Рет қаралды 44,309
Өзен-көл тасымай-ақ Ақтөбе қаласы суға кетіп жатыр. Кешеден бері қаланың бірнеше ауданы еріген қар суының астында қалды. Тіпті көшедегі арықтардың лық толғаны сонша 15 жастағы қыз бала ағынды суға құлап, тұншығып қала жаздаған. Қайта жақын маңдағы адамдар құтқарып үлгерді. Ал осыған дейін көктемгі тасқынға 120 миллион теңге бөліп, сақадай-сай отырмыз деген әкімдік енді "құдайдан күшті емеспіз" деп отыр. Сөздерінше, даладағы еріген қар суының екпіні қатты болғаны сонша, бір сағаттын ішінде қала көлге айналған. Сондай-ақ, су тасқынына байланысты бүгін қаладағы он мектеп сабақты онлайн өткізді.
Қар суына лық толған мына арыққа қыз баланың құлап, шыға алмай қалған сәті көшедегі бейнебақылау камерасына түсіп қалған. Судың ағысы қатты болғаны соншалық, оны еңгезердей төрт жігіт әзер дегенде құтқарып қалады. Куәгерлердің айтуынша, оқушы қыз арматураға ілініп қалған. Әйтпесе ағызып кетер еді дейді. Дер кезінде көмекке келген жақын маңдағы фитнес орталықтың жаттықтырушыларының арқасында аман қалған жасөспірім қазір үйінде.
ЕВГЕНИЙ ЗЕЛЕВСКИЙ, куәгер:
- Біз жүгіріп келген кезде қыздың аяғы арықтағы құбырға кіріп кеткен екен. Ал үстіндегі киімдері арматураға ілініп қалыпты. Сондықтан оны бірден шығара алмадық, басқа жігіттерді де көмекке шақырдық. Қыз бала суық суға тоңып, әрі қатты қорқып қалған. Біз жедел жәрдем жеткенше ішке әкеліп, барлық сыртқы киімдерін шештік. Артынша ыстық суға жуынды.
ЖАНАР ҚОЖАНОВА, тілші:
- Бүгін 1-сәуір. Бірақ ақтөбеліктердің бір-бірімен қалжыңдасуға шамалары жоқ. Кешелі бері үйлеріне кірген тасқын сумен алысып әлек. Еріген қар суы бір күннің ішінде мына жердегі отыз шақты үйді бірден шайып кеткен.
АМАНБАЙ ҚАЛИЕВ, тұрғын:
- Кімнен көрерімізді де білмейміз. Он жыл салған үй еңбектеніп. Суда тұрмыз. Ертең су сіңгеннен кейін фундамент жарылады. Үй қирайды. Кім жауап береді? Кешеден бастап звондап жатырмыз барлық жерге. Ешқандай жауапкершілік жоқ. Акимат деген жоқ. Жаңа ертеңгісін келді. Жыларман болып жолды жапқаннан кейін барып милициялар қаптады еңкеулі. Жеті машина полиция келді. Шошып кеттім. Маған топырақ пен трактор керек, милиция керек емес дедім.
Ал осы күнге дейін көктемгі су тасқынына барлық жағынан дайынбыз деп келген жергілікті әкімдік өкілдері қаланың бұлай суға кететінін білмей қалыпты. Сөздерінше, ауа райының күрт жылынуынан даладағы қар еріп, оның суы екпінмен қалаға кірген. Аққан су бар-жоғы бір сағат ішінде қаланың барлық көшесін шайып әкеткен. Енді шенеуніктер тілсіз жауды тоқтататындай "құдайдан күшті емеспіз" деп отыр.
АСХАТ ШАХАРОВ, Ақтөбе қаласының әкімі:
- Дайындық болды. Бірақ өздеріңіз көргендей, құдайдан күшті емеспіз. Төтенше жағдайдың мәліметі бойынша "қауіп болады" деп айтпады емес, айтты. Бірақ бір сағаттың ішінде қандай су көлемі келгенін білесіздер. Дер кезінде жапқаннан кейін су 20-30 пайызға төмендей бастады.
Жауаптылар кешеден бері қала көшелерінен жүз мың куб текше метр су сорылды деп отыр. Су тасқынына байланысты бүгін қаладағы он мектеп сабақты онлайн форматқа ауыстырды.
Қазір Ақтөбе облысында жолдарын су шайып кеткен алты ауылмен қатынас үзілді.
Жанар Қожанова, Жомарт Құдайбергенов
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Ақтөбе #Су_тасқыны #төтенше_жағдай