Рет қаралды 12,111
Алматыда кешелі бері тоқтаусыз жауған жауын салдарынан көшелер көлге айналып, кейбір аудандарда бау-бақша мен үйлерді су басып қалды. Нөсерден қалада адам түгілі көліктер де қозғала алмайды дейді алматылықтар. Айтуларынша, мегаполисте қанша әкім ауысса да, ең өзекті әрі елді толғатқан проблеманы шешуге құлықсыз. Сондықтан тұрғындар жиналған шалшық суды сорғызып әуреге түсетін шенеуніктерге арық жүйесін жөндесін деп талап қойды.
Алматылықтар бірнеше күннен бері тоқтаусыз жауған жауын емес, шенеуніктердің салғырттығы шаршатты дейді. Айтуларынша, әкімдіктегілер қар еріп, күн жауса көшелердің көлге айналатынын біледі. Бірақ арық жүйесін жолға қоюдың орнына ылғи жиналған суды сорып әбіргерге түседі деп отыр. Оның өзі уақытша деп ашынды ел. Сол үшін арық салып берулерін талап етіп, талай мәрте хат жазыпты. Алайда «қаржы қарастырылып жатыр» дегеннен өзге жауап ала алмаған. Ал жыл өткен сайын жағдай тіпті қиындай бастаған. Яғни, тобықтан асатын шалшық су көшедегі қозғалысты тоқтатып, балалары сабақтан қалуға мәжбүр болады екен. Әкімдік өкілдері жауын сайын су деңгейінің көтерілуі үйреншікті жағдай деді. Әрі көшелер мен үйлерді су алып кетпесі үшін мердігерлерге өтініш айтып, техникаларын алдын ала дайындатып қояды екен.
АРМАН ҚОҚЫМБАЕВ, Алатау ауданы көріктендіру бөлімінің бас маманы:
- Жаңбыр жауған сайын немесе қар суы жиналған кезде осындай кісілер бізге добровольно көмектеседі. Звондасақ біздің немізді сөзімізді тастамайды. Келіп суды сорып беріп, керекті жерге апарып төгіп көмектеседі.
Шенеуніктің сөзінше, биыл Алматыдағы Алатау ауданында 49 шақырым арық жүйесін жүргізу жоспарланыпты. Ал құрылыс жұмыстары желтоқсанға дейін аяқталуы тиіс екен.
.
.
.
.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар