Andoni Egañaren bertsoa

Telegrama bat izan liteke
Zorionen iturria
Bihotz bera naiz
Holako zerbait
Da neretzat azkurria
Esku tartean dardar batean
Dena dut irakurria
Hauxe momentu larria
Lotzen gaitun uztarria (bis)
Ene Kattalin ez da egia
Ni ez naiz xarmantgarria
Xarmantgarriak dirade zure
Aurpegia ta irria (bis)
Era hortako lore sortarik
Etzenun espero bela
Zure barruan sentitu zendun
Horren sorpresa itzela
Etzenekien bart arte
Zure adiskidea nintzela
Lotzen gaituen kordela
Ez da etengo horrela (bis)
Atzo gaueko hori ez hartu
Erdi mirari bezela
Jakin ezazu berriro ere
Berdin egingo nukela (bis)
Hilabetetan sufritu dezu
Inok ez daki zenbat min
Alper alperrik fortuna eta
Suerteari hots egin
Behar dunari laguntze hori
Beti izan dut atsegin
Ene bihotzeko kattalin
Nik jokatu nai unen fin (bis)
Ihesa duzu eta goxatzen
Egin dut hainbat ahalegin
Arantza artean bizi den hori
Lore artean hil dedin (bis)