Рет қаралды 3,493
МАРГИ МАН ЧИСТ?
Марги ман чист?
Чанд рўзе гиряхҳои носавоби модарам,
Хандаҳову шўхиҳову тираакси ман ба хоби хоҳарам,
Лаҳзае чанд ашки шўру ҳасрату андўҳи талх
Бар ҷабини нуқратоби ҳамсарам,
Баъди чанде боз хушҳолию хушгўйӣ- фаромўшии ман.
Марги ман чист?
Норасида бар замин афтодани себ аз дарахт,
Номаҳал бар тифлаконам бевафоиҳои бахт,
Даври хона - ёру душман,
Байни хона - мову рахт,
Баъд аз ин танҳоию ман,
То замоне бистари холӣ канори ҳамсарам.
Марги ман чист?
Шеърҳои нимсуруда,
Бўсаҳои норабуда,
Киштаҳои нодуруда,
Бар замин афтодани як ахтари наҳс аз само,
Роҳ бурданҳои марди хокие сўйи Худо.