قصيدة نادرة للشاعر مشعل محماس الحارثي (كاملة) 🇸🇦|🇸🇦 .. | @alarab1

[@moeothman1987]

لا باس يا قلبٍ له أيام مهتم كثرت هناديبه و زاد اهتمامه تسعين يومٍ يذبح الليل و اظلم يسري بي الهاجس و أضيع خطامه و انا البارح قامت عليّه تناغم مثايلٍ مثل الذهب في قرامه اشطب على التقليد و اصوغ و انظم اللي من الجوده عليها علامه يا زينها و ان كان قامت تناغم على اسماع أهل السمو و الفخامه الفكر يبني و القريحه تصمم و الرجل يثبت وقفته و التزامه قدام حكام الوطن من تكلم ياجب عليه انه يثمن كلامه و انا بشعري و بالسلام أتقدم اكبر شرف نلته رفيعٍ مقامه شوفتك، يا ذخر المليك المعظم هي مطلب الشاعر و غاية مرامه جعلك يا بو متعب لنا دوم تسلم ماجور يا رمز الوفا و الشهامه جعل من جابك عن النار يحرم عساه في الجنه تمهد عظامه و جعل السحاب اللي مزونه ترادم تنشى على قبره و تنثر غمامه هذاك ابو تركي الامام المعلم اللي لورث جدوده أشهر حسامه عبدالعزيز، اللي لداره تولّم السيف سيفه و الفشق من حزامه وقَّف مثل طارق بعد شَب في اليم البحر خلفه و العدو من أمامه و حول على المصمك كما الحُر الاقطم واللي بثاره موردين السهامه الباب بالشلفا تحادوه و الطم و السوط طوّٓ و استوى للامامه من خير هاك اليوم لليوم ننعم عساه منيا ليوم القيامه تاريخنا محفوظ في صدورنا صم و أفعالكم ما يغتشيها عسامه من بعدها عبدالله اسلم و سلِّم على مليكٍ عزه الله و دامه يالله ياللي بامرك الرزق يُقْسَم يا منزلٍ سورة سبا و القيامه تحفظ مليكٍ للحرمين خادم إلهنا نسألك تمهل أعوامه فهد ذاك الزعيم المخضرم زعيمنا اللي زاهيته الزعامه فهد اليا عدو ملوك العرب كم له هامةٍ تعلو على كل هامه فهد إليا نشف الدم و الريق في الفم والله من لا ينتقم من خصامه للحق ما يهضم و لا هو بيُهضَم و للضد حبس و للموالي محامَ سلاحه المصحف و بالشرع يحكم فيه العدل و المغفرة و الصرامه مثله فلا شالت على صدره الام اقولها و لا عليّه ملامه و الا انت عبدالله و للفهد محزم و يزيد من عالي مقامك مقامه ضرغام حرب و لا يبي لك مترجم صميدعٍ راسك زهته العمامه انت الذي يوم المناكب تداحم في ساحة الخفجي كفخ بالتطامه قدت الحرس لروي القاع بالدم حتى أعلنوا كسر العدو و انهزامه و انت الذي تشفق و تنفق و ترحم و تقابل الشعب الوفي بابتسامه في همنا، و تشارك الناس في هم كل العرب همك جنوبه و شامه مير ان بعض الناس ما هوب يُحْشَم جميلنا عنده و صار التطامه خدعه و عنها يا ابيض الوجه تكرم حنا كعام النذل، حنا كعامه كيف يتهقوانا و من قاله قم علام ملعون الصلايب علامه!! نعيش و نشوف العجب و انتعلم شيٍ يشيب من بسن الفطامه لكننا بالله قويين و بثُم حكام شرعٍ حكمهم باستقامه و اللي على يمناك سلطان منهم سلطان سلطان السعد و الكرامه لبيه با كفٍ تعشق المكارم لبيه يا راسٍ ملته القرامه لبيه يا قلبٍ يضم الوطن ضم لبيه من راسه الى اسفل اقدامه ياللي تشوف الشط، شف غبة الجَم معزبي و اعرف هواه و نظامه يهوى جزال الطيب و يخمها خم لو يسبقه غيره تكدر منامه له نظرةٍ منها الرجاجيل تلخم و له هدةٍ تِرِّث كثير الندامه زبن الضعيف اللي من الوقت منسم ستر الهنوف ليا رمت باللثامه يعدل، و لا يرضى على انسان يُظلَم مع قو قلبه فيه لطف و رحامه و يقود جيشٍ، في المهمات مغرم جاهز و يعلن رغبته و انتظامه تآمر يا بو متعب و ما تطلبه سم ناقف باسم سلطان و نرفع تمامه و اللي ورانا يصطفق و يترازم جيشٍ على الهيجا تزايد هيامه يشهد لنا يا من لقى كل مسلم و حرب الخليج اللي خذينا وسامه دون الوطن ناطى الوغى و انتحيزم دون الوطن كلٍ يشمر كمامه ترابنا ماهو من اللي يُقَسّٓم يا ويل مخلوقٍ سعى بانقسامه و الشله اللي بث بافكارها سم و قامت تزحّٓر بالردى و الرخامه من فضل ربي جرها طاب و التم و اوشك على تاليه فلم الدراما الركب ماشي، و الشريعه تُحكّٓم و لا اهتز دارٍ دين ربي دعامه حنا هل التوحيد و الحرب و السِّلم نعرف حلال الله و نعرف حرامه عدونا يشبع من الهم و الغم و رفيقنا الوافي نزيد احترامه محدٍ من العالم علينا تكرَّم حنا بنينا دارنا من سنامه بديننا كل المواضيع تُحسم و نواكب الاصلاح عامه بعامه من لا فهمنا جعل ما هوب يفهم حتى و لو يغزي علينا اعلامه عن هرجهم نعرض و نقفي و ننصم لو نلتفت ويلك يا راس النعامه والله ان حتى المدح منهم كما الذم لان القلوب إبها من الحقد شامه الحق يبقى و الأباطيل تُهزَم و المنتصر من بالولي اعتصامه تم الكلام اللي بعدها تنسَّم لو طوَّل بصدري تحطم عظامه

