«Айбын» әскери-патриоттық жиыны басталды

Бүгін аймақта «Айбын-2024» әскери-патриоттық жиыны басталды. Жастарды отаншылдыққа баулитын шара осымен 10-шы рет жалауын желбіретіп отыр.
Бұл жиын жастар арасында әскери-патриоттық тәрбие жұмыстарын жетілдіруге, Қарулы күштердің мәртебесін биіктетуге бағытталған. Жарысқа әр ауданнан іріктелген 8 команда қатысып жатыр. Олар спорттың 9 түрі бойынша сынға түсуде. Ең үздік шыққандары облыстық құрама сапына алынады. Айта кетейік, сырбойылық өрендер былтыр «Айбын» республикалық әскери-патриоттық жастар жиынына қатысып, бірінші орын иеленген болатын.
АЛМАСБЕК ЕСМАХАНОВ - ОБЛЫСТЫҚ ҚОҒАМДЫҚ ДАМУ БАСҚАРМАСЫНЫҢ БАСШЫСЫ //Мен ойлаймын Алматы қаласында өткізілетін «Айбын» әскери-патриоттық жиынында сыр өңірінің жас сарбаздары өздерінің біліктілігін, шыңдалған тәжірибесін көрсетіп, алғашқы орын алады деген үміт бар. Мұнан бөлек, 11 мыңға жуық мүшесі бар «жас сарбаз» ұйымы жастар ресурстық орталығында жұмыс жасап жатыр. Негізгі мақсат жастарымыздың елге жерге деген сүйіспеншілігін арттыру.
АЯЖАН СҮГІРБАЕВА - ЖАРЫСҚА ҚАТЫСУШЫ //Бұл сайыс ең алдымен оқушыларға топ болып жұмыс істеуді берді. Және де патриоттық сезімді ұлғайтады деп ойлаймын.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv