Рет қаралды 4,376
Бір тонна оттегіні көмір етіп,
Өмір өтіп, кетіпті өмір өтіп.
Тұтқиылдан келген су Құлсарыны,
Еңіретіп, кетті ғой, еңіретіп.
Айдаһардай топан су жеті басты,
Талай жылғы былықтың бетін ашты.
Бас-аяғы осымен отыз жылда,
Құлсарыны бір емес, екі басты.
Өмір өтіп барады бір сарын-ай,
Бостан-босқа күшіңді жұмсадың-ай.
Мәрмәр қала салатын отыз жылда,
Бөгет салып қоймаған Құлсарым-ай.
Қаңғып кеткен халықтың кімге обалы,
Теспей сорып елімді кім тонады?!
Тентіреген айдың күн аманында,
Елімді ойлап жігерім құм болады.
Қамданып та көбісі үлгермеген,
Тасқын судың хабарын кім бермеген.
Құлсарыны былыққа батырғандар,
Адамдай боп отыр ғой дым білмеген.
17.04.2024
Айбек Қалмағамбетов