Айбек Бекбосын «Шәкәрім шаңырағы»

Даралық. Дархандылық. Дарындылық.
Жаратқан жігер беріп арынды ғып.
Талайды тіл талантқа табындырып,
Жан берген қызуы мол жалынды ғып.
"Елім!" деген еңбектен зорықпадың,
Алаш деп сөйлеуге қорықпадың.
Қараңғыны көп үшін жарық қылдың,
Бақыт құсын сұраудан жалықпадың.
Оймен барлап көріп болжап, ел өмірін алыстан,
Тордағы құс болдыңғой сен өлеңдегі арыстан.
Ұлылықты ұлылар ұққан, ел өзіңмен танысқан,
Сен данасың, даналықты ғасырға орай салысқан.
Жауап іздеп сұрақтарға, жан жүректі жанышқан,
Надандықтың, ой-түнектің, мұңымен жалғыз алысқан.
Даналығың мәңгілікке, уақытпенен жарысқан,
Ұлы Шәкәрім кешегі заманнан озған данышпан.