Рет қаралды 3,904
Ақтауда әскери борышын өтеп жүрген сарбаз із-түссіз жоғалып кетті. Ақтауда патрульдік күзет қызметі аяқталғаннан кейін мерзімді әскери борышын өтеп жүрген сарбаз әскерилер жиналатын орынға қайтып келмей қалған. «Батыс» өңірлік қолбасшылығы баспасөз қызметінің хабарлауынша, 14 мамыр күні Ақтау қаласындағы 6656 әскери бөлімінің мерзімді әскери қызметшісі патрульдік-күзет аяқталғаннан кейін әскери бөлімшеге қайтып оралмаған. Қазіргі уақытта іздеу жұмыстары жүргізілуде. Оқиғаның мән-жайы анықталуда. Қатардағы жауынгер Бағлан Әділбеков 2003 жылы туған. Қорғаныс істері жөніндегі департамент оны 2021 жылдың маусым айында әскерге шақыртқан екен.