Do‘stimning xotirasiga bag'ishlanadi... Osmonlardan kuzataman Sog‘indingmi ayt gulim Tushlaringda ko‘rganingni Onamga ham ayt gulim... Oilamdan ketdim olis Onamni ham qo‘ydim yolg‘iz Gaplarimdan bir og‘iz Onamga ham ayt gulim... Choyxonaga chiqmas otam Endi unga har kun motam Tunlar yolg‘iz yig‘lasa ham Kunlar kulsin ayt gulim... Ukam kimni aka deydi Yolg‘iz qolsa ichin yeydi Sog‘inganim u bilsaydi Sog‘inganim ayt gulim... Singlim mendan kuyinadi Endi kimga suyanadi Hammadan ko‘p sog‘inadi Yig‘lamasin ayt gulim... Sog‘inibti do‘stlarim ham Esga olib ko‘zlari nam Yo‘qlab tursin onamni ham Do‘stlarimga ayt gulim Mahshar kuni ko‘rishamiz Qiyomatda to‘lishamiz Jannatlarni bo‘lishamiz Yaxshilarga ayt gulim...