السبعة الكبار | الجزء الأول | السياحة .. الأزمة والحل

[@IslamSalama50]

أولا تحياتى لكل من نظم اللقاء المثمر والمهم جدا ده ثانيا دى هنفضل مشكله مصر الأساسيه وهى الإعتماد على موظفين حكومه بفكر قديم جدا كل همهم يحافظو على كراسيهم ومناصبهم ومميزاتهم وبدلاتهم بصرف النظر عن مردود عملهم أو مدى إستفادة البلد من شغلهم ناس بفكر عقيم وغير مواكبين لتظور العالم كله فى مجال السياحه والمطارات زى ما كنا زمان أيام الثورة بنطالب بحكومه تكنوقراط يكونو فاهمين شغلهم صح كل فى مجاله بنطالب دلوقتى بالإستفاده من الخبرات القويه جدا فى القطاع الخاص بمجال السياحه والطيران وعدم حصر القرار فى إيد شويه موظفين حكومه بيروقراطيين لأبعد مدى. عندك ناس ولاد سوق وفاهمين دهاليز اللعبه من واقع إستثماراتهم وفلوسهم اللى فى السوق يبقى لازم تشرك الناس دى فى صناعه القرار بدون أى حساسيات ولا عنطزة فارغه من أى مسؤل وأحلى كلمتين إتقالو فعلا إن المسؤل طالما قعد عالكرسى فبيفكر نفسه إنه أكتر واحد بيفهم وهو اللى لازم يسوق ويدى الأوامر ولازم كلمته هى اللى تمشى لأنه فاكر انه صح فى المطلق. علشان كده بأيد جميع الإقتراحات اللى اتقالت مع التأكيد على عمل مجموعه من الباحثين الأكاديميين من طلاب الماجستير والدكتوراه يسافروا الدول المنافسه و الرائده فى المجالات دى ويعملوا ابحاث على ارض الواقع عن التجارب الناجحه هناك ويكون ليهم توصيات يستخدمها صناع القرار وتتاخد بعين الإعتبار للخروج من النفق المظلم اللى دخلنا فيه بسبب الفشل السياسى فى البلد وتحديدا فى قطاع مهم زى قطاع السياحه. شكرا لحضراتكم وفى إنتظار الجزء الثانى من الحوار.