Рет қаралды 258
Ақ Жайықтың ақ шағаласы - Ақұштап Бақтыгереева
«Сіңіліме сыр»
Аяулы сіңілім, осал да болма, ойынан оңай адасқан,
Өжетте болма, орынсыз сөзге таласқан!
Алдымен, қызға керегі - пәктік, адалдық,
Сонан соң, жаным, жаз мінез керек жарасқан!
Айтарым тағы, берік бол сертке, бір сөйле,
Сабырлы таудың мінезі керек күлсең де!
Қыз мінез деген - сұлулық сыры өмірдің,
Жұмбақтай қиын жатқандай болсын бір сенде!
Десек те біздер жастықтың сырын аз ұқтық,
Өмірдің жолы болмайды тегіс жазықтық.
Ісіңнен кейін, есіңе сақта, жарқыным,
Жеңілмес мықты қаруың сенің - нәзіктік!
Қайғының жүгі жаныштап сені жатса да,
Досыңды тағдыр тәлкегі - сол деп тастама.
Дұшпаның сенің ойласа алуан қастандық,
Қалайда өзің жақсылық ойла басқаға!
Қадірлер сонда қалтқысыз танып асыл ер,
Өзгелер сені адамның бірі - осы дер!
Арыңа тиіп, жолыңды кескен тентектер,
Алдыңа келіп, кейін өздері бас иер!
#АқұштапБақтыгереева
#АкуштапБактыгереева
#сіңілімесыр
/ @adebi_portal