Рет қаралды 8,479
Шымкентте бірнеше ай өмір сүріп, Ақмешіт үңгіріне бармай кетсем, өзімді кешірмес едім)
Кітаптан оқып, экраннан тамашалаған бір бөлек, арнайы барып, әр деталін көзбен көріп, ауасымен тыныс алып қайту бір басқа ғой. Міндетті (must visit) деген Қазақстанның мәдени, тарихи маңызы бар орындарынының бірінде болу бүгін бұйырыпты.
Тарихшылардың айтуынша, Ақмешіт үңгірін қоршаған тастар энеолит дәуіріне жатады екен. Бұл жердің шығу тарихына қатысты бірнеше аңыз да бар.
Бірінде бірнеше ғасыр бұрын осы жерде алып айдаһар болғаны айтылса, енді бірінде қалмаққа қарсы жорыққа шыққан он мыңнан астам сарбаз жаңбыр астында қалып, пана іздегенде, осы үңгірге түсіп, таңғы намазға жығылған екен. Содан бері Ақмешіт аталған деседі.
Үңгірде өткізген 15 минутта қан қысымыңыз қалыпқа келіп, өзіңізді басқаша сезінесіз. Бұл менің алған әсерімнен емес, арнайы зерттеулерде расталған ақпарат)
Мен сияқты бұл жерге қызығушылық танытып келушілердің саны жыл сайынғы статистика бойынша жүз мыңға жуық екен. Бұл көрсеткіш туризмнің дамуына оң әсерін тигізбей қоймасы анық.
Келушілерін баурап алатын жұмбақ үңгір көлемі жағынан Орта Азияда бірінші орында. Ұзындығы 160, биіктігі 38, ені 65 метрді құрайды екен.
Бір қызығы, үңгірдің жоғарғы жағында бірнеше шақырымға дейін бірде-бір ағаш болмауы да ерекше құбылыс.
Білмейтіндер үшін жаза кетейін: Ақмешіт үңгірі - Түркістан облысының ғана емес, еліміздің ең көрікті жерлерінің бірі. Барар жолда Домалақ ана, Бәйдібек ата және Қос ана кесенелеріне де соғып кетуге болады екен. (с) Риза Шайқақ
#ақмешіт #дракон #үңгір