Рет қаралды 15,213
Құрылысы төрт жылға созылған Ақтөбе мен Атырау арасындағы тас жол биыл да бітпейтін сияқты. Бүгін осы жол салуда шет елдік компанияға жалданып жұмыс істеген қырыққа жуық кәсіпкер жанайқайын жеткізуге облыстық әкімдіктің алдына келді. Сөздерінше мердігер компания кәсіпкерлер алдындағы қарызын екі жылдан бері өтемей жүр. Жиналғандар бір миллиардтан астам қарызы бар компанияның қазір не өзін, не басшысын таппай қалдық дейді.
Таң атысымен облыстық әкімдіктің алдына жиналғандар Байғанин ауданынан әдейілеп келіпті. Ақтөбеден Атырауға жол салу үшін арнайы техникаларымен жалданып жұмыс істегендер 2019 жылдан бергі ала алмай жүрген ақшаларын даулап жүр.
ЕРКІН ЕСҚАЗИЕВ, жұмысшы:
- 2019 дың қыркүйегінен бері ақшамызды ала алмай жүрміз. 40 миллионның үстінде алажағым бар. 28 ақпанда алажақтарыңыздың жартысын төлеп береміз. Содан кейін келесі айда толық бережақтан құтыламыз деген келісім шарт болды. Соны бүгінгі күнге дейін күттік.
Жауаптылар шет елдік компанияның жол салу кезінде жалға алған арнайы техникалары мен инерттік материалдарға дейін төлемеген қарызын санап, оны бір миллиард екі жүз миллион теңге деп есептеп қойыпты. Алайда оны шет елдік компанияның қашан, қалай өтейтінін нақты айта алмайды.
МАРАТ МАХАМБЕТОВ, «ҚазАвтоЖол» АҚ Ақтөбе облыстық филиалының директоры:
- Қарыз жөнінде республика біледі, комитет біледі, Қазавтожол біледі. Февраль айында барлық қарыздың елу пайызын жабамыз деген олардың қол қойылған құжаттамалары бар. Енді ол орындалмай отыр. Егер «Спик-Аккорд» осы жұмысты өзі бітіретін болса онда қарыздары төленеді деп саналады. Ал егер олар қазір жұмысты бітіре алмай кетіп қалатын болса, онда басқа мекеме келеді жұмыс істеуге, но басқа мекеменің бұл кісілерге қарызы болмайды.
Ал облыс әкімдігі шет елдік мердігер компнаиядан қарызды өтеттіріп беру қолымыздан келмейді, оның үстіне кәсіпкерлердің арасында жасалған келісім шарттқа араласа алмаймыз деп отыр.
НҰРЖАУҒАН ҚАЛАУОВ, Ақтөбе облысы әкімінің орынбасары:
- Облыстың бір компаниясының бережағы болса біз осы жерге алып келіп төлеттіретін едік. Бұл жерде тапсырыс беруші де орталықтан болғаннан кейін, мердігер компания да өзге жерден болғандықтан біз ортасына араласа алмаймыз. Біздің міндетіміз тек қана жергілікті жердегі еңбек инспекциясы мен жол мекемесін араластырып, осы кісілердің қарызын қалайда шешіп беруіміз керек.
Жолға жауапты ҚазАвтоЖол мекемесі әзірбайжандық компанияға Қарауылкелді елді мекенінен Ноғайтыға дейінгі аралық 2017 жылы тапсырылғанын айтады. Қырық шақырымдық техникалық санаттағы жолды салу үшін республикалық бюджеттен сегіз миллиард 970 млн теңге бөлінген. Қазір жұмыстың сексен пайызын бітірген компания бөлінген қаражаттың жеті миллиардын да алып, жұмсап үлгеріпті.
Жанар Қожанова, Бағдат Баймурзин
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Ақтөбе-Атырау #жалақы_жыры #берешек