Owadan gelin Eýran,Turan, arap ajam ilinde Görmedim seniň deý owadan gelin Jahan ragnasynda bagyň gülünde Bolmaz öziň kemin gül beden gelin ... Gözleseň jan alar gara gözleriň Ölini direlder şirin sözleriň Alma ýaňaklaryň güler ýüzleriň Şirindir lebleriň miweden gelin ... Gara üzüm sen şerbet bilen ýuwutmaga Takat tapmaz köňil üzüp gitmäge Duzak guryp aşyklary tutmaga Zülpin başdan aýak tor eden gelin ... Bizi bilbil eýläp özin gül eýläp Näz odyndan istihanym kül eýläp Saçlaryn boýnyna selasyl eýläp Söz balyndan bagrym suw eden gelin ... Kamatyň gubudyr goýnyňda mardyr Gerdeniň dutardyr zülpleriň tardyr Jemalyň görmage gözlerim zardyr Görsem gül ýüziňi sabadan gelin ... Nepes diýer aşnalygym ýat olmaz Bir görmesem göwnim hergiz şat bolmaz Ýer ýüzinde sendeý perizat olmaz Meger ýere düşdiň howadan gelin ...