[@Racegd]

يتعب كل ناهق يحكي بالشاعر الحارثي والله ما يخلي الرأس يشوش غير هذا الشاعر سبحان من عطاه هذا الكلام الجزل ويارب ترزقني ولد مثله

[@تبوكالعلاء]

انشهد انك صدقت وصدق شاعر الف رحم عل ابونا ابو متعب وحكمنا الف رحمه عليه تستمر المملكه بالخير والقيادة الحكيمة وشعبه البطل الوفي

[@مدريبنمدري-ن5ه]

تم الكلام الي بعده اتنسم. لو طول بصدري تحطم عضامه بيت عن قصيده الله يطول بعمر ابن محماس ويرحم ابو متعب ويسكنه الجنه

[@saleh20010100]

يارب يامن بأحوال البشر تعلم ومانواء المرء في قلبه وضمه تغفر الملك عبدالله كل ماتقدم وماتأخر طلبنا منك الرحمه

[@عبداللهالقحطاني-ق7ب2ض]

يرحم الله واللدين جابوك يامشعل الحارثي عزالله كل لة من اسمة نصيب ونت تشعل الميدان والمواقف الصعبة بقوافيك الرائعة

[@mrshb7q867]

أحسن شاعر شفته بالجيش كفووووووووو

[@MMJA7]

صح لسان الشاعر مشعل وبيض الله وجهكم على هذا النقل الطيب.

