Рет қаралды 1,497
БІЗДІҢ KZbin АРНАҒА ТІРКЕЛІҢІЗ: / @informburo31kanal
---------------------------------------------
Алматы облысы Қарасай ауданындағы 178 балабақша жабылып қалудың алдында тұр. Өйткені, облыстық білім басқармасы мемлекеттен берілген ақшаны қайтарыңдар деп талап қойған. Былтыр аудандық білім бөліміне облыстық ішкі аудит тексеріс жүргізген. Нәтижесінде жекеменшік балабақшаларға мемлекеттен берілетін қаржыны жымқырды деп айып тағылыпты. Ал, мекеме иелері бұнымен келіспейді. Бөлінген субсидияны ретімен жұмсадық деп отыр. Тараптарды әріптесім Диана Тұрлыбек тыңдап қайтты.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Қарасай ауданының ұстаздары таңмен толық жиналды. Бір жылдан аса уақыт мәселелері шешілмей келген кәсіпкерлер кімге барып шағымданарын білмейді. Өздеріне тағылған айыпты түсінбей әлек. Мемлекеттің қаржысын ретімен жұмсадық дейді. Егер қаражатты қайтарар болсақ шығынға батамыз деп күйінеді.
КҮНЖӘМИЛА ӘБДІҒАЛИЕВА, кәсіпкер:
Мінекей бүгін-ертең балабақша жабылайын деп тұр. 10 балабақшаның шешімі шығып қойған. Ақшаны 3 күнде қайтармаса сот орындаушысына өтеді де үстіне тағы процент қосылады. Сонда біздің жағдайымыз қалай болады?
ЭЛЬМИРА МҰРАТ, кәсіпкер:
- Мемлекеттік балабақшаларда біз сияқты договорға отырған. Бірақ олардан ақшаны қайтарып бер деп талап етіп отырған жоқ. Ал, бізден 178 садиктен талап етіп отыр.
Ал балабақша меңгерушілерінің ісімен айналысып жүрген заңгер адам құқықтары өрескел бұзылып отыр дейді.
ҚУАТ АУҒАНБЕК, заңгер:
- Ешқандай материалдық, процессуалдық нормалар бұзылып отыр. ҚР Азаматтық кодексінің 9-бабы, 4- бөлігінде көрсетілген негіздер қаралмай отыр. Біржақты заңсыз шешім шығарып отыр.
Жалпы, Қарасай ауданында 10 мемлекеттік, 188 жеке меншік балабақша бар. Ондағы 11 500-ге жуық балдырған жекеменшік бөбекжайға барады. Егер бұл мектепке дейінгі мекеме есігін жапса ата-аналар балаларын айлап кезек күтіп, мемлекеттік балабақшаларға беруге мәжбүр.
ГАУҺАР БЕКТҰРСЫНОВА, ата-ана:
- Мемлекеттік балабақшаларда кезек өте ұзақ, ал біз тұрған ауылда бір де бір мемлекеттік балабақша жоқ. Халық тығыз орналасқан. Мысалы, менің көшемде үш жекеменшік балабақша бар. Егер олар жабылып қалса жолдасым да менде жұмыстамыз. Бала қараусыз қалады. Оларға нянка жалдайтын қаражатым жоқ.
Ал, аудандық білім бөліміндегідер бұл тек заңмен шешілетін мәселе екенін айтады.
АЙДАР СЕРҒАЗИН, Қарасай аудандық білім бөлімінің заңгері:
- Бұл жерде азаматтық құқықтық қатынас болып есептеледі. Бұл сот тәртібімен шешілетін мәселе. Сол себепті сотқа беріліп, қазір сот шешім шығарды. Және де қазіргі таңда бірнеше балабақша апелляциялық шағым жасаған болатын. Сол шағым қаралуда. Алғашында оларды қанағаттандырудан бас тартылды. Екінші шешім осы айдың 15-і қаралады.
Бүгінде 10 балабақша мемлекеттен алған көмекті қайтаруға мәжбүр болған. Ал қалған 168 бөбекжайдың тағдыры алдағы уақытта белгілі болмақ. Ал, кәсіпкерлер мәселе шешілмесе Үкімет деңгейіне дейін көтермек ниетте.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық