता, त्यालाच ती जागा... आहे की नाही गंमत..? मग आता या फाँर्म्यूल्यामुळे राज्यातील 168 जागांचे, म्हणजेच एकूण जागांच्या दोन तृतीआंश जागांचे वाटप झाले म्हटल्यावर, नगर जिल्ह्यातील बहुतांश जागांचेही वाटप झाले, असे आपण समजू. मग हा फाँर्म्यूला पाहिल्यावर नगर जिल्ह्यात महायुतीकडून कुणाला संधी मिळाली..? दावा करणाऱ्या कुणाला नाकारलं..? कुणाची लाँटरी लागली..? या सर्व प्रश्नांची उत्तरे शोधण्याचा आमचा हा प्रयत्न...