[@Khali2023]

*إن من الشعر لزلزلة تزلزل كل نفس حر أبي يستاهلون ملوك الجزيرة وسنام عزها ومجدها وصح لسان الشاعر الهزبر النحرير وسلام الله عليه*

[@احمدالربعي-ن7ل]

انشهد انة شاعر كفو الله يحفضة ولد بلحارث و ترحم الملك عبدالله الي اتعبنى رحيلة 💔🇸🇦

[@عبدالوهابالحارثي-ر8ت]

تم الكلام اللي بعده اتنسم لو طول بصدري تحطم عظامه الله يرحمك يبو متعب والله يطول في عمرك ي بن محماس عزالله انك جزززززززززل

[@انسالقحطاني-ط4ت]

انشهد انك شاعر ليا قالو شاعر قيدة يشوش منها الراس

[@nasseralghamdi2782]

ماشاء الله تبارك الله على الشاعر وملكنا يستاهل المدح

[@amksspot4534]

بيض الله وجهك ياشاعرالوطن ابن محماس انشهد انك شاعر منت بسهل ونشهد انك كفو وقدها حي فالك يابن محماس

[@تركيالحارثي-ظ9م]

تم الكلام للي بعدها تنسم لو طول بصدري تحطم عظامه الله عليكً يبو سلطان

[@هشامهشام-ط5ش1ج]

الله الله مااجمل هالقصيد وهالكاريزما يابن محماس

[@عليعبداللطيفالحارثي]

سبحان الله وبحمده سبحان الله العظيم عدد خلقه ورضا نفسه وزنة عرشه ومداد كلماته

[@جميلالعمري-ر5س]

ماشاء الله اذا سمعت الشاعر مشعل بن محماس الحارثي يشوش راسي غيره لا والف لا يمني مر من هنا جميل بن محمد بن عبدالله العمري

[@mkk640]

ما شاء الله تبارك الله شاعر فحل

[@نايفالعنزي-ظ1ر]

والله ان حتى المدح منهم كما الذم لان القلوب ابها من الحقد شامه.... حي فالك.... خصصت لهم بيت على السريع. والف تحيه...

[@asdasd19883]

شاعر جزل و متمكن وللا امام بارك الله فيك بيض الله وجهك والله يوفقك

[@somepeoplehave5037]

ماشاءالله تبارك الله هذا الشعر الي صح ذا الشاعر يحفض قصيدته اللهم صلى على محمد

[@سلمانالحربي-ز2ر]

ماشاءالله عليك لافُضى فوك شاعر متمكن

[@حسنبوقري-س5م]

اللهم احفظ بلادنا وملوكنا ونعم بالحارثي

[@حمدالعتيبي-ذ2ط]

والله شاعر قدير وقوى يامشعل

[@Sultan3bdullah]

شكرًا لك، على سرعة التواصل و الاستجابة

[@ااحمودسالم]

الهم تغفر للملك عبدالله وتدخل جنات نعيم

[@الشاعربدرالحارثي]

اعجزت الشعار من بعدك لافض فوك ياولد عمي وصح الله لسانك والله يرحم ابو متعب ويسكنه فسيح جناته

[@njdy305]

صح لسانك وكلنا قبائل السعودية بني عم نوقف لوطنا دروع نحمية

[@ابووضاح-ر4ذ]

الله يرحمك يبو متعب حبيبي الشعب 🇸🇦❤️

[@omaromar4385]

عبدالله اي ياعبدالله انشهد انك من عرب مارب. صقر قطامي معرب عروبه. مافيه كلام يكفي رسي يشم الهواء ماتسوق مره صميدع. والحارثي كفو

[@zxmndv]

دام عزك يا وطن الله يخلي لنا ابو متعب و يعطيه الصحة و العافية

[@faisalalharthi6404]

رحم الله جميع ملوكنا فهد وعبدالله وسلطان ..وبيض الله وجه الشاعر مشعل الحارثي على القصيده الجزله

[@ليثالقوينيً]

تم الكلام اللي من صدري تنسم لو طول بصدري تحطم اعظامه ياقو البيت ياقوه ماشاء الله الكريم صح السانك

[@TiMeeeUp]

ياحبيبي ياعبدالله الله يرحمك

[@Azooz13]

سبحان الله وبحمده سبحان الله العظيم ❤️

[@maghribi3136]

صح لسانك يا شهم كفيت ووفيت يابطل والله يرحمك يا ابامتعب والله يحفظ بلاد الحرمين من كل سوء. 💚 من 🇲🇦

