Рет қаралды 443
Venesuelada yerləşən dünyanın ən məşhur şəlalələrindən olan Anxelin adını hər birimiz orta məktəbdə heç olmasa azı 1 dəfə eşitmişik. Dərslikdə 1054 metr hündürlüklə dünyanın ən hündür şəlaləsi sayılan Anxelin hazırda 979 metr olduğu deyilir və Cənubi Afrika Respublikasında yeləşən Tugela şəlaləsinin 983 metr ilə ondan daha hündür ola biləcəyi istisna edilmir.
Yerli əhalini nəzərə almasaq, şəlaləni ilk dəfə görənlərin ispan səyyahlar olduğu deyilir. Amma 1933-cü ildə onun üzərindən uçan ABŞ pilotu Cimmi Engelin soyadının ispanca oxunuşu əsasında Anxel şəlaləsi adlandırılıb.
Almaz yataqları axtarışına çıxan Cimmi Engel 1937-ci ildə bura qayıdaraq xanımı və daha iki nəfərlə birlikdə kiçik təyyarədə suyun töküldüyü "İblis dağı" üzərinə eniş edir. Eniş zamanı təyyarənin bir şassisi sınır və burnu yerə dəyir. Nəticədə onunla qayıtmaq mümkün olmur. Engelin dəstəsi 11 gün yol getdikdən sonra nəhayət yaşayış məntəqəsinə çıxırlar.
33 il dağda qalan təyyarə 1970-ci ildə helikopterlə dağdan endirilir və ekspozisiya kimi nümayiş etdirilməsi üçün Siudad-Bolivar şəhərinin hava limanının qarşısına gətirilir.
Cimmi Engel isə 14 il əvvəl, 1956-cı ildə vəfat etmişdi. Cəsədi yandırıldıqdan sonra külü Kaliforniyada məbədlərin birində dəfn olundu. 1960-cı ildə isə vəsiyyətinə uyğun olaraq Anxel şəlaləsinin üzərinə səpildi.
#venesuela #angel #angelfalls #venezuela #viral #viralvideo #viralvideo #engel #jimmiengel