აფხაზეთის ომის დროს, კამანზე ფართომასშტაბიანი შეტევიდან 31 წელი გავიდა

აფხაზეთის ომის დროს, კამანზე ფართომასშტაბიანი შეტევიდან 31 წელი გავიდა.
1992 წლის აგვისტოში, ომის დაწყებისთანავე, კამანელებმა შექმნეს მცირერიცხოვანი საბრძოლო ჯგუფი. იმ პერიოდისთვის 23-ე ბრიგადა არ არსებობდა და კამანის მებრძოლთა ჯგუფი ტანკსაწინააღმდეგო ბატალიონის მზვერავთა ასეულში ირიცხებოდა. შემდგომ კი 23-ე ბრიგადის მე-8-ე ბატალიონის მესამე ასეულად ჩამოყალიბდა.
1993 წლის 5 ივლისს ფართომასშტაბიანი შემოტევა კამანელებისთვის მოულოდნელი არ ყოფილა. კამანელები ოთხ საგუშაგოზე გამაგრდნენ და მტრის იერიშებს ღირსეულად იგერიებდნენ. საბოლოოდ, არათანაბარი ბრძოლა კამანის აღებით დასრულდა. კამანში განვითარებულმა მოვლენებმა უამრავი ადამიანის სიცოცხლე იმსხვერპლა. მათ შორის იყვენენ წმინდა იოანე ოქროპირის სახელობის ტაძრის მოძღვარი მამა ანდრია და ამავე ტაძრის ქომაგი და აღმდგენი აფხაზი იური ანუა.
ამ დღესთან დაკავშირებით აფხაზეთის მთავრობისა და აფხაზეთის მეომართა კავშირის წევრები, ომის ვეტერანები ილორის წმინდა გიორგის სახელობის ტაძრის მეტოქიონში შეიკრიბნენ და საქართველოს ტერიტორიული მთლიანობისთვის დაღუპულ გმირთა მოსახსენიებელ პანაშვიდს დაესწრნენ.
მოგვიანებით, აფხაზეთის საზოგადოების წარმომადგენლებმა
საქართველოს ტერიტორიული მთლიანობისთვის დაღუპულ გმირთა მემორიალთან გადაინაცვლეს და პატივი მიაგეს ომში დაღუპულ გმირთა ხსოვნას.

[@MrDididevi]

აფხაზეთი საქართველოა! სამარადჟამო დიდება გმირებს!

[@user-hf6dr2bw9z]

ჩვენი საამაყო ბიჭები.მამა ანდრია ევედრე ღმერთსა ჩვენთვის.

[@mikheikavtaradze9472]

❤

[@user-ef2cl4wl9o]

დიდება გმირებს