Արդեն չոչող, բայց դեռ չքայլող ամենաարագ մարդիկ

Մրցույթի մասնակցող երեխաներին անվանում են «չոչորդ», ճանապարհը, որով նրանք պետք է անցնեն՝ «չոչուղի»։
Չոչորդներն ունեն երկու ուղեկցող, մեկը ճանապարհում է նրանց, մյուսը՝ դիմավորում։ Դիմավորողները երեխային գրավելու համար իրեր են բերում։ Այս տարի գայթակղող իրերի շարքում էին կիթառը, մատնաքաշը, Չոքո-փայի տուփը, երեխայի սիրելի բաժակը, մեծ եղբոր խաղալիքները։ Նախորդ տարիներին եղել են ռոբոտ փոշեկուլներ, կախիչներ, միքսերներ, մի անգամ էլ` երեխայի զույգ եղբայրը։
Չոչորդների մեծ մասը ստարտից հետո տեղից չէին շարժվում, ծայրամասային չոչուղիների մարզիկները հիմնականում լացում էին։ Երկրպագուների ստեղծած աղմուկը երեխաների համար մի քիչ վախենալու էր։ Հարազատները շփոթված չոչորդներին փորձում էին ոգևորել պաստառներով և փուչիկներով։ Նրանց համար, ում չոչելու տարիքն արդեն անցել է, մրցույթի հովանավորները (մասնավոր բիզնես-ընկերություններ, որոնք զբաղվում են մանկական իրերի առևտրով կամ մանկավարժական ծառայությունների մատուցմամբ) ժամանցային տաղավարներ էին սարքել՝ նկարչություն, առաջին բուժօգնություն, ճուտիկներ։ Տարածքում էին սիմֆոնիկ նվագախմբի երաժիշտները և բալետի պարուհիներ։

[@lusyaxudoyan4912]

Փոքրիկ հրաշքներ❤❤❤❤

[@v5271n]

😂