Рет қаралды 1,689
Құрбан айттағы қуаныш! Жамбыл ауданы берекелі Ақтерек ауылы тұрғындары дінни мерекені ерекше қарсы алды. Әуелі ақсақалдар аталы сөз «бата» сайысынан өзара сынға түссе, жастар жағы әр түрлі спорттық ойындардың көрігін қыздырды. Сөйтіп жаман әдеттен аулақтап, жанды да тәнді де таза ұстауды нәсихаттайтын игі шара өтті. Еңбектеген баладан, еңкейген кәріге дейін айт намазына жиналып ақтілеу тілеген ақтеректік ағайын орталық мешітте күні бойы болды. Әуелі құрбан шалынып құран оқылды. Ел жұрт айттықтың дастарханынан дәм татысты. Ал балаларға тегін балмұздақтар үлестірілді. Әрі қарай әр түрлі спорттық шаралар ұйымдастырылып, жеңімпаздар тегіс қомақты жүлдемен марапатталды.