Рет қаралды 12,425
Söz: Ayaz Hidayətoğlu
ayaz_hidayetogl...
Səs: Anar Atakhishi
atakhishi?...
Birini
Sən hec cümlə-cümlə sevib həyatda
Heca - heca özlədinmi birini?!
Gecələr röyana gələcək deyib
Gecə boyu gözlədinmi birini?!
Düşündünmü,bütün gecə yatmadan?!
Xəyalları yaddaşından atmadan
Toxunmadan,əllərini tutmadan,
Uzaqlardan izlədinmi birini?!
Gecə-gündüz səs-səmirsiz ağlayıb
Rəsimləri ürəyinə bağlayıb
Hətda özündən də uzaq saxlayıb
Öz dünyanda gizlədinmi birini?!
Qorxdunmu telinə qıyarlar deyə!
Eşidib aləmə yayarlar deyə,
Bəlkədə səsini duyarlar deyə
Səssiz-səssiz səslədinmi birini?!
Güzündən aralı qalmasın deyə,
Səndən başqasının olmasın deyə,
Bir ömür cücərsin,solmasın deyə
Göz yaşınla bəslədinmi birini?!
#AyazHidayətoğlu #şeir #AnarAtakhishi