ANG GANAP NA PAMUMUHAY KAY KRISTO AYON SA BIBLIA: COLOSAS 2

SPOKEN BIBLE VERSE
Colosas 2
Ang Biblia, 2001
1 Sapagkat ibig kong malaman ninyo kung gaano kalaki ang aking pagsisikap alang-alang sa inyo, at sa mga nasa Laodicea, at sa lahat na hindi pa nakakita sa akin nang mukhaan.
2 Upang maaliw sana ang kanilang mga puso, sa kanilang pagkakaisa sa pag-ibig, at magkaroon ang lahat ng mga kayamanan ng buong katiyakan ng pagkaunawa, at magkaroon ng kaalaman ng hiwaga ng Diyos, na si Cristo,
3 na sa kanya nakatago ang lahat ng mga kayamanan ng karunungan at kaalaman.
4 Ito'y sinasabi ko upang huwag kayong madaya ng sinuman sa mga pananalitang kaakit-akit.
5 Sapagkat bagaman ako'y wala sa katawan, gayunma'y nasa inyo ako sa espiritu, at nagagalak na makita ko ang inyong kaayusan, at ang katatagan ng inyong pananampalataya kay Cristo.
Kapuspusan ng Buhay kay Cristo
6 Kaya't kung paanong tinanggap ninyo si Cristo Jesus na Panginoon, ay lumakad kayong gayon sa kanya,
7 na nakaugat at nakatayo sa kanya, at matibay sa pananampalataya, gaya ng itinuro sa inyo, na sumasagana sa pasasalamat.
8 Kayo'y mag-ingat, baka sa inyo'y may bumihag sa pamamagitan ng pilosopiya at walang kabuluhang pandaraya, ayon sa tradisyon ng mga tao, ayon sa mga simulain ng sanlibutan, at hindi ayon kay Cristo.
9 Sapagkat sa kanya'y naninirahan ang buong kapuspusan ng pagka-Diyos sa katawan,
10 at kayo'y napuspos sa kanya, na siyang ulo ng lahat ng pamunuan at kapangyarihan.
11 Sa kanya ay tinuli rin kayo ng pagtutuling hindi gawa ng mga kamay, sa pamamagitan ng paghuhubad ng katawang laman sa pagtutuli ni Cristo;
12 nang ilibing kayong kasama niya sa bautismo, kayo rin ay muling binuhay na kasama niya sa pamamagitan ng pananampalataya sa kapangyarihan ng Diyos, na muling bumuhay sa kanya mula sa mga patay.
13 At kayo'y mga patay dahil sa inyong mga kasalanan at sa di-pagtutuli ng inyong laman ay kanyang binuhay kayong kasama niya, nang ipinatawad niya sa inyo ang lahat ng mga kasalanan,
14 na pinawi ang sulat-kamay[a] na laban sa atin na nasa mga tuntuning salungat sa atin, at ito'y kanyang inalis at ipinako sa krus.
15 Inalisan niya ng sandata ang mga pinuno at ang mga may kapangyarihan at sila'y ginawa niyang hayag sa madla, na nagtatagumpay sa kanila sa pamamagitan nito.
16 Kaya't ang sinuman ay huwag humatol sa inyo tungkol sa pagkain at inumin, o tungkol sa kapistahan, o bagong buwan o mga araw ng Sabbath,
17 na ang mga ito ay isang anino ng mga bagay na darating, ngunit ang katawan ay kay Cristo.
18 Huwag ninyong hayaan na agawan kayo ng gantimpala sa pamamagitan ng kusang pagpapakababa at pagsamba sa mga anghel, na pinanghahawakan ang mga bagay na kanyang nakita, na nagyayabang nang walang dahilan sa pamamagitan ng kanyang makalamang pag-iisip,
19 at hindi kumakapit sa Ulo, na sa kanya'y ang buong katawan, na tinutustusan at pinagsasanib sa pamamagitan ng mga kasukasuan at mga litid ay lumalago ng paglagong mula sa Diyos.
Babala Laban sa Maling Turo
20 Kung kayo'y namatay na kasama ni Cristo mula sa mga simulain ng sanlibutan, bakit kayo'y nabubuhay na parang nasa sanlibutan pa rin? Bakit kayo'y nagpapasakop sa mga alituntuning,
21 “Huwag humipo, huwag tumikim, huwag humawak”?
22 Ang lahat ng mga alituntuning ito ay masisira sa paggamit, palibhasa'y mga utos at mga aral lamang ng mga tao.
23 Ang mga bagay na ito'y mayroong anyo ng karunungan sa pagsambang ayon sa sariling kagustuhan, sa pagpapakababa, at sa pagpapahirap sa katawan, ngunit wala silang kabuluhan laban sa kalayawan ng laman.

[@markjoelrios8121]

Thanks you Jesus

[@Ben.Filio.Production]

Purihin ang Dios sa kaitaasan Mark. God bless

[@ranierarellano1136]

thank you Lord Jesus Amen..

[@Ben.Filio.Production]

Sa Dios Ang lahat ng papuri Ranier. Salamat sa pagbisita. God bless

[@eddievalenzuela8543]

Amen for the words of god

[@Ben.Filio.Production]

Purihin ang Dios sa kaitaasan Eddie. God bless

[@BisthunderMonakanisa]

Praise the Lord!🙌

[@Ben.Filio.Production]

Sa Dios Ang lahat ng papuri Kaibigan. God bless

[@BisthunderMonakanisa]

@@Ben.Filio.Production tama

[@donlistvlog1298]

Amen

[@Ben.Filio.Production]

Sa Dios Ang lahat ng papuri. God bless

[@rogelyngregorio7504]

May tanong po sana ako,,may hinanap po akong sagut..d po kita ma pm

[@rodrigonataliojr.2522]

isa po ba kayong Pastor

[@Ben.Filio.Production]

Salamat sa po sa pagbisita Rodrigo. Ako ay isang walang kabuluhang alipin ng ating Panginoong Hesu Kristo na nagsusumikap lumakad sa gabay ng Banal Na Espiritu patungo kay Hesu Kristo sa pamamagitan ng Biblia. God bless

[@rogelyngregorio7504]

May tanong po sana ako,,may hinanap po akong sagut..d po kita ma pm

[@Ben.Filio.Production]

Salamat sa pagbisita Rogelyn. Maari mong ilahad Ang iyong katanungan dito sa comment section at akin itong sasagutin sa abot ng aking makaka ya sa paggagabay ng Banal Na Salita Ng Dios, Ang Biblia. Mas madalas po ako dito sa aking YT Channel kayat asahan mong ito ay aking sasagutin. God bless