"Айбын" жиынында "Айбын жұлдызы" шығармашылық байқауы өтті

📹 "Айбын" жиынында республикалық "Жас ұлан" мектептері мен мамандандырылған мектеп-лицей-интернат тәрбиеленушілері арасында шығармашылыққа толы, командалардың бірлігін көрсететін, талантты жастар тартысқа түсетін "Айбын жұлдызы" шығармашылық байқауы өтті.
Байқау қорытындысы бойынша бірінші орынды Семей қаласынан келген дарынды балаларға арналған Ш. Уәлиханов атындағы "Жас ұлан" арнайы ерлер мектеп-лицей-интернатының өнерпаздары жеңіп алды. Жүлделі екінші орынға қарағандылық екі мәрте Кеңес Одағының Батыры Т.Ж. Бигелдинов атындағы "Жас ұлан" республикалық мектебі жайғасса, үздік үштікті Алматы қаласындағы Бауыржан Момышұлы атындағы "Жас ұлан" республикалық мектебі тұйықтады.