Alalá nº 128 "O Freixo" - TVG

Alalá nº 128 "O Freixo"
Emisión en Televisión de Galicia: 15/12/2009
O mestre dos mestres: O Freixo, toda unha vida nos dedos. Oitenta anos tocando a gaita.
En Alalá vivimos moitas veces historias sorprendentes, emocionantes, tenras e duras. A de hoxe é unha mistura de todos estes ingredientes. O protagonista desta noite é O Freixo, natural desta parroquia do concello das Pontes.
Un home forte, un supervivente que soubo facer fronte a tódalas traxedias da vida. O mestre gaiteiro ten 91 anos e tivo que superar a morte do seu pai -ardido na casa-; que o seu fillo Abel se matara dun disparo; loitou na Guerra Civil; traballou na mina e hai cinco anos enviudou. El apandou con estes reveses e vive a vida con ilusión e unha alegría envexable.
Cando era un neno empezou a facer as súas propias frautas de bieteiro e empezou a tocar a gaita; daquela cada un aprendía como podía e O Freixo, metíase debaixo do palco da música para que lle quedara a melodía na cabeza. ¡Imaxinen cantos milleiros de melodías ten tocado! xa que a música non a abandonou nunca!
Hoxe vémolo rodeado de xente nova que o admira e lle quere. Con eles vai tocar alá onde o reclamen e deixa pasmado a calquera porque calquera venres de foliada pode chegar á casa ás tres ou catro da mañán.
Eso de que ninguén é profeta na súa terra ten os seus matices. Freixo é profeta na súa terra: nas Pontes. Hai dous anos fixeronlle unha homenaxe na que se reflexaba o agarimo co que os Ponteses miran ó seu mestre.
Os seus 91 anos confesa que é un pouco pillabán e porque non ¡segue a mirar para as mulleres porque son bonitas!
Por si todo isto fose pouco, a súa familia está orgullosísima de telo, de vela ilusión que lle pon a todo, de seguir rindo co seu grande sentido do humor, con esa retranca fina.
O Freixo é un gaiteiro elegante con todas as da lei, soubo enternecernos, facernos rir, emocionarnos e o que non conseguimos foi que nos dera o segredo para estar así á súa idade.

[@armandofernandezrobledo6120]

Muy bueno

[@bonifaciogarridorio9782]

Estas personas nunca tenían que morir, ya que son aquellas personas que alegran a toda persona que están a su lado, después de ser buenos gaiteros , son buenas personas, que te animan a estar a su lado. Yo algo pagaría por estar a su lado, por aprender parte de que el sabe.

[@AlalaTVG]

Totalmente de acordo, Bonifacio

[@_pedrolm]

Assisti hoje a este Alalá e logo depois vi que morreu há duas semanas apenas. Uma pena. Não tive como sentir o passamento de um senhor tão simpático, um mestre com com o dom de tocar tão virtuosamente a gaita galega.

[@AlalaTVG]

Obrigados. Uma pena. Queda na nosa memoria.

[@josemartin-ye3se]

una gran persona de los pies a la cabeza, debio ser un fenomeno A su lado debio haber pocas penas.E visto todos lo videos que e podido de el.Me encanta su manera de hablar de su humor y alegria contajiosa.Pero sobre todo su musica y la forma de vivirla Pena que ya no este entre nosotros .Soy salmantino pero los viejos gaiteros gallegos me gustan