Şakir Selim "Bizim qorantamız" - Dilâra Abibullanıñ sesinen

Şakir Selim "Bizim qorantamız" - Dilâra Abibullanıñ sesinen
Qorantamız büyük degil,
Hepsi olıp on bir can:
Babam, anam, ağam, aptem,
Ayşe-Fatma ve Gülcan.
Ağam-Asan, aptem-Gülnaz,
Ayşe-Fatma- egizler.
Qorantada hepsi olıp
Altı balamız bizler.
Qartbabamnen bitam da
Bizim evde yaşaylar.
Bizler dayin her kün saba
Sütlü botqa aşaylar.
Qana bir daha sayayım:
Onmı ya da on bir can?
Babam, anam, ağam, aptem,
Ayşe, Fatma, men, Gülcan.
Qartbaba ve bitamnen- on...
Vay, yañıldımmı sayğanda?
A...a.. ayınmayıp yuqlağan
Pardoşımız qalğan da!