[@almotheb]

رحمك الله يابو متعب ....صح لسانك يابطل

[@salehalalyani1853]

والعدو.. خله يشبع من الهم والغم .. سناايدي والله يابن العم

[@خالدالحارثي-ز2ظ]

الله يرحم أبو متعب و الملك فهد و الأمير سلطان تم الكلام اللي بعده أتنسم لو طول بصدري تحطم عظامه صح لسانك يا شاعر الوطن الكبير مشعل بن محماس الله يحفظك .... كل بيت بقصيدة ... والله إنك كفو و أتعبت كل الشعار

[@salehalatowi]

الله يرحمك ي سلطان ❤

[@salmahelo536]

يارب ترحم عبدك عبدالله وتغفر له يارب تجعل الفردوس الأعلى منزاله

[@asdasd19883]

اللهم اغفر لعبدك عبدالله بن عبدالعزيز آل سعود ولي عبدك سلطان الخير اللهم واسقهم من حوض نبيك محمد صلى الله عليه وسلم واغفر لهم وارحمهم وابد لهم دارن خيرن من دارهم ولي والدينا والمسلمين والمسلمات الاحياء منهم والميتين

[@ابومحمدالعنزي-ض1ف]

ماشاء الله تبارك الله حضور والقا وشعر الله يحفظك

[@Sami501S]

كفووووو اشهد بالله انك شاعر ي ابن محماس والنعم فيك

[@majedalso243]

الله يغفر لك يا ابومتعب ويرحمك فقدناك يشهدالله ولا نسيناك من الدعاء والله يحفظ ملكنا سلمان ويطول بعمرة ويعزه

[@سبحاناللهوبحمدهسبحاناللهال-ظ8ظ]

لا إله إلا أنت سبحانك إني كنت من الظالمين

[@asmaameshel3032]

الله يحفظك ويجعلني اخذ واحد يشهبك او الله يجعلك حلالي ❤️❤️❤️

[@0804adel]

فخر يالشاعر الفخم

[@عالشهري-د5ض]

ذا وش ترك للشعراء يفاخرون به !؟ ما شاء الله عليه

[@AbdulAziz-yh1zz]

الله اكبر

[@عبدالعزيزالحارثي-ه7ق]

والله انك كفو يابو سلطان ولاهنت يا منزل المقطع ولايك و تستاهل

[@jggkjuhgguj2062]

الحين معكم ❤👍

[@ابورهف-د6ع]

ماشاء الله عليه فعلا شاعر وفقه الله

[@l8b.]

ماشاءالله تبارك الله

[@مشاريالحربي-ع9و]

اللهم ارحم الملك عبد الله وادخله فسيح جناتك

[@omarbbo6580]

سلم والله وصح لسان هل الفم

[@عزوزالحارثي-ر9ش]

الله يعزك يبن عمي 🧡🙌🏻

[@الحربيالحربي-ح1س]

الله ينصرنا وينصركم يارب عاجل غير آجل

[@mbs7419]

الله يطول بعمرك عهدك عهد خير يا بومتعب

[@القناص-ي6ض]

صح لسانك يا ابن محماس ورحم الله الملك فهد والملك عبدالله وحفظ الله لنا خادم الحرمين الشريفين الملك سلمان وولي عهده وحفظ الله وطننا وجودنا من كل شر

[@muslat131]

الله يرحمهم

[@نايف-ج1ب3ي]

الله يرحمه

[@عبدالوهابالحارثي-ج6ن]

الله يرحمك يبو متعب

[@بوجمعهالشافعي-ت4ر]

صح لسانك والله انك شاعر وكفو

[@Abade52]

صح الله لسانك شاعر متمكن ماشاءالله

[@salmahelo536]

صح لساانك ياجواد يانسل الأجواد

[@ابوفيصل-ي2ح]

الله يرحم ابوفيصل وابومتعب وابوخالد وصح لسانك انشهد انك كاسب العلوم الغانمه وهذا يدل على طيب مرباك قصيده يشوش لها الراس

