Рет қаралды 20,930
Ертедегі қазақ «жетім» деп ата-анасы өмірден өткен баланы атайтын. Бала мен туған әке-шешесін өлімнен басқа ештеңе айыра алмайтындай еді. Ал біздің қазіргі қоғам ата-ана қамқорынан айырылған, тастанды бала деген сөздерге жатырқамай қарайтын жағдайға жеттік. Қарағайдай қаптаған жетімдер үйінің де саны артпаса, кеміп жатқан жоқ. Алайда ата-анасыз қалған қаракөздерді құшағына басқым келеді деген, бала асырап алуға ниетті жандар да аз емес. Халқымыз ата-анасыз қалған ұл-қыздарын ешқашан да жетiмсiретпеген, қаңғыртпаған. Ел болып iздеу салған, қамқорлыққа алған. Ата-анасынан, ана тiлiнен, ұлттық қадір-қасиетi мен қамқорлықтан айырылған қара домалақтардың тағдыры жайында қозғаймыз.