Ақтауға Қазан қаласынан алғашқы чартерлік рейспен 100-ге тарта турист келді

Бүгін Маңғыстау облысына Татарстан Республикасынан жаңа чартерлік рейс ашылып, 100-ге жуық турист келді, - деп хабарлайды mangystaumedia.kz.
Ел Президентінің Қасым-Жомарт Тоқаев Маңғыстау өңірінің жақында тағайындалған әкімін қабылдау кезінде өлкеміздегі туризм саласын дамыту жайлы тапсырма берген еді.
Жаз айларында Маңғыстау өңіріне қыдырып келушілердің саны артады. Бұл чартерлік рейс - жаз айларына жоспарланған алты рейстің алғашқысы. Көрші елден келген қонақтарды әкімдік өкілдері, туризм басқармасының басшысы, сондай-ақ осы турды ұйымдастырған БАҚ және Anex туроператорының өкілдері қарсы алады.
- Маңғыстауда туризм, көлік және логистика салаларын дамыту бағытында бірқатар жұмыс атқарылып жатыр. Бүгіннен бастап Ресей, Татарстан Республикасынан Қазан-Ақтау бағыты бойынша жаңа чартерлік рейсі ашылды. Біз туристерді аптасына бір мәрте қарсы алатын боламыз. Әр рейс аясында шамамен 100 жолаушы келеді деп күтіліп отыр. Жаңа рейстің ашылуы туристердің Маңғыстау өңіріне көп келуіне септігін тигізеді, сондай-ақ Маңғыстау мен Татарстан арасындағы мәдени, экономикалық байланыстарды орнатуға үлкен мүмкіндік береді,- деді Маңғыстау облыстық туризм басқармасының басшысы Нұрәділ Иманғалиев.
Туристерді арнайы ән-шашумен, керемет көңіл күймен қарсы алды. Осы тұрғыда, Қазан қаласының тұрғыны, өзіндік әсерімен бөлісе кетті.
- Бүгін біз Қазан қаласынан арнайы Маңғыстау өңіріне келдік. Өлкеге саяхаттау барысында керемет әсерге бөленемін деп ойлаймын. Маңғыстау туристік аймақтың бірі болғандықтан, біз отбасымыз келдік. Қазан қаласынан шамамен 2 сағатқа жуық уақытта ұшып келдік. Сондай-ақ, әуежайға қонған бойда жылы қарсы алған жергілікті халықтың қонақжайлығына дән риза болдық,- деді Анастасия Кунгурова.
Айта кетейік, аталмыш турды «Anex» туристік компаниясы ұйымдастырды. Мекеме өлкемізге келуші қонақтарды «Rixos Water World» қонақ үйіне жайғастырды. Және өлкеміздің әсем жерлеріне экскурсия ұйымдастыруды жоспарлап отыр.
- Биыл Қазан қаласынан екі, Екатиринбург қаласынан екі, аптасына 4 рет чартерлік рейс бағыты жоспарланған. Алғашқы рейстің бортында 100-ге жуық жолаушы болды. Туристер алдымен Rixos қонақ үйіне орналастырамыз. Кейін өлкеміздің әсем де көрікті жерлерімен таныстырамыз - деді Anex туркомпаниясының өкілі Казиев Рафдан.

[@user-gw2xd2sd3x]

Туристік дами берсін🙌🏻

[@user-eu1vd4vf7o]

Куштыы🎉🎉🎉

[@Toralieva_98]

Жарайсыздар, туристык дами берсін))

[@user-eu1vd4vf7o]

Қандай күшті, Актауда туристтер кобейе берсын