[@rayadson2690]

الله يقويهم على الطاعه

[@dv3dov]

صح لسانك ياولد العم

[@uaeuae5124]

اتعبت من بعدك من الشعار خليتهم مثل الورق ونته حبر

[@فهدالشمري-ش4ط9ك]

ونعم عزالله شعر جزل ولك ومن تحيات شعار شمر وجزاااااااله

[@gamehehehe6037]

صح لسانك

[@خالدالبراك-خ6ط]

الله يرحم المللك عبدالله

[@AAM1388]

حفظ الله ولي أمرنا سلمان وصح لسانك يابن محماس

[@المحاميعبدالرحمنآلشعلان]

رحمك الله

[@abdullahhty7259]

و بعطيك لايك لعيون بالحارث

[@BA-vl1sh]

اللهم انه عبدك فاغفر له

[@كِنْديوالعِزعِنْدي]

ماشالله تبارك الله قصيدة روعة لكن الحماس الزايد ضيع نغمها سلمت يالشاعر على هالقصيدة

[@GM-wq8cq]

رووووووعه

[@abuwareef7483]

من أجمل ما سمعت من الشعر النبطي

[@عسافابوثنين-ل5ظ]

صح لسانك مشعل ولا غيره يعدد ويلتم باابيات شعره كلبوها علامه اخوك عساف ابوثنين

[@عابرسبيل-ل2ز8ث]

رحمك الله يا عبدالله بن عبدالعزيز

[@saedyhya]

اسال الله العظيم رب العرش العظيم ان يجعل قبر الملك عبدالعزيز رحمه الله روضه من رياض الجنه اللهم اجعله من اهل الفردوس الاعلى من الجنه مع الصديقين و الشهداء و الصالحين و حسن اولئك رفيقا وكافة ملوكنا والمؤمنين والمؤمنات والمسلمين والمسلمات الاحياء منهم والاموات اجمعين واسال الله العظيم رب العرش العظيم أن يطول بعمر الملك سلمان وولي عهده الأمين واسال الله العظيم رب العرش العظيم ان يلبس الملك سلمان ثوب الصحه والعافيه ويجزاهم خير الجزاء ويضاعف لهم الأجر والثواب

[@عبدالعزيزالشريف-ف1ذ]

صح السانك يابن محماس جززززل.

[@alibaghdadi9740]

رحم الله وجه الخير :(

[@JA-xx1fk]

🥺💔

[@عادلالوحيد-ظ4ج]

كفوو يامشعل وبيض الله وجهك وهاذي ليسة غريييه عليك

[@عبداللهحمدي-ذ2ص]

[@rozrozlen518]

الله علييه شاعر بطل

[@ararb52]

قديمه القصيده شاعر جزل فحل ، تحياتي

[@نوافعلي5]

الله يرحمك يا الملك عبدالله

[@ابوفيصل-ج1ض]

ياليت احد يفيدني منو اللي قاعد على يمين الملك عبدالله الله يرحمه ؟؟

[@aljedaoy9838]

مرحوم يالي سالت دموعنا دم على فراقه والقلوب انحطامه هذاك ابو متعب به الذكر وأنعم راعى العقال اللي يحوط العمامه يعطي عطايا والعطا منه مكرم عز الفقير وعز من به عدامه ضرغام نجد ليا غضب دوم يحلم يلقى به المضيوم عطف وسلامه الله يغفر له به الخير يعلم ويبيح منه اليوم حتى القيامة ❤

[@yshzjsjjss4062]

👍👍

[@bmzoom7779]

بيض الله وجهك ياحارثي اخوك العتيبي

[@gnani1411we]

الله يرحم الملك عبد الله

[@سبحاناللهوبحمدهسبحاناللهال-ف1ش]

قصيدة جزلة يبن محماس

[@saudmmdoh1612]

محسوبكم جاي من سكنانا

[@سهم-ع1ض]

رحمك الله يابو متعب ....صح لسانك يابطل

[@ararb52]

قديمه القصيده شاعر جزل فحل ، تحياتي