Рет қаралды 7,396
22 февраль - Атоқли шоир Азим Суюн туғилган кун
Андиз ўсган ерларда. Азим Суюн шеъри. Нуриддин Ҳамроқулов куйлаган
Азим Суюн
АНДИЗ ЎСГАН ЕРЛАРДА
«Қадимги Нурато қўшиқлари» туркумидан
Андиз ўсган ерларда отлар бевақт ўлмагай,
Яхши бўлса аёллар эрлар юзи сўлмагай.
Қайси юртда чинакам ботир бўлса йигитлар,
Ўшал юртнинг эллари ёвларга қул бўлмагай.
От минмаган от минса, чопа-чопа ўлдирар,
Боғ кўрмаган боғ кўрса, пайҳон қилар, сўлдирар.
Ҳушёр бўлгил, жон элим, элдай сақла элингни,
Ёвларингга йўл берсанг, поймонангни тўлдирар.
Бош кесилса, ёронлар, сочга мотам тутилмас,
Қон қусилса, ёронлар, ичга сувдек ютилмас.
Қай бир миллат тупроғин топтар экан маккор ёв,
Ўзлигин билганларнинг бахти асло бутунмас!
Арғумоғларга мининг,
Ғолиб қилич ёр бўлсин!
Бу дунёда ҳар кимнинг
ўз Ватани бор бўлсин!
1978
Azim Suyun
ANDIZ O'SGAN YERLARDA
«Qadimgi Nurato qo'shiqlari» turkumidan
Andiz o'sgan yerlarda otlar bevaqt o'lmagay,
Yaxshi bo'lsa ayollar erlar yuzi so'lmagay.
Qaysi yurtda chinakam botir bo'lsa yigitlar,
O'shal yurtning ellari yovlarga qul bo'lmagay.
Ot minmagan ot minsa, chopa-chopa o'ldirar,
Bog' ko'rmagan bog' ko'rsa, payhon qilar, so'ldirar.
Hushyor bo'lgil, jon elim, elday saqla elingni,
Yovlaringga yo'l bersang, poymonangni to'ldirar.
Bosh kesilsa, yoronlar, sochga motam tutilmas,
Qon qusilsa, yoronlar, ichga suvdek yutilmas.
Qay bir millat tuprog'in toptar ekan makkor yov,
O'zligin bilganlarning baxti aslo butunmas!
Arg'umog'larga mining,
G'olib qilich yor bo'lsin!
Bu dunyoda har kimning
o'z Vatani bor bo'lsin!
1978