#ALFARABI1150

Құрметті "Әл-Фараби" арнасының көрермендері!
Сіздердің назарларыңызға ғұлама ғалым Әбу Насыр Әл-Фарабидің 1150 жылдығы құрметіне орай сапалы түсіріліп, интернет кеңістігінде әртүрлі тілде жарияланған Әл-Фараби жайлы бейне материалдарды осы арнадағы "ALFARABI_1150" плейлистіне жинастырып, насихаттап отыратын боламыз.
Сондықтан, Әл-Фараби туралы осы уақытқа дейін еш жерде жарияланбаған HD сапалы бейнематериалдарыңыз болса (роликтер, деректі және көркем фильмдер), тіпті интернетте бұрын жария етілген мағыналы әрі сапалы дүниелер болса да сілтемесін [e-mail] электронды почтасына жіберулеріңізді сұраймыз.
Бүгін сіздердің назарларыңызға «Balapan» телеарнасының тапсырысы бойынша «ARA studios» медиастудиясы дайындаған қысқаметражды «Дара тұлға: Әбу Насыр Әл-Фараби» атты балаларға арналған ғылыми-танымдық мультипликациялық фильмімен таныстырамыз.
Бұл балаларға арналған жоба болса да, мұнда қазақтың алып тұлғасы Әл-Фараби жайлы қызғылықты баяндайды. Фильм барысында оның өмірбаяны мен жасаған еңбектері, жеткен жетістіктері мен көрген қиындықтары, 2D анимациялық техникасы арқылы, ерекше стильде, көрерменге түсінікті жолмен көрсетіледі.
Қысқаметражды мультипликациялық фильмді жоба жетекшісі Мақпал Жұмабай, қоюшы режиссері әрі сценарий авторы Мейіржан Сандыбай, ғылыми жетекшісі Манат Мұстафа Паттеев және қоюшы суретшісі Дидар Нұрлаев бастаған түсіру тобы 2018 жылы дайындаған.
#DaraTulga #AlFarabiUniversity #TRCKazNU #AlFarabi1150 #Balapan #ARA_studios