Alalá nº 106 "Pandeireteiras de Seixedos" - TVG

Alalá nº 106 "Pandeireteiras de Seixedos" - TVG
DATA DE EMISIÓN NA TVG: 07/04/2009
Lugar: Seixedos (Covelo)
Un século de música coas pandeireteiras de Seixedos
A música, para poder sobrevivir na maioría das aldeas de Galicia, transmitíase de forma oral e pasaba dos avós ós netos. As nenas aprendían das maiores, no monte, no serán, nas labradas e ó cantala aña. Aprendían tamén a afrontar unha vida chea de carencias.
Hoxe imos ata Seixedos, un lugar do concello pontevedrés de Covelo para presentarvos a algunha daquelas nenas: Dúas Otilias (madriña e afillada) e Hermosinda e como lle cambiou a vida. Deixaron de tingui-la lá a ter ducias de xerseis e pasaron de ter a corte a un fermoso salón comedor.
Pero o que non deixaron nunca foi de cantar e de tocar a pandeireta. A vida cambioulles moitísimo, unha delas vivíu en plena Guerra Civil e a outra naceu pouco antes dela e das miserias daquela, pasaron a ter unha vida acomodada.
Falaremos da vida das mulleres e o papel que desempeñaban cando tiñan que facer de pai e de nai, por distintas circunstancias, sobre todo pola emigración dos homes ou pola ausencia deles.
No Alalá desta noite veremos como foron capaces de conservar aquelas cantigas que teñen mais de cen anos, a ilusión e o encanto que teñen ó interpretalas. Estaremos con estas mulleres traballadoras, emprendedoras, inconformistas e encantadoras.

[@zadoquedeoliveira3383]

Muito parecido com as canções nordestinas no Brasil. Impressionante.

[@aliciarey7878]

Me encanta la alegría de estas personas hermosas

[@guillermeignacio8396]

Vaia programón. Unha delicia.

[@mardialau]

¡ Me encanta ! Ojalá podamos recuperar todas nuestras tradiciones y folclore.