Рет қаралды 3,988
SPOKEN BIBLE VERSE: MGA AWIT 73
Sa ating mundo ngayon, ang isang mananampalatayang patuloy na lumalakad sa liwanag ni Hesu Kristo at nagsusumikap maging matuwid, ay nakakaranas ng Kapighatiang at kahirapan sa mga masasamang tao ng mundong ito. At ito ay dahil sa ating pagnanais na sundin sundin ang halimbawa at utos ni Hesu Kristo na maging mapag mahal sa ating kapwa gaya ng ating pagmamahal sa ating sarili. At sa pamamagitan nito ay ating maihayag sa kanila ang kaligtasang nagmumula lamang sa Kanya.
Pero, sigurado po ako, sa ating pagmamasid sa ating kapaligiran, ay iyong itinatanong, BAKIT MAS SUMASAGANA ANG MGA MASASAMANG TAO SA MUNDO? Na tila ant mga taong ito ay paunlad ng paunlad Ang kanilang mga buhay, kahit na puro sa kasamaan nagmumula ang kanilang tinatamasa.
Ano Ang isinasaad ng Biblia Ukol dito? Meron bang katapusan ang kanilang masasamang gawa? At ano ang kahihinatnan nila ayon sa Biblia?
Ang atin pong talatang pagbubulay bulayan ay tatalakayin ang mga katanungang ito at ihahayag ang katotohang ang Dios Ama Ang Siyang maghuhusga sa lahat ng mga gawa ng tao. Ito may masama o mabuti, Ang Kanyang hustisya ay makatarungan.
Nawa ang patnubay ng Banal Na Espiritu ang Siyang sumaatin, sa ating pakikinig at pag basa ng Kanyang Banal Na Salita.
Mga Awit 73
Ang Biblia, 2001
IKATLONG AKLAT
Awit ni Asaf.
1 Tunay na ang Diyos ay mabuti sa Israel,
sa mga taong ang puso'y malilinis.
2 Ngunit tungkol sa akin, ang mga paa ko'y halos natisod,
ang mga hakbang ko'y muntik nang nadulas.
3 Sapagkat ako'y nainggit sa palalo;
aking nakita ang kaginhawahan ng masama.
4 Sapagkat walang mga hapdi ang kanilang kamatayan,
at ang kanilang katawan ay matataba.
5 Sila'y wala sa kaguluhan na gaya ng ibang mga tao;
hindi sila nagdurusa na gaya ng ibang mga tao.
6 Kaya't ang kanilang kuwintas ay kapalaluan,
ang kara hasan ay tumatakip sa kanila bilang bihisan.
7 Ang kanilang mga mata ay lumuluwa sa katabaan,
ang kanilang mga puso ay umaapaw sa kahangalan.
8 Sila'y nanlilibak at nagsasalita na may kasamaan,
sila'y nagsasalita mula sa kaitaasan.
9 Kanilang inilagay ang kanilang mga bibig sa mga langit,
at ang kanilang dila ay nagpapagala-gala sa ibabaw ng lupa.
10 Kaya't bumabalik dito ang kanyang bayan,
at tubig ng kasaganaan ay iniinom nila.
11 At kanilang sinasabi, “Paanong nalalaman ng Diyos?
May kaalaman ba sa Kataas-taasan?”
12 Narito, ang mga ito ang masasama;
laging tiwasay, sa kayamanan ay sumasagana.
13 Sa walang kabuluhan ay pinanatili kong malinis ang aking puso,
at ang aking mga kamay sa kawalang-sala ay hinuhugasan ko.
14 Sapagkat buong araw ako ay pinahihirapan,
at tuwing umaga ay napaparusahan.
15 Kung aking sinabi, “Ako'y magsasalita ng ganito;”
ako'y hindi magiging tapat sa salinlahi ng mga anak mo.
16 Ngunit nang aking isipin kung paano ito uunawain,
sa akin ay parang napakahirap na gawain,
17 hanggang sa ako'y pumasok sa santuwaryo ng Diyos,
saka ko naunawaan ang kanilang katapusan.
18 Tunay na sa madudulas na dako sila'y iyong inilalagay,
iyong ibinabagsak sila sa kapahamakan.
19 Gaya na lamang ang pagkawasak nila sa isang iglap,
tinatangay na lubusan ng mga sindak!
20 Sila'y gaya ng panaginip kapag nagigising ang isang tao,
sa pagkagising ang kanilang larawan ay hinahamak mo.
21 Nang ang aking kaluluwa ay nagdamdam,
nang ang kalooban ko'y nasaktan,
22 ako'y naging hangal at mangmang;
ako'y naging gaya ng hayop sa harapan mo.
23 Gayunman ako'y kasama mong palagian,
inaalalayan mo ang aking kanang kamay.
24 Sa iyong payo ako'y iyong pinapatnubayan,
at pagkatapos ay tatanggapin mo ako sa kaluwalhatian.
25 Anong mayroon ako sa langit kundi ikaw?
at liban sa iyo'y wala akong anumang ninanasa sa lupa.
26 Ang aking laman at ang aking puso ay maaaring manghina,
ngunit ang Diyos ang lakas ng aking puso at bahagi ko magpakailanman.
27 Sapagkat narito, malilipol silang malayo sa iyo;
ang lahat na hindi tapat sa iyo ay winakasan mo.
28 Ngunit para sa akin, ang pagiging malapit ng Diyos ay aking kabutihan;
ginawa kong aking kanlungan ang Panginoong Diyos,
upang aking maisaysay ang lahat ng iyong mga gawa.