ახალი მეგაპროექტი - სტადიონი თბილისში

საქართველოს მთავრობამ 2028 წლისთვის ერთ-ერთი უპრესტიჟულესი მატჩის, ჩემპიონთა ლიგის ფინალის მასპინძლობაზე განაცხადის შეტანა დააანონსა. აღსანიშნავია, რომ სწორედ ამ მატჩისთვის ახალი სტადიონის მშენებლობაზე მიმდინარეობს დისკუსია. მოედანი 70 ათას ქომაგზე იქნება გათვლილი და ის ბრიტანული სტილის უნდა იყოს. ცხადია საზოგადოებას მშენებლობასთან დაკავშირებით გარკვეული კითხვები გაუჩნდა. კერძოდ არის თუ არა საერთოდ ამ სტადიონის აშენების საჭიროება.

[@mikheildzagnidze9863]

რატომ ვაზიანში და არა დინამოს ადგილას? ეკონომიკური გათვლა სადაა? რა დატვირთულობა ექნება? ეროვნულ ჩემპიონატზე თბილისში ხალხი არ დადის და ვაზიანში მითუმეტეს არ ივლის, ევროტურნირებზე კლუბები ვერ გადიან, ნაკრები წელიწადში 3-4 თამაშს მასპინძლობს და ეჭვი მეპარება მაგ. კვიპროსთან თამაშზე ვაზიანში გაივსოს.. ეკონომიკურად ვაზიანში სტადიონი საეჭვოა გამართლებული იყოს.. სოციალურად მითუმეტეს, ვაზიანში სტადიონს, მაგალითად ქუთაისში ახალი სტადიონი აჯობებს. სპორტული კუთხით სხვა რამდენიმე პატარა-საშუალო სტადიონი, ბაზები, და აკადემიები - გურია, სამეგრელო, იმერეთი და თბილისიც (მაგ. საბურთალოს ბაზა არა აქვს). პოლიტიკური ქულების დაწერის მეტი სხვა გათვლა აქ ჩანს..