Рет қаралды 326,404
Бәріңізге ассалаумағаликум. Халықты масыл деген қай министр? Қит етсе жұртты жалқау деп жақтырмайтын, басынан сөз асырмайтын шенділер базардағы бағаны көздерімен көрді ме? Қымбатшылық өңештен алып тұрған шақта «Аманат» партиясы «Бабалар аманаты» атты айтыс өткізуді ұсынды. Оларға соғыс, санкция, инфляция дегендер көк тиын болғаны ма? Ал халық пен билік айтысса кім жеңеді? Қазақстан халқына айтыс емес ақша, жұмыс керек екенін қашан түсінеді? Актер Алмат Сақатов қолынан боқта келмейтін министрлерді орындарынан қуу керек деді. Бұған не айтасыз? Мұны сізге білген дұрыс.
"Қымбатшылық қысқан заманда халық не істеуі керек?. Осы сұрақ қаржы министрі Ерұлан Жамаубаевқа қойылды. Сондағы министрдің айтқан сөзі.
СНХ: 300 мың теңгеге жұмысшылар келмейді. 300 мың теңгеге жұмыс істегісі келмейді. Еркін тұрып еркін жүргісі келеді. Қоғамдық жұмысқа араласқысы келмейді. Жұмыс табылады. Жұмыс жоқ деп үйде жата береді.
Әйтеу айналып келгенде бәріне халықтың өзі кінәлі. Өздері сүттен ақ, судан таза. Солай болған, бола беретін сияқты ғой. Дегенімен кей депутаттар министр тым қатты кетті, тіпті масыл деп масқаралағаны үшін халықтан кешірім сұрасын деді.
Енді мынаны қараңыз. Әлемдегі соғыс болса анау, санкцияның салқыны тигені мынау, доллар шарықтап, теңгеміз теңселіп баға дегеніңіз басты айналдырған шақта «Аманат» партиясы «Бабалар аманаты" айтысын өткізейік деп қопаңдап отыр. Аш адам айтыс тыңдаушы ма еді. "Amanat" партия емес, Жүрсін Ерманның филиалы. Ослай деп журналист Ербол Мәндібек сөзбен сойып салды. Ары қарай былай деді. Пацандар партиясын басқаратын Асхат брәтішкә не істерін білмей жүр-ау. Келе сала айтыс өткізем дегені қызық болған екен. Сендер осы Жүрсін Ерманның филиалы бола салсаңдарш. Айналайын-ау, халық дүкен жағалап қарызға тамақ сұрап жүр. Сендер сұйық сөзбен семіртуді тағы таңдапсыңдар. Ал енді айтыс өткізгіш болсаңдар мына тақырып нетіңдерш.
Өңешінен өгіз өтіп кететін өз қатарларыңдағы жемқорларды қадағалаңдар. Домбыра сабалаған ақындарды айналшықтай бермей.
Үй үшін адамдар өзін-өзі өртеп жатыр. Соны неге нетпейсіңдер?
Миғұла министрлер тамақтың бағасын бетімен жіберді. Соларды неге айтыстырмайсыңдар?
Депутат дегеннің айтыскерден айырмашылығы қалған жоқ. Солармен неге мишықтанбайсыңдар?
Алматы мен Астанадағы зәулім коттедждердің қожайыны "Аманаттың" ішінде жүр.
Бір кәстөмі бір миллион, қолындағы сағаты 2 миллион тұратын шенеуніктер сендердің маңайыңда жүр. Олар қалай байыпты? Соны неге сұрастырмайсыңдар?
Ұлдары Ұлыбританияда, қыздары Қытайда, шешелері Швейцарияда, жиендері Женевада, нағашылары немістің елінде ерігіп жүрген әкімдер мен министрлердің тұқымын неге түгендемейсіңдер? Міне, айтыс өткізсеңдер осыны тақырып қылыңдар. Айхоу Аманат, әридаш Аманат деп мен де қыртып бере аламын.
Иә, «Аманат» бірдеңені бстады ма, соңына шейін жеткізбей қоймайды. Демек әлгі айтысты өткізер. Жүлдесіне млндап ақша тігер. Айтыскерлер ащы шындықты аңыратып тұрып айтса, қанеки. Мүмкін біз сол баяғыдай теледидардан қатты қатты айтылған жерлері кесіліп тасталған нұсқасын көретін шығармыз. Кім білсін?! Айтысты қойшы, мына қымбатшылық шынымен адамды таңқалдырды. Кезінде 50 келі ұнды 11-12 мың теңгеден аламыз деп ойлаппа едік?! Ол ақшаны бір бай жай ғана түскі шәй-пәйіне жұмсар. Бірақ қаншама отбасы сол ақшаның өзін таппай зар боп отыр. Әзілқой блогер Мөлдір Анарбаева бәріміздің басымызда бар жағдайды былайша суреттеді.
СНХ:
Алда ұлы қымбатшылық келе жатқанын үкімет технично болса да ұқтырып жатыр. Енді журналист Диас Нұрақынның жазғанына құлақ түріңіз Сәуірдің соңында 4% жеңілдетілген автонесие бағдарламасы басталатын болды. Бұған дейін көліктің бағасы 10 млн теңгеден аспауы керек деген еді министр. Сондағысы сіз бен біз салоннан көлік таппай сандалсын дегені болар. Өйткені салондарда баға ай емес апта сайын қымбаттап барады. Тура он күн бұрын су жаңа "Киа Рио" 9 590 000 тұрған. Айналасы 2-3 күнде тағы 500 мың теңге қосылып, қазір 10 090 000 теңге болды. Бұл әлі де өседі. Он миллионға көлік табылмайтынын Индустрия және инфрақұрылымдық даму министрлігі бізден жақсы біліп отыр. Бірақ халықтың айлығы, пенсия мен пособия 50 пайызға өскен жоқ. Демек жаяу Мұсалар кредитке баспен кіріп, банктердің басыбайлы құлына айналады деген сөз.
Қымбатшылыққа жол беріп, бағаны түсіруге бастары да, шамалары да жетпей отырған шенділерді актер Алмат Сақатовта қатты сынға алды. Министрлерді орындарынан қуу керек деп айтып салды. Қалай, былай?
СНХ:
Көтре алмайтын шоқпарды беліңе байлама дейді атам қазақ. Шынында кедей жұртын көріп күймесе, халқына көмегі тимесе ондай министрден не пайда? Базар аларлап баға көрмесе, көптің арасында жүрмесе ондай министрден не пайда? Шақырғанда келмесе, айтқаныңа сенбесе ондай министрден не пайда? Сіз үшін білген дұрыс!